Devotional Hyms - Devi

||ଶ୍ରୀଃ||

||ତ୍ରିପୁରସୁନ୍ଦର୍ଯଷ୍ଟକମ୍||

କଦମ୍ବବନଚାରିଣୀଂ ମୁନିକଦମ୍ବକାଦମ୍ବିନୀଂ

ନିତମ୍ବଜିତଭୂଧରାଂ ସୁରନିତମ୍ବିନୀସେବିତାମ୍|

ନବାମ୍ବୁରୁହଲୋଚନାମଭିନବାମ୍ବୁଦଶ୍ଯାମଲାଂ
ତ୍ରିଲୋଚନକୁଟୁମ୍ବିନୀଂ ତ୍ରିପୁରସୁନ୍ଦରୀମାଶ୍ରଯେ||1||

କଦମ୍ବବନବାସିନୀଂ କନକବଲ୍ଲକୀଧାରିଣୀଂ

ମହାର୍ହମଣିହାରିଣୀଂ ମୁଖସମୁଲ୍ଲସଦ୍ବାରୁଣୀମ୍|

ଦଯାବିଭବକାରିଣୀଂ ବିଶଦରୋଚନାଚାରିଣୀଂ
ତ୍ରିଲୋଚନକୁଟୁମ୍ବିନୀଂ ତ୍ରିପୁରସୁନ୍ଦରୀମାଶ୍ରଯେ||2||

କଦମ୍ବବନଶାଲଯା କୁଚଭରୋଲ୍ଲସନ୍ମାଲଯା

କୁଚୋପମିତଶୈଲଯା ଗୁରୁକୃପାଲସଦ୍ବେଲଯା|

ମଦାରୁଣକପୋଲଯା ମଧୁରଗୀତବାଚାଲଯା
କଯାପି ଘନନୀଲଯା କବଚିତା ବଯଂ ଲୀଲଯା||3||

କଦମ୍ବବନମଧ୍ଯଗାଂ କନକମଣ୍ଡଲୋପସ୍ଥିତାଂ

ଷଡମ୍ବୁରୁହବାସିନୀଂ ସତତସିଦ୍ଧସୌଦାମିନୀମ୍|

ବିଡମ୍ବିତଜପାରୁଚିଂ ବିକଚଚନ୍ଦ୍ରଚୂଡାମଣିଂ
ତ୍ରିଲୋଚନକୁଟୁମ୍ବିନୀଂ ତ୍ରିପୁରସୁନ୍ଦରୀମାଶ୍ରଯେ||4||

କୁଚାଞ୍ଚିତବିପଞ୍ଚିକାଂ କୁଟିଲକୁନ୍ତଲାଲଂକୃତାଂ

କୁଶେଶଯନିବାସିନୀଂ କୁଟିଲଚିତ୍ତବିଦ୍ବେଷିଣୀମ୍|

ମଦାରୁଣବିଲୋଚନାଂ ମନସିଜାରିସଂମୋହିନୀଂ
ମତଙ୍ଗମୁନିକନ୍ଯକାଂ ମଧୁରଭାଷିଣୀମାଶ୍ରଯେ||5||

ସ୍ମରେତ୍ପ୍ରଥମପୁଷ୍ପିଣୀଂ ରୁଧିରବିନ୍ଦୁନୀଲାମ୍ବରାଂ

ଗୃହୀତମଧୁପାତ୍ରିକାଂ ମଦବିଘୂର୍ଣନେତ୍ରାଞ୍ଚଲାମ୍|

ଘନସ୍ତନଭରୋନ୍ନତାଂ ଗଲିତଚୂଲିକାଂ ଶ୍ଯାମଲାଂ
ତ୍ରିଲୋଚନକୁଟୁମ୍ବିନୀଂ ତ୍ରିପୁରସୁନ୍ଦରୀମାଶ୍ରଯେ||6||

ସକୁଙ୍କୁମବିଲେପନାମଲକଚୁମ୍ବିକସ୍ତୂରିକାଂ

ସମନ୍ଦହସିତେକ୍ଷଣାଂ ସଶରଚାପପାଶାଙ୍କୁଶାମ୍|

ଅଶେଷଜନମୋହିନୀମରୁଣମାଲ୍ଯଭୂଷାମ୍ବରାଂ
ଜପାକୁସୁମଭାସୁରାଂ ଜପବିଧୌ ସ୍ମରାମ୍ଯମ୍ବିକାମ୍||7||

ପୁରଂଦରପୁରନ୍ଧ୍ରିକାଚିକୁରବନ୍ଧସୈରନ୍ଧ୍ରିକାଂ

ପିତାମହପତିବ୍ରତାପଟୁପଟୀରଚର୍ଚାରତାମ୍|

ମୁକୁନ୍ଦରମଣୀମଣୀଲସଦଲଂକ୍ରିଯାକାରିଣୀଂ
ଭଜାମି ଭୁବନାମ୍ବିକାଂ ସୁରବଧୂଟିକାଚେଟିକାମ୍||8||


ଇତି ଶ୍ରୀମତ୍ପରମହଂସପରିବ୍ରାଜକାଚାର୍ଯସ୍ଯ

ଶ୍ରୀଗୋବିନ୍ଦଭଗବତ୍ପୂଜ୍ଯପାଦଶିଷ୍ଯସ୍ଯ

ଶ୍ରୀମଚ୍ଛଂକରଭଗବତଃ କୃତୌ

ତ୍ରିପୁରସୁନ୍ଦର୍ଯଷ୍ଟକଂ ସଂପୂର୍ଣମ୍||