Devotional Hyms - Devi

৷৷śrīḥ৷৷

prātaḥ smarāmi lalitāvadanāravindaṅ

bimbādharaṅ pṛthulamauktikaśōbhināsam.

ākarṇadīrghanayanaṅ maṇikuṇḍalāḍhyaṅ
mandasmitaṅ mṛgamadōjjvalaphāladēśam৷৷1৷৷

prātarbhajāmi lalitābhujakalpavallīṅ

raktāṅgulīyalasadaṅgulipallavāḍhyām.

māṇikyahēmavalayāṅgadaśōbhamānāṅ
puṇḍrēkṣucāpakusumēṣusṛṇīrdadhānām৷৷2৷৷

prātarnamāmi lalitācaraṇāravindaṅ

bhaktēṣṭadānaniraṅta bhavasindhupōtam.

padmāsanādisuranāyakapūjanīyaṅ
padmāṅkuśadhvajasudarśanalāñchanāḍhyam৷৷3৷৷

prātaḥ stuvē paraśivāṅ lalitāṅ bhavānīṅ

trayyantavēdyavibhavāṅ karūṇānavadyām.

viśvasya sṛṣṭivilayasthitihētubhūtāṅ
vidyēśvarīṅ nigamavāṅmanasātidūrām৷৷4৷৷

prātarvadāmi lalitē tava puṇyanāma

kāmēśvarīti kamalēti mahēśvarīti.

śrīśāmbhavīti jagatāṅ jananī parēti.
vāgdēvatēti vacasā tripurēśvarīti৷৷5৷৷

yaḥ ślōkapañcakamidaṅ lalitāmbikāyāḥ

saubhāgyadaṅ sulalitaṅ paṭhati prabhātē.

tasmai dadāti lalitā jhaṭiti prasannā
vidyāṅ śriyaṅ vimalasaukhyamanantakīrtim৷৷6৷৷


iti śrīmatparamahaṅsaparivrājakācāryasya

śrīgōvindabhagavatpūjyapādaśiṣyasya

śrīmacchaṅkarabhagavatāḥ kṛtau

lalitāpañacaratnaṅ saṅpūrṇam৷৷