ഈശത്വനാമകലുഷാഃ കവി വാ ന സന്തി

ബ്രഹ്മാദയഃ പ്രതിഭവം പ്രലയാഭിഭൂതാഃ.

ഏകഃ സ ഏവ ജനനി സ്ഥിരസിദ്ധിരാസ്തേ
യഃ പാദയോസ്തവ സകൃത്പ്രണതിം കരോതി৷৷3৷৷

ഹ്രീംകാരമേവ തവ നാമ ഗൃണന്തി വേദാ

മാതസ്ത്രികോണനിലയേ ത്രിപുരേ ത്രിനേത്രേ.

ത്വത്സംസ്മൃതൌ യമഭടാഭിഭവം വിഹായ
ദീവ്യന്തി നന്ദനവനേ സഹ ലോകപാലൈഃ৷৷5৷৷

സര്വജ്ഞതാം സദസി വാക്പടുതാം പ്രസൂതേ

ദേവി ത്വദഡ്ഘ്രിസരസീരുഹയോഃ പ്രണാമഃ.

കിം ച സ്ഫുരന്മകുടമുജ്ജ്വലമാതപത്രം
ദ്വേ ചാമരേ ച മഹതീം വസുധാം ദദാതി৷৷7৷৷

ഹന്തേതരേഷ്വപി മനാംസി നിധായ ചാന്യേ

ഭക്തിം വഹന്തി കില പാമരദൈവതേഷു.

ത്വാമേവ ദേവി മനസാ സമനുസ്മരാമി
ത്വാമേവ നൌമി ശരണം ജനനി ത്വമേവ৷৷9৷৷

ഹ്രീംഹ്രീമിതി പ്രതിദിനം ജപതാം തവാഖ്യാം

കിം നാമ ദുര്ലഭമിഹ ത്രിപുരാധിവാസേ.

മാലാകിരീടമദവാരണമാനനീയാ
താന്സേവതേ വസുമതീ സ്വയമേവ ലക്ഷ്മീഃ৷৷11৷৷

കല്പോപസംഹൃതിഷു കല്പിതതാണ്ഡവസ്യ

ദേവസ്യ ഖണ്ഡപരശോഃ പരഭൈരവസ്യ.

പാശാങ്കുശൈക്ഷവശരാസനപുഷ്പബാണാ
സാ സാക്ഷിണീ വിജയതേ തവ മൂര്തിരേകാ৷৷13৷৷

ഹ്രീംകാരമേവ തവ നാമ തദേവ രൂപം

ത്വന്നാമ ദുര്ലഭമിഹ ത്രിപുരേ ഗൃണന്തി.

ത്വത്തേജസാ പരിണതം വിയദാദിഭൂതം
സൌഖ്യം തനോതി സരസീരുഹസംഭവാദേഃ৷৷15৷৷