এণাঙ্কানলভানুমণ্ডললসচ্ছ্রীচক্রমধ্যে স্থিতাং

বালার্কদ্যুতিভাসুরাং করতলৈঃ পাশাঙ্কুশৌ বিভ্রতীম্৷

চাপং বাণমপি প্রসন্নবদনাং কৌসুম্ভবস্ত্রান্বিতাং
তাং ত্বাং চন্দ্রকলাবতংসমকুটাং চারুস্মিতাং ভাবযে৷৷2৷৷

লক্ষ্যে যোগিজনস্য রক্ষিতজগজ্জালে বিশালেক্ষণে

প্রালেযাম্বুপটীরকুঙ্কুমলসত্কর্পূরমিশ্রোদকৈঃ৷

গোক্ষীরৈরপি নারিকেলসলিলৈঃ শুদ্ধোদকৈর্মন্ত্রিতৈঃ
স্নানং দেবি ধিযা মযৈতদখিলং সংতুষ্টযে কল্পতাম্৷৷4৷৷

হংসৈরপ্যতিলোভনীযগমনে হারাবলীমুজ্জ্বলাং

হিন্দোলদ্যুতিহীরপূরিততরে হেমাঙ্গদে কঙ্কণে৷

মঞ্জীরৌ মণিকুণ্ডলে মকুটমপ্যর্ধেন্দুচূডামণিং
নাসামৌক্তিকমঙ্গুলীযকটকৌ কাঞ্চীমপি স্বীকুরু৷৷6৷৷

কহ্লারোত্পলমল্লিকামরুবকৈঃ সৌবর্ণপঙ্কেরুহৈ-

র্জাতীচম্পকমালতীবকুলকৈর্মন্দারকুন্দাদিভিঃ৷

কেতক্যা করবীরকৈর্বহুবিধৈঃ ক্লৃপ্তাঃ স্রজো মালিকাঃ
সংকল্পেন সমর্পযামি বরদে সংতুষ্টযে গৃহ্যতাম্৷৷8৷৷

লক্ষ্মীমুজ্জ্বলযামি রত্ননিবহোদ্ভাস্বত্তরে মন্দিরে

মালারূপবিলম্বিতৈর্মণিমযস্তম্ভেষু সংভাবিতৈঃ৷

চিত্রৈর্হাটকপুত্রিকাকরধৃতৈর্গব্যৈর্ঘৃতৈর্বর্ধিতৈ-
র্দিব্যৈর্দীপগণৈর্ধিযা গিরিসুতে সংতুষ্টযে কল্পতাম্৷৷10৷৷

সচ্ছাযৈর্বরকেতকীদলরুচা তাম্বূলবল্লীদলৈঃ

পূগৈর্ভূরিগুণৈঃ সুগন্ধিমধুরৈঃ কর্পূরখণ্ডোজ্জ্বলৈঃ৷

মুক্তাচূর্ণবিরাজিতৈর্বহুবিধৈর্বক্ত্রাম্বুজামোদনৈঃ
পূর্ণা রত্নকলাচিকা তব মুদে ন্যস্তা পুরস্তাদুমে৷৷12৷৷

লক্ষ্মীর্মৌক্তিকলক্ষকল্পিতসিতচ্ছত্রং তু ধত্তে রসা-

দিন্দ্রাণী চ রতিশ্চ চামরবরে ধত্তে স্বযং ভারতী৷

বীণামেণবিলোচনাঃ সুমনসাং নৃত্যন্তি তদ্রাগব-
দ্ভাবৈরাঙ্গিকসাত্ত্বিকৈঃ স্ফুটরসং মাতস্তদাকর্ণ্যতাম্৷৷14৷৷

শ্রীমন্ত্রাক্ষরমালযা গিরিসুতাং যঃ পূজযেচ্চেতসা

সংধ্যাসু প্রতিবাসরং সুনিযতস্তস্যামলং স্যান্মনঃ৷

চিত্তাম্ভোরুহমণ্টপে গিরিসুতা নৃত্তং বিধত্তে রসা-
দ্বাণী বক্ত্রসরোরুহে জলধিজা গেহে জগন্মঙ্গলা৷৷16৷৷