Devotional Hyms - Devi

।।ਸ਼੍ਰੀ।।

।।ਤ੍ਰਿਪੁਰਸੁਨ੍ਦਰ੍ਯਸ਼੍ਟਕਮ੍।।

ਕਦਮ੍ਬਵਨਚਾਰਿਣੀਂ ਮੁਨਿਕਦਮ੍ਬਕਾਦਮ੍ਬਿਨੀਂ

ਨਿਤਮ੍ਬਜਿਤਭੂਧਰਾਂ ਸੁਰਨਿਤਮ੍ਬਿਨੀਸੇਵਿਤਾਮ੍।

ਨਵਾਮ੍ਬੁਰੁਹਲੋਚਨਾਮਭਿਨਵਾਮ੍ਬੁਦਸ਼੍ਯਾਮਲਾਂ
ਤ੍ਰਿਲੋਚਨਕੁਟੁਮ੍ਬਿਨੀਂ ਤ੍ਰਿਪੁਰਸੁਨ੍ਦਰੀਮਾਸ਼੍ਰਯੇ।।1।।

ਕਦਮ੍ਬਵਨਵਾਸਿਨੀਂ ਕਨਕਵਲ੍ਲਕੀਧਾਰਿਣੀਂ

ਮਹਾਰ੍ਹਮਣਿਹਾਰਿਣੀਂ ਮੁਖਸਮੁਲ੍ਲਸਦ੍ਵਾਰੁਣੀਮ੍।

ਦਯਾਵਿਭਵਕਾਰਿਣੀਂ ਵਿਸ਼ਦਰੋਚਨਾਚਾਰਿਣੀਂ
ਤ੍ਰਿਲੋਚਨਕੁਟੁਮ੍ਬਿਨੀਂ ਤ੍ਰਿਪੁਰਸੁਨ੍ਦਰੀਮਾਸ਼੍ਰਯੇ।।2।।

ਕਦਮ੍ਬਵਨਸ਼ਾਲਯਾ ਕੁਚਭਰੋਲ੍ਲਸਨ੍ਮਾਲਯਾ

ਕੁਚੋਪਮਿਤਸ਼ੈਲਯਾ ਗੁਰੁਕਰਿਪਾਲਸਦ੍ਵੇਲਯਾ।

ਮਦਾਰੁਣਕਪੋਲਯਾ ਮਧੁਰਗੀਤਵਾਚਾਲਯਾ
ਕਯਾਪਿ ਘਨਨੀਲਯਾ ਕਵਚਿਤਾ ਵਯਂ ਲੀਲਯਾ।।3।।

ਕਦਮ੍ਬਵਨਮਧ੍ਯਗਾਂ ਕਨਕਮਣ੍ਡਲੋਪਸ੍ਥਿਤਾਂ

ਸ਼ਡਮ੍ਬੁਰੁਹਵਾਸਿਨੀਂ ਸਤਤਸਿਦ੍ਧਸੌਦਾਮਿਨੀਮ੍।

ਵਿਡਮ੍ਬਿਤਜਪਾਰੁਚਿਂ ਵਿਕਚਚਨ੍ਦ੍ਰਚੂਡਾਮਣਿਂ
ਤ੍ਰਿਲੋਚਨਕੁਟੁਮ੍ਬਿਨੀਂ ਤ੍ਰਿਪੁਰਸੁਨ੍ਦਰੀਮਾਸ਼੍ਰਯੇ।।4।।

ਕੁਚਾਞ੍ਚਿਤਵਿਪਞ੍ਚਿਕਾਂ ਕੁਟਿਲਕੁਨ੍ਤਲਾਲਂਕਰਿਤਾਂ

ਕੁਸ਼ੇਸ਼ਯਨਿਵਾਸਿਨੀਂ ਕੁਟਿਲਚਿਤ੍ਤਵਿਦ੍ਵੇਸ਼ਿਣੀਮ੍।

ਮਦਾਰੁਣਵਿਲੋਚਨਾਂ ਮਨਸਿਜਾਰਿਸਂਮੋਹਿਨੀਂ
ਮਤਙ੍ਗਮੁਨਿਕਨ੍ਯਕਾਂ ਮਧੁਰਭਾਸ਼ਿਣੀਮਾਸ਼੍ਰਯੇ।।5।।

ਸ੍ਮਰੇਤ੍ਪ੍ਰਥਮਪੁਸ਼੍ਪਿਣੀਂ ਰੁਧਿਰਬਿਨ੍ਦੁਨੀਲਾਮ੍ਬਰਾਂ

ਗਰਿਹੀਤਮਧੁਪਾਤ੍ਰਿਕਾਂ ਮਦਵਿਘੂਰ੍ਣਨੇਤ੍ਰਾਞ੍ਚਲਾਮ੍।

ਘਨਸ੍ਤਨਭਰੋਨ੍ਨਤਾਂ ਗਲਿਤਚੂਲਿਕਾਂ ਸ਼੍ਯਾਮਲਾਂ
ਤ੍ਰਿਲੋਚਨਕੁਟੁਮ੍ਬਿਨੀਂ ਤ੍ਰਿਪੁਰਸੁਨ੍ਦਰੀਮਾਸ਼੍ਰਯੇ।।6।।

ਸਕੁਙ੍ਕੁਮਵਿਲੇਪਨਾਮਲਕਚੁਮ੍ਬਿਕਸ੍ਤੂਰਿਕਾਂ

ਸਮਨ੍ਦਹਸਿਤੇਕ੍ਸ਼ਣਾਂ ਸਸ਼ਰਚਾਪਪਾਸ਼ਾਙ੍ਕੁਸ਼ਾਮ੍।

ਅਸ਼ੇਸ਼ਜਨਮੋਹਿਨੀਮਰੁਣਮਾਲ੍ਯਭੂਸ਼ਾਮ੍ਬਰਾਂ
ਜਪਾਕੁਸੁਮਭਾਸੁਰਾਂ ਜਪਵਿਧੌ ਸ੍ਮਰਾਮ੍ਯਮ੍ਬਿਕਾਮ੍।।7।।

ਪੁਰਂਦਰਪੁਰਨ੍ਧ੍ਰਿਕਾਚਿਕੁਰਬਨ੍ਧਸੈਰਨ੍ਧ੍ਰਿਕਾਂ

ਪਿਤਾਮਹਪਤਿਵ੍ਰਤਾਪਟੁਪਟੀਰਚਰ੍ਚਾਰਤਾਮ੍।

ਮੁਕੁਨ੍ਦਰਮਣੀਮਣੀਲਸਦਲਂਕ੍ਰਿਯਾਕਾਰਿਣੀਂ
ਭਜਾਮਿ ਭੁਵਨਾਮ੍ਬਿਕਾਂ ਸੁਰਵਧੂਟਿਕਾਚੇਟਿਕਾਮ੍।।8।।


ਇਤਿ ਸ਼੍ਰੀਮਤ੍ਪਰਮਹਂਸਪਰਿਵ੍ਰਾਜਕਾਚਾਰ੍ਯਸ੍ਯ

ਸ਼੍ਰੀਗੋਵਿਨ੍ਦਭਗਵਤ੍ਪੂਜ੍ਯਪਾਦਸ਼ਿਸ਼੍ਯਸ੍ਯ

ਸ਼੍ਰੀਮਚ੍ਛਂਕਰਭਗਵਤ ਕਰਿਤੌ

ਤ੍ਰਿਪੁਰਸੁਨ੍ਦਰ੍ਯਸ਼੍ਟਕਂ ਸਂਪੂਰ੍ਣਮ੍।।