ଈଶତ୍ବନାମକଲୁଷାଃ କବି ବା ନ ସନ୍ତି

ବ୍ରହ୍ମାଦଯଃ ପ୍ରତିଭବଂ ପ୍ରଲଯାଭିଭୂତାଃ|

ଏକଃ ସ ଏବ ଜନନି ସ୍ଥିରସିଦ୍ଧିରାସ୍ତେ
ଯଃ ପାଦଯୋସ୍ତବ ସକୃତ୍ପ୍ରଣତିଂ କରୋତି||3||

ହ୍ରୀଂକାରମେବ ତବ ନାମ ଗୃଣନ୍ତି ବେଦା

ମାତସ୍ତ୍ରିକୋଣନିଲଯେ ତ୍ରିପୁରେ ତ୍ରିନେତ୍ରେ|

ତ୍ବତ୍ସଂସ୍ମୃତୌ ଯମଭଟାଭିଭବଂ ବିହାଯ
ଦୀବ୍ଯନ୍ତି ନନ୍ଦନବନେ ସହ ଲୋକପାଲୈଃ||5||

ସର୍ବଜ୍ଞତାଂ ସଦସି ବାକ୍ପଟୁତାଂ ପ୍ରସୂତେ

ଦେବି ତ୍ବଦଡ୍ଘ୍ରିସରସୀରୁହଯୋଃ ପ୍ରଣାମଃ|

କିଂ ଚ ସ୍ଫୁରନ୍ମକୁଟମୁଜ୍ଜ୍ବଲମାତପତ୍ରଂ
ଦ୍ବେ ଚାମରେ ଚ ମହତୀଂ ବସୁଧାଂ ଦଦାତି||7||

ହନ୍ତେତରେଷ୍ବପି ମନାଂସି ନିଧାଯ ଚାନ୍ଯେ

ଭକ୍ତିଂ ବହନ୍ତି କିଲ ପାମରଦୈବତେଷୁ|

ତ୍ବାମେବ ଦେବି ମନସା ସମନୁସ୍ମରାମି
ତ୍ବାମେବ ନୌମି ଶରଣଂ ଜନନି ତ୍ବମେବ||9||

ହ୍ରୀଂହ୍ରୀମିତି ପ୍ରତିଦିନଂ ଜପତାଂ ତବାଖ୍ଯାଂ

କିଂ ନାମ ଦୁର୍ଲଭମିହ ତ୍ରିପୁରାଧିବାସେ|

ମାଲାକିରୀଟମଦବାରଣମାନନୀଯା
ତାନ୍ସେବତେ ବସୁମତୀ ସ୍ବଯମେବ ଲକ୍ଷ୍ମୀଃ||11||

କଲ୍ପୋପସଂହୃତିଷୁ କଲ୍ପିତତାଣ୍ଡବସ୍ଯ

ଦେବସ୍ଯ ଖଣ୍ଡପରଶୋଃ ପରଭୈରବସ୍ଯ|

ପାଶାଙ୍କୁଶୈକ୍ଷବଶରାସନପୁଷ୍ପବାଣା
ସା ସାକ୍ଷିଣୀ ବିଜଯତେ ତବ ମୂର୍ତିରେକା||13||

ହ୍ରୀଂକାରମେବ ତବ ନାମ ତଦେବ ରୂପଂ

ତ୍ବନ୍ନାମ ଦୁର୍ଲଭମିହ ତ୍ରିପୁରେ ଗୃଣନ୍ତି|

ତ୍ବତ୍ତେଜସା ପରିଣତଂ ବିଯଦାଦିଭୂତଂ
ସୌଖ୍ଯଂ ତନୋତି ସରସୀରୁହସଂଭବାଦେଃ||15||