కనకకలశశోభమానశీర్షం

జలధరలమ్బి సముల్లసత్పతాకమ్.

భగవతి తవ సంనివాసహేతో-
ర్మణిమయమన్దిరమేతదర్పయామి৷৷3৷৷

కనకమయవితర్దిస్థాపితే తూలికాఢ్యే

వివిధకుసుమకీర్ణే కోటిబాలార్కవర్ణే.

భగవతి రమణీయే రత్నసింహాసనేస్మి-
న్నుపవిశ పదయుగ్మం హేమపీఠే నిధాయ৷৷5৷৷

దూర్వయా సరసిజాన్వితవిష్ణు-

క్రాన్తయా చ సహితం కుసుమాఢ్యమ్.

పద్మయుగ్మసదృశే పదయుగ్మే
పాద్యమేతదురరీకురు మాతః৷৷7৷৷

జలజద్యుతినా కరేణ జాతీ-

ఫలతక్కోలలవఙ్గగన్ధయుక్తైః.

అమృతైరమృతైరివాతిశీతై-
ర్భగవత్యాచమనం విధీయతామ్৷৷9৷৷

ఏతచ్చమ్పకతైలమమ్బ వివిధైః పుష్పైర్ముహుర్వాసితం

న్యస్తం రత్నమయే సువర్ణచషకే భృఙ్గైర్భ్రమద్భిర్వృతమ్.

సానన్దం సురసున్దరీభిరభితో హస్తైర్ధృతం తే మయా
కేశేషు భ్రమరభ్రమేషు సకలేష్వఙ్గేషు చాలిప్యతే৷৷11৷৷

దధిదుగ్ధఘృతైః సమాక్షికైః

సితయా శర్కరయా సమన్వితైః.

స్నపయామి తవాహమాదరా-
జ్జనని త్వాం పునరుష్ణవారిభిః৷৷13৷৷

బాలార్కద్యుతి దాడిమీయకుసుమప్రస్పర్ధి సర్వోత్తమం

మాతస్త్వం పరిధేహి దివ్యవసనం భక్త్త్యా మయా కల్పితమ్.

ముక్తాభిర్గ్రథితం సుకఞ్చుకమిదం స్వీకృత్య పీతప్రభం
తప్తస్వర్ణసమానవర్ణమతులం ప్రావర్ణమఙ్గీకురు৷৷15৷৷

బహుభిరగరుధూపైః సాదరం ధూపయిత్వా

భగవతి తవ కేశాన్కఙ్కతైర్మార్జయిత్వా.

సురభిభిరరవిన్దైశ్చమ్పకైశ్చార్చయిత్వా
ఝటితి కనకసూత్రైర్జూటయన్వేష్టయామి৷৷17৷৷

మఞ్జీరే పదయోర్నిధాయ రుచిరాం విన్యస్య కాఞ్చీం కటౌ

ముక్తాహారమురోజయోరనుపమాం నక్షత్రమాలాం గలే.

కేయూరాణి భుజేషు రత్నవలయశ్రేణీం కరేషు క్త్రమా-
త్తాటఙ్కే తవ కర్ణయోర్వినిదధే శీర్షే చ చూడామణిమ్৷৷19৷৷

మాతః ఫాలతలే తవాతివిమలే కాశ్మీరకస్తూరికా-

కర్పూరాగరుభిః కరోమి తిలకం దేహేఙ్గరాగం తతః.

వక్షోజాదిషు యక్షకర్దమరసం సిక్త్వా చ పుష్పద్రవం
పాదౌ చన్దనలేపనాదిభిరహం సంపూజయామి క్రమాత్৷৷21৷৷

జనని చమ్పకతైలమిదం పురో

మృగమదోపయుతం పటవాసకమ్.

సురభిగన్ధమిదం చ చతుఃసమం
సపది సర్వమిదం పరిగృహ్యతామ్৷৷23৷৷

మన్దారకున్దకరవీరలవఙ్గపుష్పై-

స్త్వాం దేవి సంతతమహం పరిపూజయామి.

జాతీజపావకులచమ్పకకేతకాది-
నానావిధాని కుసుమాని చ తేర్పయామి৷৷25৷৷

పారిజాతశతపత్రపాటలై-

ర్మల్లికావకులచమ్పకాదిభిః.

అమ్బుజైః సుకుసుమైశ్చ సాదరం
పూజయామి జగదమ్బ తే వపుః৷৷27৷৷

రత్నాలంకృతహేమపాత్రనిహితైర్గోసర్పిషా లోడితై-

ర్దీపైర్దీర్ఘతరాన్ధకారభిదురైర్బాలార్కకోటిప్రభైః.

ఆతామ్రజ్వలదుజ్జ్వలప్రవిలసద్రత్నప్రదీపైస్తథా
మాతస్త్వామహమాదరాదనుదినం నీరాజయామ్యుచ్చకైః৷৷29৷৷

సాపూపసూపదధిదుగ్ధసితాఘృతాని

సుస్వాదుభక్తపరమాన్నపురఃసరాణి.

శాకోల్లసన్మరిచిజీరకబాహ్లికాని
భక్ష్యాణి భుఙ్క్ష్వ జగదమ్బ మయార్పితాని৷৷31৷৷

ఉష్ణోదకైః పాణియుగం ముఖం చ

ప్రక్షాల్య మాతః కలధౌతపాత్రే.

కర్పూరమిశ్రేణ సకుఙ్కుమేన
హస్తౌ సముద్వర్తయ చన్దనేన৷৷33৷৷

జమ్బ్వామ్రరమ్భాఫలసంయుతాని

ద్రాక్షాఫలక్షౌద్రసమన్వితాని.

సనారికేలాని సదాడిమాని
ఫలాని తే దేవి సమర్పయామి৷৷35৷৷

కర్పూరేణ యుతైర్లవఙ్గసహితైస్తక్కోలచూర్ణాన్వితైః

సుస్వాదుక్రముకైః సగౌరఖదిరైః సుస్నిగ్ధజాతీఫలైః.

మాతః కైతకపత్రపాణ్డురుచిభిస్తామ్బూలవల్లీదలైః
సానన్దం ముఖమణ్డనార్థమతులం తామ్బూలమఙ్గీకురు৷৷37৷৷

తామ్బూలనిర్జితసుతప్తసువర్ణవర్ణం

స్వర్ణాక్తపూగఫలమౌక్తికచూర్ణయుక్తమ్.

సౌవర్ణపాత్రనిహితం ఖదిరేణ సార్ధం
తామ్బూలమమ్బ వదనామ్బురుహే గృహాణ৷৷39৷৷

సవినయమథ దత్వా జానుయుగ్మం ధరణ్యాం

సపది శిరసి ధృత్వా పాత్రమారార్తికస్య.

ముఖకమలసమీపే తేమ్బ సార్థం త్రివారం
భ్రమయతి మయి భూయాత్తే కృపార్ద్రః కటాక్షః৷৷41৷৷

మాతః కాఞ్చనదణ్డమణ్డితమిదం పూర్ణేన్దుబిమ్బప్రభం

నానారత్నవిశోభిహేమకలశం లోకత్రయాహ్లాదకమ్.

భాస్వన్మౌక్తికజాలికాపరివృతం ప్రీత్యాత్మహస్తే ధృతం
ఛత్రం తే పరికల్పయామి శిరసి త్వష్ట్రా స్వయం నిర్మితమ్৷৷43৷৷

మార్తాణ్డమణ్డలనిభో జగదమ్బ యోయం

భక్త్యా మయా మణిమయో ముకురోర్పితస్తే.

పూర్ణేన్దుబిమ్బరుచిరం వదనం స్వకీయ-
మస్మిన్విలోకయ విలోలవిలోచనే త్వమ్৷৷45৷৷

ప్రియగతిరతితుఙ్గో రత్నపల్యాణయుక్తః

కనకమయవిభూషః స్నిగ్ధగమ్భీరఘోషః.

భగవతి కలితోయం వాహనార్థం మయా తే
తురగశతసమేతో వాయువేగస్తురంగః৷৷47৷৷

ద్రుతతరతురగైర్విరాజమానం

మణిమయచక్రచతుష్టయేన యుక్తమ్.

కనకమయమముం వితానవన్తం
భగవతి తే హి రథం సమర్పయామి৷৷49৷৷

పరిఘీకృతసప్తసాగరం

బహుసంపత్సహితం మయామ్బ తే విపులమ్.

ప్రబలం ధరణీతలాభిధం
దృఢదుర్గం నిఖిలం సమర్పయామి৷৷51৷৷

భ్రమరలులితలోలకున్తలాలీ-

విగలితమాల్యవికీర్ణరఙ్గభూమిః.

ఇయమతిరుచిరా నటీ నటన్తీ
తవ హృదయే ముదమాతనోతు మాతః৷৷53৷৷

భ్రమదలికులతుల్యాలోలధమ్మిల్లభారాః

స్మితముఖకమలోద్యద్దివ్యలావణ్యపూరాః.

అనుపమితసువేషా వారయోషా నటన్తి
పరభృతకలకణ్ఠ్యో దేవి దైన్యం ధునోతు৷৷55৷৷

విపఞ్చీషు సప్తస్వరాన్వాదయన్త్య-

స్తవ ద్వారి గాయన్తి గన్ధర్వకన్యాః.

క్షణం సావధానేన చిత్తేన మాతః
సమాకర్ణయ త్వం మయా ప్రార్థితాసి৷৷57৷৷

తవ దేవి గుణానువర్ణనే

చతురా నో చతురాననాదయః.

తదిహైకముఖేషు జన్తుషు
స్తవనం కస్తవ కర్తుమీశ్వరః৷৷59৷৷

రక్తోత్పలారక్తలతాప్రభాభ్యాం ధ్వజోర్ధ్వరేఖాకులిశాఙ్కితాభ్యామ్.
అశేషబృన్దారకవన్దితాభ్యాం నమో భవానీపదపఙ్కజాభ్యామ్৷৷61৷৷

అథ మణిమయమఞ్చకాభిరామే

కనకమయవితానరాజమానే.

ప్రసరదగరుధూపధూపితేస్మి-
న్భగవతి భవనేస్తు తే నివాసః৷৷63৷৷

తవ దేవి సరోజచిహ్నయోః పదయోర్నిర్జితపద్మరాగయోః.
అతిరక్తతరైరలక్తకైః పునరుక్తాం రచయామి రక్తతామ్৷৷65৷৷

క్షణమథ జగదమ్బ మఞ్చకేస్మి-

న్మృదుతలతూలికయా విరాజమానే.

అతిరహసి ముదా శివేన సార్ధం
సుఖశయనం కురు తత్ర మాం స్మరన్తీ৷৷67৷৷

ఏషా భక్త్యా తవ విరచితా యా మయా దేవి పూజా

స్వీకృత్యైనాం సపది సకలాన్మేపరాధాన్క్షమస్వ.

న్యూనం యత్తత్తవ కరుణయా పూర్ణతామేతు సద్యః
సానన్దం మే హృదయకమలే తేస్తు నిత్యం నివాసః৷৷69৷৷

పూజామిమాం పఠేన్నిత్యం పూజాం కర్తుమనీశ్వరః.
పూజాఫలమవాప్నోతి వాఞ్ఛితార్థం చ విన్దతి৷৷71৷৷