Devotional Hyms - Devi

৷৷śrīḥ৷৷

৷৷gaurīdaśakam৷৷

līlālabdhasthāpitaluptākhilalōkāṅ

lōkātītairyōgibhirantaśicaramṛgyām.

bālādityaśrēṇisamānadyutipuñjāṅ
gaurīmambāmamburuhākṣīmahamīḍē৷৷1৷৷

pratyāhāradhyānasamādhisthitibhājāṅ

nityaṅ cittē nirvṛtikāṣṭhāṅ kalayantīm.

satyajñānānandamayīṅ tāṅ tanurūpāṅ
gaurīmambāmamburuhākṣīmahamīḍē৷৷2৷৷

candrāpīḍānanditamandasmitavaktrāṅ

candrāpīḍālaṅkṛtanīlālakabhārām.

indrōpēndrādyarcitapādāmbujayugmāṅ
gaurīmambāmamburuhākṣīmahamīḍē৷৷3৷৷

ādikṣāntāmakṣaramūrtyā vilasantīṅ

bhūtē bhūtē bhūtakadambaprasavitrīm.

śabdabrahmānandamayīṅ tāṅ taṭidābhāṅ
gaurīmambāmamburuhākṣīmahamīḍē৷৷4৷৷

mūlādhārādutthitavīthyā vidhirandhraṅ

sauraṅ cāndraṅ vyāpya vihārajvalitāṅgīm.

yēyaṅ sūkṣmātsūkṣmatanustāṅ sukharūpāṅ
gaurīmambāmamburuhākṣīmahamīḍē৷৷5৷৷

nityaḥ śuddhō niṣkala ēkō jagadīśaḥ

sākṣī yasyāḥ sargavidhau saṅharaṇē ca.

viśvatrāṇakrīḍanalōlāṅ śivapatnīṅ
gaurīmambāmamburuhākṣīmahamīḍē৷৷6৷৷

yasyāḥ kukṣau līnamakhaṇḍaṅ jagadaṇḍaṅ

bhūyō bhūyaḥ prādurabhūdutthitamēva.

patyā sārdhaṅ tāṅ rajatādrau viharantīṅ
gaurīmambāmamburuhākṣīmahamīḍē৷৷7৷৷

yasyāmōtaṅ prōtamaśēṣaṅ maṇimālā-

sūtrē yadvatkvāpi caraṅ cāpyacaraṅ ca.

tāmadhyātmajñānapadavyā gamanīyāṅ
gaurīmambāmamburuhākṣīmahamīḍē৷৷8৷৷

nānākāraiḥ śaktikadambairbhuvanāni

vyāpya svairaṅ krīḍati yēyaṅ svayamēkā.

kalyāṇīṅ tāṅ kalpalatāmānatibhājāṅ
gaurīmambāmamburuhākṣīmahamīḍē৷৷9৷৷

āśāpāśaklēśavināśaṅ vidadhānāṅ

pādāmbhōjadhyānaparāṇāṅ puruṣāṇām.

īśāmīśārdhāṅgaharāṅ tāmabhirāmāṅ
gaurīmambāmamburuhākṣīmahamīḍē৷৷10৷৷

prātaḥkālē bhāvaviśuddhaḥ praṇidhānā-

dbhaktyā nityaṅ jalpati gaurīdaśakaṅ yaḥ.

vācāṅ siddhiṅ saṅpadamagryāṅ śivabhaktiṅ
tasyāvaśyaṅ parvataputrī vidadhāti৷৷11৷৷