Devotional Hyms - Devi

৷৷శ్రీః৷৷

৷৷గౌరీదశకమ్৷৷

లీలాలబ్ధస్థాపితలుప్తాఖిలలోకాం

లోకాతీతైర్యోగిభిరన్తశ్ిచరమృగ్యామ్.

బాలాదిత్యశ్రేణిసమానద్యుతిపుఞ్జాం
గౌరీమమ్బామమ్బురుహాక్షీమహమీడే৷৷1৷৷

ప్రత్యాహారధ్యానసమాధిస్థితిభాజాం

నిత్యం చిత్తే నిర్వృతికాష్ఠాం కలయన్తీమ్.

సత్యజ్ఞానానన్దమయీం తాం తనురూపాం
గౌరీమమ్బామమ్బురుహాక్షీమహమీడే৷৷2৷৷

చన్ద్రాపీడానన్దితమన్దస్మితవక్త్రాం

చన్ద్రాపీడాలంకృతనీలాలకభారామ్.

ఇన్ద్రోపేన్ద్రాద్యర్చితపాదామ్బుజయుగ్మాం
గౌరీమమ్బామమ్బురుహాక్షీమహమీడే৷৷3৷৷

ఆదిక్షాన్తామక్షరమూర్త్యా విలసన్తీం

భూతే భూతే భూతకదమ్బప్రసవిత్రీమ్.

శబ్దబ్రహ్మానన్దమయీం తాం తటిదాభాం
గౌరీమమ్బామమ్బురుహాక్షీమహమీడే৷৷4৷৷

మూలాధారాదుత్థితవీథ్యా విధిరన్ధ్రం

సౌరం చాన్ద్రం వ్యాప్య విహారజ్వలితాఙ్గీమ్.

యేయం సూక్ష్మాత్సూక్ష్మతనుస్తాం సుఖరూపాం
గౌరీమమ్బామమ్బురుహాక్షీమహమీడే৷৷5৷৷

నిత్యః శుద్ధో నిష్కల ఏకో జగదీశః

సాక్షీ యస్యాః సర్గవిధౌ సంహరణే చ.

విశ్వత్రాణక్రీడనలోలాం శివపత్నీం
గౌరీమమ్బామమ్బురుహాక్షీమహమీడే৷৷6৷৷

యస్యాః కుక్షౌ లీనమఖణ్డం జగదణ్డం

భూయో భూయః ప్రాదురభూదుత్థితమేవ.

పత్యా సార్ధం తాం రజతాద్రౌ విహరన్తీం
గౌరీమమ్బామమ్బురుహాక్షీమహమీడే৷৷7৷৷

యస్యామోతం ప్రోతమశేషం మణిమాలా-

సూత్రే యద్వత్క్వాపి చరం చాప్యచరం చ.

తామధ్యాత్మజ్ఞానపదవ్యా గమనీయాం
గౌరీమమ్బామమ్బురుహాక్షీమహమీడే৷৷8৷৷

నానాకారైః శక్తికదమ్బైర్భువనాని

వ్యాప్య స్వైరం క్రీడతి యేయం స్వయమేకా.

కల్యాణీం తాం కల్పలతామానతిభాజాం
గౌరీమమ్బామమ్బురుహాక్షీమహమీడే৷৷9৷৷

ఆశాపాశక్లేశవినాశం విదధానాం

పాదామ్భోజధ్యానపరాణాం పురుషాణామ్.

ఈశామీశార్ధాఙ్గహరాం తామభిరామాం
గౌరీమమ్బామమ్బురుహాక్షీమహమీడే৷৷10৷৷

ప్రాతఃకాలే భావవిశుద్ధః ప్రణిధానా-

ద్భక్త్యా నిత్యం జల్పతి గౌరీదశకం యః.

వాచాం సిద్ధిం సంపదమగ్ర్యాం శివభక్తిం
తస్యావశ్యం పర్వతపుత్రీ విదధాతి৷৷11৷৷