ଏଣାଙ୍କାନଲଭାନୁମଣ୍ଡଲଲସଚ୍ଛ୍ରୀଚକ୍ରମଧ୍ଯେ ସ୍ଥିତାଂ

ବାଲାର୍କଦ୍ଯୁତିଭାସୁରାଂ କରତଲୈଃ ପାଶାଙ୍କୁଶୌ ବିଭ୍ରତୀମ୍|

ଚାପଂ ବାଣମପି ପ୍ରସନ୍ନବଦନାଂ କୌସୁମ୍ଭବସ୍ତ୍ରାନ୍ବିତାଂ
ତାଂ ତ୍ବାଂ ଚନ୍ଦ୍ରକଲାବତଂସମକୁଟାଂ ଚାରୁସ୍ମିତାଂ ଭାବଯେ||2||

ଲକ୍ଷ୍ଯେ ଯୋଗିଜନସ୍ଯ ରକ୍ଷିତଜଗଜ୍ଜାଲେ ବିଶାଲେକ୍ଷଣେ

ପ୍ରାଲେଯାମ୍ବୁପଟୀରକୁଙ୍କୁମଲସତ୍କର୍ପୂରମିଶ୍ରୋଦକୈଃ|

ଗୋକ୍ଷୀରୈରପି ନାରିକେଲସଲିଲୈଃ ଶୁଦ୍ଧୋଦକୈର୍ମନ୍ତ୍ରିତୈଃ
ସ୍ନାନଂ ଦେବି ଧିଯା ମଯୈତଦଖିଲଂ ସଂତୁଷ୍ଟଯେ କଲ୍ପତାମ୍||4||

ହଂସୈରପ୍ଯତିଲୋଭନୀଯଗମନେ ହାରାବଲୀମୁଜ୍ଜ୍ବଲାଂ

ହିନ୍ଦୋଲଦ୍ଯୁତିହୀରପୂରିତତରେ ହେମାଙ୍ଗଦେ କଙ୍କଣେ|

ମଞ୍ଜୀରୌ ମଣିକୁଣ୍ଡଲେ ମକୁଟମପ୍ଯର୍ଧେନ୍ଦୁଚୂଡାମଣିଂ
ନାସାମୌକ୍ତିକମଙ୍ଗୁଲୀଯକଟକୌ କାଞ୍ଚୀମପି ସ୍ବୀକୁରୁ||6||

କହ୍ଲାରୋତ୍ପଲମଲ୍ଲିକାମରୁବକୈଃ ସୌବର୍ଣପଙ୍କେରୁହୈ-

ର୍ଜାତୀଚମ୍ପକମାଲତୀବକୁଲକୈର୍ମନ୍ଦାରକୁନ୍ଦାଦିଭିଃ|

କେତକ୍ଯା କରବୀରକୈର୍ବହୁବିଧୈଃ କ୍ଲୃପ୍ତାଃ ସ୍ରଜୋ ମାଲିକାଃ
ସଂକଲ୍ପେନ ସମର୍ପଯାମି ବରଦେ ସଂତୁଷ୍ଟଯେ ଗୃହ୍ଯତାମ୍||8||

ଲକ୍ଷ୍ମୀମୁଜ୍ଜ୍ବଲଯାମି ରତ୍ନନିବହୋଦ୍ଭାସ୍ବତ୍ତରେ ମନ୍ଦିରେ

ମାଲାରୂପବିଲମ୍ବିତୈର୍ମଣିମଯସ୍ତମ୍ଭେଷୁ ସଂଭାବିତୈଃ|

ଚିତ୍ରୈର୍ହାଟକପୁତ୍ରିକାକରଧୃତୈର୍ଗବ୍ଯୈର୍ଘୃତୈର୍ବର୍ଧିତୈ-
ର୍ଦିବ୍ଯୈର୍ଦୀପଗଣୈର୍ଧିଯା ଗିରିସୁତେ ସଂତୁଷ୍ଟଯେ କଲ୍ପତାମ୍||10||

ସଚ୍ଛାଯୈର୍ବରକେତକୀଦଲରୁଚା ତାମ୍ବୂଲବଲ୍ଲୀଦଲୈଃ

ପୂଗୈର୍ଭୂରିଗୁଣୈଃ ସୁଗନ୍ଧିମଧୁରୈଃ କର୍ପୂରଖଣ୍ଡୋଜ୍ଜ୍ବଲୈଃ|

ମୁକ୍ତାଚୂର୍ଣବିରାଜିତୈର୍ବହୁବିଧୈର୍ବକ୍ତ୍ରାମ୍ବୁଜାମୋଦନୈଃ
ପୂର୍ଣା ରତ୍ନକଲାଚିକା ତବ ମୁଦେ ନ୍ଯସ୍ତା ପୁରସ୍ତାଦୁମେ||12||

ଲକ୍ଷ୍ମୀର୍ମୌକ୍ତିକଲକ୍ଷକଲ୍ପିତସିତଚ୍ଛତ୍ରଂ ତୁ ଧତ୍ତେ ରସା-

ଦିନ୍ଦ୍ରାଣୀ ଚ ରତିଶ୍ଚ ଚାମରବରେ ଧତ୍ତେ ସ୍ବଯଂ ଭାରତୀ|

ବୀଣାମେଣବିଲୋଚନାଃ ସୁମନସାଂ ନୃତ୍ଯନ୍ତି ତଦ୍ରାଗବ-
ଦ୍ଭାବୈରାଙ୍ଗିକସାତ୍ତ୍ବିକୈଃ ସ୍ଫୁଟରସଂ ମାତସ୍ତଦାକର୍ଣ୍ଯତାମ୍||14||

ଶ୍ରୀମନ୍ତ୍ରାକ୍ଷରମାଲଯା ଗିରିସୁତାଂ ଯଃ ପୂଜଯେଚ୍ଚେତସା

ସଂଧ୍ଯାସୁ ପ୍ରତିବାସରଂ ସୁନିଯତସ୍ତସ୍ଯାମଲଂ ସ୍ଯାନ୍ମନଃ|

ଚିତ୍ତାମ୍ଭୋରୁହମଣ୍ଟପେ ଗିରିସୁତା ନୃତ୍ତଂ ବିଧତ୍ତେ ରସା-
ଦ୍ବାଣୀ ବକ୍ତ୍ରସରୋରୁହେ ଜଲଧିଜା ଗେହେ ଜଗନ୍ମଙ୍ଗଲା||16||