ഏണാങ്കാനലഭാനുമണ്ഡലലസച്ഛ്രീചക്രമധ്യേ സ്ഥിതാം

ബാലാര്കദ്യുതിഭാസുരാം കരതലൈഃ പാശാങ്കുശൌ ബിഭ്രതീമ്.

ചാപം ബാണമപി പ്രസന്നവദനാം കൌസുമ്ഭവസ്ത്രാന്വിതാം
താം ത്വാം ചന്ദ്രകലാവതംസമകുടാം ചാരുസ്മിതാം ഭാവയേ৷৷2৷৷

ലക്ഷ്യേ യോഗിജനസ്യ രക്ഷിതജഗജ്ജാലേ വിശാലേക്ഷണേ

പ്രാലേയാമ്ബുപടീരകുങ്കുമലസത്കര്പൂരമിശ്രോദകൈഃ.

ഗോക്ഷീരൈരപി നാരികേലസലിലൈഃ ശുദ്ധോദകൈര്മന്ത്രിതൈഃ
സ്നാനം ദേവി ധിയാ മയൈതദഖിലം സംതുഷ്ടയേ കല്പതാമ്৷৷4৷৷

ഹംസൈരപ്യതിലോഭനീയഗമനേ ഹാരാവലീമുജ്ജ്വലാം

ഹിന്ദോലദ്യുതിഹീരപൂരിതതരേ ഹേമാങ്ഗദേ കങ്കണേ.

മഞ്ജീരൌ മണികുണ്ഡലേ മകുടമപ്യര്ധേന്ദുചൂഡാമണിം
നാസാമൌക്തികമങ്ഗുലീയകടകൌ കാഞ്ചീമപി സ്വീകുരു৷৷6৷৷

കഹ്ലാരോത്പലമല്ലികാമരുവകൈഃ സൌവര്ണപങ്കേരുഹൈ-

ര്ജാതീചമ്പകമാലതീവകുലകൈര്മന്ദാരകുന്ദാദിഭിഃ.

കേതക്യാ കരവീരകൈര്ബഹുവിധൈഃ ക്ലൃപ്താഃ സ്രജോ മാലികാഃ
സംകല്പേന സമര്പയാമി വരദേ സംതുഷ്ടയേ ഗൃഹ്യതാമ്৷৷8৷৷

ലക്ഷ്മീമുജ്ജ്വലയാമി രത്നനിവഹോദ്ഭാസ്വത്തരേ മന്ദിരേ

മാലാരൂപവിലമ്ബിതൈര്മണിമയസ്തമ്ഭേഷു സംഭാവിതൈഃ.

ചിത്രൈര്ഹാടകപുത്രികാകരധൃതൈര്ഗവ്യൈര്ഘൃതൈര്വര്ധിതൈ-
ര്ദിവ്യൈര്ദീപഗണൈര്ധിയാ ഗിരിസുതേ സംതുഷ്ടയേ കല്പതാമ്৷৷10৷৷

സച്ഛായൈര്വരകേതകീദലരുചാ താമ്ബൂലവല്ലീദലൈഃ

പൂഗൈര്ഭൂരിഗുണൈഃ സുഗന്ധിമധുരൈഃ കര്പൂരഖണ്ഡോജ്ജ്വലൈഃ.

മുക്താചൂര്ണവിരാജിതൈര്ബഹുവിധൈര്വക്ത്രാമ്ബുജാമോദനൈഃ
പൂര്ണാ രത്നകലാചികാ തവ മുദേ ന്യസ്താ പുരസ്താദുമേ৷৷12৷৷

ലക്ഷ്മീര്മൌക്തികലക്ഷകല്പിതസിതച്ഛത്രം തു ധത്തേ രസാ-

ദിന്ദ്രാണീ ച രതിശ്ച ചാമരവരേ ധത്തേ സ്വയം ഭാരതീ.

വീണാമേണവിലോചനാഃ സുമനസാം നൃത്യന്തി തദ്രാഗവ-
ദ്ഭാവൈരാങ്ഗികസാത്ത്വികൈഃ സ്ഫുടരസം മാതസ്തദാകര്ണ്യതാമ്৷৷14৷৷

ശ്രീമന്ത്രാക്ഷരമാലയാ ഗിരിസുതാം യഃ പൂജയേച്ചേതസാ

സംധ്യാസു പ്രതിവാസരം സുനിയതസ്തസ്യാമലം സ്യാന്മനഃ.

ചിത്താമ്ഭോരുഹമണ്ടപേ ഗിരിസുതാ നൃത്തം വിധത്തേ രസാ-
ദ്വാണീ വക്ത്രസരോരുഹേ ജലധിജാ ഗേഹേ ജഗന്മങ്ഗലാ৷৷16৷৷