Devotional Hyms - Devi

৷৷ശ്രീഃ৷৷

പ്രാതഃ സ്മരാമി ലലിതാവദനാരവിന്ദം

ബിമ്ബാധരം പൃഥുലമൌക്തികശോഭിനാസമ്.

ആകര്ണദീര്ഘനയനം മണികുണ്ഡലാഢ്യം
മന്ദസ്മിതം മൃഗമദോജ്ജ്വലഫാലദേശമ്৷৷1৷৷

പ്രാതര്ഭജാമി ലലിതാഭുജകല്പവല്ലീം

രക്താങ്ഗുലീയലസദങ്ഗുലിപല്ലവാഢ്യാമ്.

മാണിക്യഹേമവലയാങ്ഗദശോഭമാനാം
പുണ്ഡ്രേക്ഷുചാപകുസുമേഷുസൃണീര്ദധാനാമ്৷৷2৷৷

പ്രാതര്നമാമി ലലിതാചരണാരവിന്ദം

ഭക്തേഷ്ടദാനനിരംത ഭവസിന്ധുപോതമ്.

പദ്മാസനാദിസുരനായകപൂജനീയം
പദ്മാങ്കുശധ്വജസുദര്ശനലാഞ്ഛനാഢ്യമ്৷৷3৷৷

പ്രാതഃ സ്തുവേ പരശിവാം ലലിതാം ഭവാനീം

ത്രയ്യന്തവേദ്യവിഭവാം കരൂണാനവദ്യാമ്.

വിശ്വസ്യ സൃഷ്ടിവിലയസ്ഥിതിഹേതുഭൂതാം
വിദ്യേശ്വരീം നിഗമവാങ്മനസാതിദൂരാമ്৷৷4৷৷

പ്രാതര്വദാമി ലലിതേ തവ പുണ്യനാമ

കാമേശ്വരീതി കമലേതി മഹേശ്വരീതി.

ശ്രീശാമ്ഭവീതി ജഗതാം ജനനീ പരേതി.
വാഗ്ദേവതേതി വചസാ ത്രിപുരേശ്വരീതി৷৷5৷৷

യഃ ശ്ലോകപഞ്ചകമിദം ലലിതാമ്ബികായാഃ

സൌഭാഗ്യദം സുലലിതം പഠതി പ്രഭാതേ.

തസ്മൈ ദദാതി ലലിതാ ഝടിതി പ്രസന്നാ
വിദ്യാം ശ്രിയം വിമലസൌഖ്യമനന്തകീര്തിമ്৷৷6৷৷


ഇതി ശ്രീമത്പരമഹംസപരിവ്രാജകാചാര്യസ്യ

ശ്രീഗോവിന്ദഭഗവത്പൂജ്യപാദശിഷ്യസ്യ

ശ്രീമച്ഛംകരഭഗവതാഃ കൃതൌ

ലലിതാപഞചരത്നം സംപൂര്ണമ്৷৷