ঈশত্বনামকলুষাঃ কবি বা ন সন্তি

ব্রহ্মাদযঃ প্রতিভবং প্রলযাভিভূতাঃ৷

একঃ স এব জননি স্থিরসিদ্ধিরাস্তে
যঃ পাদযোস্তব সকৃত্প্রণতিং করোতি৷৷3৷৷

হ্রীংকারমেব তব নাম গৃণন্তি বেদা

মাতস্ত্রিকোণনিলযে ত্রিপুরে ত্রিনেত্রে৷

ত্বত্সংস্মৃতৌ যমভটাভিভবং বিহায
দীব্যন্তি নন্দনবনে সহ লোকপালৈঃ৷৷5৷৷

সর্বজ্ঞতাং সদসি বাক্পটুতাং প্রসূতে

দেবি ত্বদড্ঘ্রিসরসীরুহযোঃ প্রণামঃ৷

কিং চ স্ফুরন্মকুটমুজ্জ্বলমাতপত্রং
দ্বে চামরে চ মহতীং বসুধাং দদাতি৷৷7৷৷

হন্তেতরেষ্বপি মনাংসি নিধায চান্যে

ভক্তিং বহন্তি কিল পামরদৈবতেষু৷

ত্বামেব দেবি মনসা সমনুস্মরামি
ত্বামেব নৌমি শরণং জননি ত্বমেব৷৷9৷৷

হ্রীংহ্রীমিতি প্রতিদিনং জপতাং তবাখ্যাং

কিং নাম দুর্লভমিহ ত্রিপুরাধিবাসে৷

মালাকিরীটমদবারণমাননীযা
তান্সেবতে বসুমতী স্বযমেব লক্ষ্মীঃ৷৷11৷৷

কল্পোপসংহৃতিষু কল্পিততাণ্ডবস্য

দেবস্য খণ্ডপরশোঃ পরভৈরবস্য৷

পাশাঙ্কুশৈক্ষবশরাসনপুষ্পবাণা
সা সাক্ষিণী বিজযতে তব মূর্তিরেকা৷৷13৷৷

হ্রীংকারমেব তব নাম তদেব রূপং

ত্বন্নাম দুর্লভমিহ ত্রিপুরে গৃণন্তি৷

ত্বত্তেজসা পরিণতং বিযদাদিভূতং
সৌখ্যং তনোতি সরসীরুহসংভবাদেঃ৷৷15৷৷