കനകകലശശോഭമാനശീര്ഷം

ജലധരലമ്ബി സമുല്ലസത്പതാകമ്.

ഭഗവതി തവ സംനിവാസഹേതോ-
ര്മണിമയമന്ദിരമേതദര്പയാമി৷৷3৷৷

കനകമയവിതര്ദിസ്ഥാപിതേ തൂലികാഢ്യേ

വിവിധകുസുമകീര്ണേ കോടിബാലാര്കവര്ണേ.

ഭഗവതി രമണീയേ രത്നസിംഹാസനേസ്മി-
ന്നുപവിശ പദയുഗ്മം ഹേമപീഠേ നിധായ৷৷5৷৷

ദൂര്വയാ സരസിജാന്വിതവിഷ്ണു-

ക്രാന്തയാ ച സഹിതം കുസുമാഢ്യമ്.

പദ്മയുഗ്മസദൃശേ പദയുഗ്മേ
പാദ്യമേതദുരരീകുരു മാതഃ৷৷7৷৷

ജലജദ്യുതിനാ കരേണ ജാതീ-

ഫലതക്കോലലവങ്ഗഗന്ധയുക്തൈഃ.

അമൃതൈരമൃതൈരിവാതിശീതൈ-
ര്ഭഗവത്യാചമനം വിധീയതാമ്৷৷9৷৷

ഏതച്ചമ്പകതൈലമമ്ബ വിവിധൈഃ പുഷ്പൈര്മുഹുര്വാസിതം

ന്യസ്തം രത്നമയേ സുവര്ണചഷകേ ഭൃങ്ഗൈര്ഭ്രമദ്ഭിര്വൃതമ്.

സാനന്ദം സുരസുന്ദരീഭിരഭിതോ ഹസ്തൈര്ധൃതം തേ മയാ
കേശേഷു ഭ്രമരഭ്രമേഷു സകലേഷ്വങ്ഗേഷു ചാലിപ്യതേ৷৷11৷৷

ദധിദുഗ്ധഘൃതൈഃ സമാക്ഷികൈഃ

സിതയാ ശര്കരയാ സമന്വിതൈഃ.

സ്നപയാമി തവാഹമാദരാ-
ജ്ജനനി ത്വാം പുനരുഷ്ണവാരിഭിഃ৷৷13৷৷

ബാലാര്കദ്യുതി ദാഡിമീയകുസുമപ്രസ്പര്ധി സര്വോത്തമം

മാതസ്ത്വം പരിധേഹി ദിവ്യവസനം ഭക്ത്ത്യാ മയാ കല്പിതമ്.

മുക്താഭിര്ഗ്രഥിതം സുകഞ്ചുകമിദം സ്വീകൃത്യ പീതപ്രഭം
തപ്തസ്വര്ണസമാനവര്ണമതുലം പ്രാവര്ണമങ്ഗീകുരു৷৷15৷৷

ബഹുഭിരഗരുധൂപൈഃ സാദരം ധൂപയിത്വാ

ഭഗവതി തവ കേശാന്കങ്കതൈര്മാര്ജയിത്വാ.

സുരഭിഭിരരവിന്ദൈശ്ചമ്പകൈശ്ചാര്ചയിത്വാ
ഝടിതി കനകസൂത്രൈര്ജൂടയന്വേഷ്ടയാമി৷৷17৷৷

മഞ്ജീരേ പദയോര്നിധായ രുചിരാം വിന്യസ്യ കാഞ്ചീം കടൌ

മുക്താഹാരമുരോജയോരനുപമാം നക്ഷത്രമാലാം ഗലേ.

കേയൂരാണി ഭുജേഷു രത്നവലയശ്രേണീം കരേഷു ക്ത്രമാ-
ത്താടങ്കേ തവ കര്ണയോര്വിനിദധേ ശീര്ഷേ ച ചൂഡാമണിമ്৷৷19৷৷

മാതഃ ഫാലതലേ തവാതിവിമലേ കാശ്മീരകസ്തൂരികാ-

കര്പൂരാഗരുഭിഃ കരോമി തിലകം ദേഹേങ്ഗരാഗം തതഃ.

വക്ഷോജാദിഷു യക്ഷകര്ദമരസം സിക്ത്വാ ച പുഷ്പദ്രവം
പാദൌ ചന്ദനലേപനാദിഭിരഹം സംപൂജയാമി ക്രമാത്৷৷21৷৷

ജനനി ചമ്പകതൈലമിദം പുരോ

മൃഗമദോപയുതം പടവാസകമ്.

സുരഭിഗന്ധമിദം ച ചതുഃസമം
സപദി സര്വമിദം പരിഗൃഹ്യതാമ്৷৷23৷৷

മന്ദാരകുന്ദകരവീരലവങ്ഗപുഷ്പൈ-

സ്ത്വാം ദേവി സംതതമഹം പരിപൂജയാമി.

ജാതീജപാവകുലചമ്പകകേതകാദി-
നാനാവിധാനി കുസുമാനി ച തേര്പയാമി৷৷25৷৷

പാരിജാതശതപത്രപാടലൈ-

ര്മല്ലികാവകുലചമ്പകാദിഭിഃ.

അമ്ബുജൈഃ സുകുസുമൈശ്ച സാദരം
പൂജയാമി ജഗദമ്ബ തേ വപുഃ৷৷27৷৷

രത്നാലംകൃതഹേമപാത്രനിഹിതൈര്ഗോസര്പിഷാ ലോഡിതൈ-

ര്ദീപൈര്ദീര്ഘതരാന്ധകാരഭിദുരൈര്ബാലാര്കകോടിപ്രഭൈഃ.

ആതാമ്രജ്വലദുജ്ജ്വലപ്രവിലസദ്രത്നപ്രദീപൈസ്തഥാ
മാതസ്ത്വാമഹമാദരാദനുദിനം നീരാജയാമ്യുച്ചകൈഃ৷৷29৷৷

സാപൂപസൂപദധിദുഗ്ധസിതാഘൃതാനി

സുസ്വാദുഭക്തപരമാന്നപുരഃസരാണി.

ശാകോല്ലസന്മരിചിജീരകബാഹ്ലികാനി
ഭക്ഷ്യാണി ഭുങ്ക്ഷ്വ ജഗദമ്ബ മയാര്പിതാനി৷৷31৷৷

ഉഷ്ണോദകൈഃ പാണിയുഗം മുഖം ച

പ്രക്ഷാല്യ മാതഃ കലധൌതപാത്രേ.

കര്പൂരമിശ്രേണ സകുങ്കുമേന
ഹസ്തൌ സമുദ്വര്തയ ചന്ദനേന৷৷33৷৷

ജമ്ബ്വാമ്രരമ്ഭാഫലസംയുതാനി

ദ്രാക്ഷാഫലക്ഷൌദ്രസമന്വിതാനി.

സനാരികേലാനി സദാഡിമാനി
ഫലാനി തേ ദേവി സമര്പയാമി৷৷35৷৷

കര്പൂരേണ യുതൈര്ലവങ്ഗസഹിതൈസ്തക്കോലചൂര്ണാന്വിതൈഃ

സുസ്വാദുക്രമുകൈഃ സഗൌരഖദിരൈഃ സുസ്നിഗ്ധജാതീഫലൈഃ.

മാതഃ കൈതകപത്രപാണ്ഡുരുചിഭിസ്താമ്ബൂലവല്ലീദലൈഃ
സാനന്ദം മുഖമണ്ഡനാര്ഥമതുലം താമ്ബൂലമങ്ഗീകുരു৷৷37৷৷

താമ്ബൂലനിര്ജിതസുതപ്തസുവര്ണവര്ണം

സ്വര്ണാക്തപൂഗഫലമൌക്തികചൂര്ണയുക്തമ്.

സൌവര്ണപാത്രനിഹിതം ഖദിരേണ സാര്ധം
താമ്ബൂലമമ്ബ വദനാമ്ബുരുഹേ ഗൃഹാണ৷৷39৷৷

സവിനയമഥ ദത്വാ ജാനുയുഗ്മം ധരണ്യാം

സപദി ശിരസി ധൃത്വാ പാത്രമാരാര്തികസ്യ.

മുഖകമലസമീപേ തേമ്ബ സാര്ഥം ത്രിവാരം
ഭ്രമയതി മയി ഭൂയാത്തേ കൃപാര്ദ്രഃ കടാക്ഷഃ৷৷41৷৷

മാതഃ കാഞ്ചനദണ്ഡമണ്ഡിതമിദം പൂര്ണേന്ദുബിമ്ബപ്രഭം

നാനാരത്നവിശോഭിഹേമകലശം ലോകത്രയാഹ്ലാദകമ്.

ഭാസ്വന്മൌക്തികജാലികാപരിവൃതം പ്രീത്യാത്മഹസ്തേ ധൃതം
ഛത്രം തേ പരികല്പയാമി ശിരസി ത്വഷ്ട്രാ സ്വയം നിര്മിതമ്৷৷43৷৷

മാര്താണ്ഡമണ്ഡലനിഭോ ജഗദമ്ബ യോയം

ഭക്ത്യാ മയാ മണിമയോ മുകുരോര്പിതസ്തേ.

പൂര്ണേന്ദുബിമ്ബരുചിരം വദനം സ്വകീയ-
മസ്മിന്വിലോകയ വിലോലവിലോചനേ ത്വമ്৷৷45৷৷

പ്രിയഗതിരതിതുങ്ഗോ രത്നപല്യാണയുക്തഃ

കനകമയവിഭൂഷഃ സ്നിഗ്ധഗമ്ഭീരഘോഷഃ.

ഭഗവതി കലിതോയം വാഹനാര്ഥം മയാ തേ
തുരഗശതസമേതോ വായുവേഗസ്തുരംഗഃ৷৷47৷৷

ദ്രുതതരതുരഗൈര്വിരാജമാനം

മണിമയചക്രചതുഷ്ടയേന യുക്തമ്.

കനകമയമമും വിതാനവന്തം
ഭഗവതി തേ ഹി രഥം സമര്പയാമി৷৷49৷৷

പരിഘീകൃതസപ്തസാഗരം

ബഹുസംപത്സഹിതം മയാമ്ബ തേ വിപുലമ്.

പ്രബലം ധരണീതലാഭിധം
ദൃഢദുര്ഗം നിഖിലം സമര്പയാമി৷৷51৷৷

ഭ്രമരലുലിതലോലകുന്തലാലീ-

വിഗലിതമാല്യവികീര്ണരങ്ഗഭൂമിഃ.

ഇയമതിരുചിരാ നടീ നടന്തീ
തവ ഹൃദയേ മുദമാതനോതു മാതഃ৷৷53৷৷

ഭ്രമദലികുലതുല്യാലോലധമ്മില്ലഭാരാഃ

സ്മിതമുഖകമലോദ്യദ്ദിവ്യലാവണ്യപൂരാഃ.

അനുപമിതസുവേഷാ വാരയോഷാ നടന്തി
പരഭൃതകലകണ്ഠ്യോ ദേവി ദൈന്യം ധുനോതു৷৷55৷৷

വിപഞ്ചീഷു സപ്തസ്വരാന്വാദയന്ത്യ-

സ്തവ ദ്വാരി ഗായന്തി ഗന്ധര്വകന്യാഃ.

ക്ഷണം സാവധാനേന ചിത്തേന മാതഃ
സമാകര്ണയ ത്വം മയാ പ്രാര്ഥിതാസി৷৷57৷৷

തവ ദേവി ഗുണാനുവര്ണനേ

ചതുരാ നോ ചതുരാനനാദയഃ.

തദിഹൈകമുഖേഷു ജന്തുഷു
സ്തവനം കസ്തവ കര്തുമീശ്വരഃ৷৷59৷৷

രക്തോത്പലാരക്തലതാപ്രഭാഭ്യാം ധ്വജോര്ധ്വരേഖാകുലിശാങ്കിതാഭ്യാമ്.
അശേഷബൃന്ദാരകവന്ദിതാഭ്യാം നമോ ഭവാനീപദപങ്കജാഭ്യാമ്৷৷61৷৷

അഥ മണിമയമഞ്ചകാഭിരാമേ

കനകമയവിതാനരാജമാനേ.

പ്രസരദഗരുധൂപധൂപിതേസ്മി-
ന്ഭഗവതി ഭവനേസ്തു തേ നിവാസഃ৷৷63৷৷

തവ ദേവി സരോജചിഹ്നയോഃ പദയോര്നിര്ജിതപദ്മരാഗയോഃ.
അതിരക്തതരൈരലക്തകൈഃ പുനരുക്താം രചയാമി രക്തതാമ്৷৷65৷৷

ക്ഷണമഥ ജഗദമ്ബ മഞ്ചകേസ്മി-

ന്മൃദുതലതൂലികയാ വിരാജമാനേ.

അതിരഹസി മുദാ ശിവേന സാര്ധം
സുഖശയനം കുരു തത്ര മാം സ്മരന്തീ৷৷67৷৷

ഏഷാ ഭക്ത്യാ തവ വിരചിതാ യാ മയാ ദേവി പൂജാ

സ്വീകൃത്യൈനാം സപദി സകലാന്മേപരാധാന്ക്ഷമസ്വ.

ന്യൂനം യത്തത്തവ കരുണയാ പൂര്ണതാമേതു സദ്യഃ
സാനന്ദം മേ ഹൃദയകമലേ തേസ്തു നിത്യം നിവാസഃ৷৷69৷৷

പൂജാമിമാം പഠേന്നിത്യം പൂജാം കര്തുമനീശ്വരഃ.
പൂജാഫലമവാപ്നോതി വാഞ്ഛിതാര്ഥം ച വിന്ദതി৷৷71৷৷