Devotional Hyms - Devi

৷৷śrīḥ৷৷

৷৷kalyāṇavṛṣṭistavaḥ৷৷

kalyāṇavṛṣṭibhirivāmṛtapūritābhi-

rlakṣmīsvayaṅvaraṇamaṅgaladīpikābhiḥ.

sēvābhiramba tava pādasarōjamūlē
nākāri kiṅ manasi bhāgyavatāṅ janānām৷৷1৷৷

ētāvadēva janani spṛhaṇīyamāstē

tvadvandanēṣu salilasthagitē ca nētrē.

sāṅnidhyamudyadaruṇāyutasōdarasya
tvadvigrahasya parayā sudhayāplutasya৷৷2৷৷

īśatvanāmakaluṣāḥ kavi vā na santi

brahmādayaḥ pratibhavaṅ pralayābhibhūtāḥ.

ēkaḥ sa ēva janani sthirasiddhirāstē
yaḥ pādayōstava sakṛtpraṇatiṅ karōti৷৷3৷৷

labdhvā sakṛtitrapurasundari tāvakīnaṅ

kāruṇyakandalitakāntibharaṅ kaṭākṣam.

kaṅdarpakōṭisubhagāstvayi bhaktibhājaḥ
saṅmōhayanti taruṇīrbhuvanatrayē.pi৷৷4৷৷

hrīṅkāramēva tava nāma gṛṇanti vēdā

mātastrikōṇanilayē tripurē trinētrē.

tvatsaṅsmṛtau yamabhaṭābhibhavaṅ vihāya
dīvyanti nandanavanē saha lōkapālaiḥ৷৷5৷৷

hantuḥ purāmadhigalaṅ paripīyamānaḥ

krūraḥ kathaṅ na bhavitā garalasya vēgaḥ.

nāśvāsanāya yadi mātaridaṅ tavārdhaṅ
dēhasya śaśvadamṛtāplutaśītalasya৷৷6৷৷

sarvajñatāṅ sadasi vākpaṭutāṅ prasūtē

dēvi tvadaḍghrisarasīruhayōḥ praṇāmaḥ.

kiṅ ca sphuranmakuṭamujjvalamātapatraṅ
dvē cāmarē ca mahatīṅ vasudhāṅ dadāti৷৷7৷৷

kalpadrumairabhimatapratipādanēṣu

kārūṇyavāridhibhiramba bhavatkaṭākṣaiḥ.

ālōkaya tripurasundari māmanāthaṅ
tvayyēva bhaktibharitaṅ tvayi baddhatṛṣṇam৷৷8৷৷

hantētarēṣvapi manāṅsi nidhāya cānyē

bhaktiṅ vahanti kila pāmaradaivatēṣu.

tvāmēva dēvi manasā samanusmarāmi
tvāmēva naumi śaraṇaṅ janani tvamēva৷৷9৷৷

lakṣyēṣu satsvapi kaṭākṣanirīkṣaṇānā-

mālōkaya tripurasundari māṅ kadācit.

nūnaṅ mayā tu sadṛśaḥ karuṇaikapātraṅ
jātō janiṣyati janō na ca jāyatē vā৷৷10৷৷

hrīṅhrīmiti pratidinaṅ japatāṅ tavākhyāṅ

kiṅ nāma durlabhamiha tripurādhivāsē.

mālākirīṭamadavāraṇamānanīyā
tānsēvatē vasumatī svayamēva lakṣmīḥ৷৷11৷৷

saṅpatkarāṇi sakalēndriyanandanāni

sāmrājyadānaniratāni sarōruhākṣi.

tvadvandanāni duritāharaṇōdyatāni
māmēva mātaraniśaṅ kalayantu nānyam৷৷12৷৷

kalpōpasaṅhṛtiṣu kalpitatāṇḍavasya

dēvasya khaṇḍaparaśōḥ parabhairavasya.

pāśāṅkuśaikṣavaśarāsanapuṣpabāṇā
sā sākṣiṇī vijayatē tava mūrtirēkā৷৷13৷৷

lagnaṅ sadā bhavatu mātaridaṅ tavārdhaṅ

tējaḥ paraṅ bahulakuṅkumapaṅkaśōṇam.

bhāsvatkirīṭamamṛtāṅśukalāvataṅsaṅ
madhyē trikōṇanilayaṅ paramāmṛtārdram৷৷14৷৷

hrīṅkāramēva tava nāma tadēva rūpaṅ

tvannāma durlabhamiha tripurē gṛṇanti.

tvattējasā pariṇataṅ viyadādibhūtaṅ
saukhyaṅ tanōti sarasīruhasaṅbhavādēḥ৷৷15৷৷

hīṅkāratrayasaṅpuṭēna mahatā mantrēṇa saṅdīpitaṅ

stōtraṅ yaḥ prativāsaraṅ tava purō mātarjapēnmantravit.

tasya kṣōṇibhujō bhavanti vaśagā lakṣmīśicarasthāyinī
vāṇī nirmalasūktibhārabharitā jāgarti dīrghaṅ vayaḥ৷৷16৷৷


iti śrīmatparamahaṅsaparivrājakācāryasya

śrīgōvindabhagavatpūjyapādaśiṣyasya

śrīmacchaṅkarabhagavataḥ kṛtau

kalyāṇavṛṣṭistavaḥ saṅpūrṇaḥ৷৷