Devotional Hyms - Devi

৷৷śrīḥ৷৷

৷৷tripurasundaryaṣṭakam৷৷

kadambavanacāriṇīṅ munikadambakādambinīṅ

nitambajitabhūdharāṅ suranitambinīsēvitām.

navāmburuhalōcanāmabhinavāmbudaśyāmalāṅ
trilōcanakuṭumbinīṅ tripurasundarīmāśrayē৷৷1৷৷

kadambavanavāsinīṅ kanakavallakīdhāriṇīṅ

mahārhamaṇihāriṇīṅ mukhasamullasadvāruṇīm.

dayāvibhavakāriṇīṅ viśadarōcanācāriṇīṅ
trilōcanakuṭumbinīṅ tripurasundarīmāśrayē৷৷2৷৷

kadambavanaśālayā kucabharōllasanmālayā

kucōpamitaśailayā gurukṛpālasadvēlayā.

madāruṇakapōlayā madhuragītavācālayā
kayāpi ghananīlayā kavacitā vayaṅ līlayā৷৷3৷৷

kadambavanamadhyagāṅ kanakamaṇḍalōpasthitāṅ

ṣaḍamburuhavāsinīṅ satatasiddhasaudāminīm.

viḍambitajapāruciṅ vikacacandracūḍāmaṇiṅ
trilōcanakuṭumbinīṅ tripurasundarīmāśrayē৷৷4৷৷

kucāñcitavipañcikāṅ kuṭilakuntalālaṅkṛtāṅ

kuśēśayanivāsinīṅ kuṭilacittavidvēṣiṇīm.

madāruṇavilōcanāṅ manasijārisaṅmōhinīṅ
mataṅgamunikanyakāṅ madhurabhāṣiṇīmāśrayē৷৷5৷৷

smarētprathamapuṣpiṇīṅ rudhirabindunīlāmbarāṅ

gṛhītamadhupātrikāṅ madavighūrṇanētrāñcalām.

ghanastanabharōnnatāṅ galitacūlikāṅ śyāmalāṅ
trilōcanakuṭumbinīṅ tripurasundarīmāśrayē৷৷6৷৷

sakuṅkumavilēpanāmalakacumbikastūrikāṅ

samandahasitēkṣaṇāṅ saśaracāpapāśāṅkuśām.

aśēṣajanamōhinīmaruṇamālyabhūṣāmbarāṅ
japākusumabhāsurāṅ japavidhau smarāmyambikām৷৷7৷৷

puraṅdarapurandhrikācikurabandhasairandhrikāṅ

pitāmahapativratāpaṭupaṭīracarcāratām.

mukundaramaṇīmaṇīlasadalaṅkriyākāriṇīṅ
bhajāmi bhuvanāmbikāṅ suravadhūṭikācēṭikām৷৷8৷৷


iti śrīmatparamahaṅsaparivrājakācāryasya

śrīgōvindabhagavatpūjyapādaśiṣyasya

śrīmacchaṅkarabhagavataḥ kṛtau

tripurasundaryaṣṭakaṅ saṅpūrṇam৷৷