Devotional Hyms - Devi

৷৷śrīḥ৷৷

৷৷navaratnamālikā৷৷
hāranūpurakirīṭakuṇḍalavibhūṣitāvayavaśōbhinīṅ

kāraṇēśavaramaulikōṭiparikalpyamānapadapīṭhikām.

kālakālaphaṇipāśabāṇadhanuraṅkuśāmaruṇamēkhalāṅ
phālabhūtilakalōcanāṅ manasi bhāvayāmi paradēvatām৷৷1৷৷

gandhasāraghanasāracārunavanāgavallirasavāsinīṅ

sāndhyarāgamadhurādharābharaṇasundarānanaśucismitām.

mandharāyatavilōcanāmamalabālacandrakṛtaśēkharīṅ
indirāramaṇasōdarīṅ manasi bhāvayāmi paradēvatām৷৷2৷৷

smēracārumukhamaṇḍalāṅ vimalagaṇḍalambimaṇimaṇḍalāṅ

hāradāmapariśōbhamānakucabhārabhīrutanumadhyamām.

vīragarvaharanūpurāṅ vividhakāraṇēśavarapīṭhikāṅ
māravairisahacāriṇīṅ manasi bhāvayāmi paradēvatām৷৷3৷৷

bhūribhāradharakuṇḍalīndramaṇibaddhabhūvalayapīṭhikāṅ

vārirāśimaṇimēkhalāvalayavahnimaṇḍalaśarīriṇīm.

vārisāravahakuṇḍalāṅ gaganaśēkharīṅ ca paramātmikāṅ
cārucandraravilōcanāṅ manasi bhāvayāmi paradēvatām৷৷4৷৷

kuṇḍalatrividhakōṇamaṇḍalavihāraṣaḍdalasamullasa-

tpuṇḍarīkamukhabhēdinīṅ ca pracaṇḍabhānubhāsamujjvalām.

maṇḍalēnduparivāhitāmṛtataraṅgiṇīmaruṇarūpiṇīṅ
maṇḍalāntamaṇidīpikāṅ manasi bhāvayāmi paradēvatām৷৷5৷৷

vāraṇānanamayūravāhamukhadāhavāraṇapayōdharāṅ

cāraṇādisurasundarīcikuraśēkharīkṛtapadāmbujām.

kāraṇādhipatipañcakaprakṛtikāraṇaprathamamātṛkāṅ
vāraṇāntamukhapāraṇāṅ manasi bhāvayāmi paradēvatām৷৷6৷৷

padmakāntipadapāṇipallavapayōdharānanasarōruhāṅ

padmarāgamaṇimēkhalāvalayanīviśōbhitanitambinīm.

padmasaṅbhavasadāśivāntamayapañcaratnapadapīṭhikāṅ
padminīṅ praṇavarūpiṇīṅ manasi bhāvayāmi paradēvatām৷৷7৷৷

āgamapraṇavapīṭhikāmamalavarṇamaṅgalaśarīriṇīṅ

āgamāvayavaśōbhinīmakhilavēdasārakṛtaśēkharīm.

mūlamantramukhamaṇḍalāṅ muditanādabindunavayauvanāṅ
mātṛkāṅ tripurasundarīṅ manasi bhāvayāmi paradēvatām৷৷8৷৷

kālikātimirakuntalāntaghanabhṛṅgamaṅgalavirājinīṅ

cūlikāśikharamālikāvalayamallikāsurabhisaurabhām.

vālikāmadhuragaṇḍamaṇḍalamanōharānanasarōruhāṅ
kālikāmakhilanāyikāṅ manasi bhāvayāmi paradēvatām৷৷9৷৷

nityamēva niyamēna jalpatāṅ

bhuktimuktiphaladāmabhīṣṭadām.

śaṅkarēṇa racitāṅ sadā japē-
nnāmaratnanavaratnamālikām৷৷10৷৷


iti śrīmatparamahaṅsaparivrājakācāryasya

śrīgōvindabhagavatpūjyapādaśiṣyasya

śrīmacchaṅkarabhagavataḥ kṛtau

navaratnamālikā saṅpūrṇā৷৷