কনককলশশোভমানশীর্ষং

জলধরলম্বি সমুল্লসত্পতাকম্৷

ভগবতি তব সংনিবাসহেতো-
র্মণিমযমন্দিরমেতদর্পযামি৷৷3৷৷

কনকমযবিতর্দিস্থাপিতে তূলিকাঢ্যে

বিবিধকুসুমকীর্ণে কোটিবালার্কবর্ণে৷

ভগবতি রমণীযে রত্নসিংহাসনেস্মি-
ন্নুপবিশ পদযুগ্মং হেমপীঠে নিধায৷৷5৷৷

দূর্বযা সরসিজান্বিতবিষ্ণু-

ক্রান্তযা চ সহিতং কুসুমাঢ্যম্৷

পদ্মযুগ্মসদৃশে পদযুগ্মে
পাদ্যমেতদুররীকুরু মাতঃ৷৷7৷৷

জলজদ্যুতিনা করেণ জাতী-

ফলতক্কোললবঙ্গগন্ধযুক্তৈঃ৷

অমৃতৈরমৃতৈরিবাতিশীতৈ-
র্ভগবত্যাচমনং বিধীযতাম্৷৷9৷৷

এতচ্চম্পকতৈলমম্ব বিবিধৈঃ পুষ্পৈর্মুহুর্বাসিতং

ন্যস্তং রত্নমযে সুবর্ণচষকে ভৃঙ্গৈর্ভ্রমদ্ভির্বৃতম্৷

সানন্দং সুরসুন্দরীভিরভিতো হস্তৈর্ধৃতং তে মযা
কেশেষু ভ্রমরভ্রমেষু সকলেষ্বঙ্গেষু চালিপ্যতে৷৷11৷৷

দধিদুগ্ধঘৃতৈঃ সমাক্ষিকৈঃ

সিতযা শর্করযা সমন্বিতৈঃ৷

স্নপযামি তবাহমাদরা-
জ্জননি ত্বাং পুনরুষ্ণবারিভিঃ৷৷13৷৷

বালার্কদ্যুতি দাডিমীযকুসুমপ্রস্পর্ধি সর্বোত্তমং

মাতস্ত্বং পরিধেহি দিব্যবসনং ভক্ত্ত্যা মযা কল্পিতম্৷

মুক্তাভির্গ্রথিতং সুকঞ্চুকমিদং স্বীকৃত্য পীতপ্রভং
তপ্তস্বর্ণসমানবর্ণমতুলং প্রাবর্ণমঙ্গীকুরু৷৷15৷৷

বহুভিরগরুধূপৈঃ সাদরং ধূপযিত্বা

ভগবতি তব কেশান্কঙ্কতৈর্মার্জযিত্বা৷

সুরভিভিররবিন্দৈশ্চম্পকৈশ্চার্চযিত্বা
ঝটিতি কনকসূত্রৈর্জূটযন্বেষ্টযামি৷৷17৷৷

মঞ্জীরে পদযোর্নিধায রুচিরাং বিন্যস্য কাঞ্চীং কটৌ

মুক্তাহারমুরোজযোরনুপমাং নক্ষত্রমালাং গলে৷

কেযূরাণি ভুজেষু রত্নবলযশ্রেণীং করেষু ক্ত্রমা-
ত্তাটঙ্কে তব কর্ণযোর্বিনিদধে শীর্ষে চ চূডামণিম্৷৷19৷৷

মাতঃ ফালতলে তবাতিবিমলে কাশ্মীরকস্তূরিকা-

কর্পূরাগরুভিঃ করোমি তিলকং দেহেঙ্গরাগং ততঃ৷

বক্ষোজাদিষু যক্ষকর্দমরসং সিক্ত্বা চ পুষ্পদ্রবং
পাদৌ চন্দনলেপনাদিভিরহং সংপূজযামি ক্রমাত্৷৷21৷৷

জননি চম্পকতৈলমিদং পুরো

মৃগমদোপযুতং পটবাসকম্৷

সুরভিগন্ধমিদং চ চতুঃসমং
সপদি সর্বমিদং পরিগৃহ্যতাম্৷৷23৷৷

মন্দারকুন্দকরবীরলবঙ্গপুষ্পৈ-

স্ত্বাং দেবি সংততমহং পরিপূজযামি৷

জাতীজপাবকুলচম্পককেতকাদি-
নানাবিধানি কুসুমানি চ তের্পযামি৷৷25৷৷

পারিজাতশতপত্রপাটলৈ-

র্মল্লিকাবকুলচম্পকাদিভিঃ৷

অম্বুজৈঃ সুকুসুমৈশ্চ সাদরং
পূজযামি জগদম্ব তে বপুঃ৷৷27৷৷

রত্নালংকৃতহেমপাত্রনিহিতৈর্গোসর্পিষা লোডিতৈ-

র্দীপৈর্দীর্ঘতরান্ধকারভিদুরৈর্বালার্ককোটিপ্রভৈঃ৷

আতাম্রজ্বলদুজ্জ্বলপ্রবিলসদ্রত্নপ্রদীপৈস্তথা
মাতস্ত্বামহমাদরাদনুদিনং নীরাজযাম্যুচ্চকৈঃ৷৷29৷৷

সাপূপসূপদধিদুগ্ধসিতাঘৃতানি

সুস্বাদুভক্তপরমান্নপুরঃসরাণি৷

শাকোল্লসন্মরিচিজীরকবাহ্লিকানি
ভক্ষ্যাণি ভুঙ্ক্ষ্ব জগদম্ব মযার্পিতানি৷৷31৷৷

উষ্ণোদকৈঃ পাণিযুগং মুখং চ

প্রক্ষাল্য মাতঃ কলধৌতপাত্রে৷

কর্পূরমিশ্রেণ সকুঙ্কুমেন
হস্তৌ সমুদ্বর্তয চন্দনেন৷৷33৷৷

জম্ব্বাম্ররম্ভাফলসংযুতানি

দ্রাক্ষাফলক্ষৌদ্রসমন্বিতানি৷

সনারিকেলানি সদাডিমানি
ফলানি তে দেবি সমর্পযামি৷৷35৷৷

কর্পূরেণ যুতৈর্লবঙ্গসহিতৈস্তক্কোলচূর্ণান্বিতৈঃ

সুস্বাদুক্রমুকৈঃ সগৌরখদিরৈঃ সুস্নিগ্ধজাতীফলৈঃ৷

মাতঃ কৈতকপত্রপাণ্ডুরুচিভিস্তাম্বূলবল্লীদলৈঃ
সানন্দং মুখমণ্ডনার্থমতুলং তাম্বূলমঙ্গীকুরু৷৷37৷৷

তাম্বূলনির্জিতসুতপ্তসুবর্ণবর্ণং

স্বর্ণাক্তপূগফলমৌক্তিকচূর্ণযুক্তম্৷

সৌবর্ণপাত্রনিহিতং খদিরেণ সার্ধং
তাম্বূলমম্ব বদনাম্বুরুহে গৃহাণ৷৷39৷৷

সবিনযমথ দত্বা জানুযুগ্মং ধরণ্যাং

সপদি শিরসি ধৃত্বা পাত্রমারার্তিকস্য৷

মুখকমলসমীপে তেম্ব সার্থং ত্রিবারং
ভ্রমযতি মযি ভূযাত্তে কৃপার্দ্রঃ কটাক্ষঃ৷৷41৷৷

মাতঃ কাঞ্চনদণ্ডমণ্ডিতমিদং পূর্ণেন্দুবিম্বপ্রভং

নানারত্নবিশোভিহেমকলশং লোকত্রযাহ্লাদকম্৷

ভাস্বন্মৌক্তিকজালিকাপরিবৃতং প্রীত্যাত্মহস্তে ধৃতং
ছত্রং তে পরিকল্পযামি শিরসি ত্বষ্ট্রা স্বযং নির্মিতম্৷৷43৷৷

মার্তাণ্ডমণ্ডলনিভো জগদম্ব যোযং

ভক্ত্যা মযা মণিমযো মুকুরোর্পিতস্তে৷

পূর্ণেন্দুবিম্বরুচিরং বদনং স্বকীয-
মস্মিন্বিলোকয বিলোলবিলোচনে ত্বম্৷৷45৷৷

প্রিযগতিরতিতুঙ্গো রত্নপল্যাণযুক্তঃ

কনকমযবিভূষঃ স্নিগ্ধগম্ভীরঘোষঃ৷

ভগবতি কলিতোযং বাহনার্থং মযা তে
তুরগশতসমেতো বাযুবেগস্তুরংগঃ৷৷47৷৷

দ্রুততরতুরগৈর্বিরাজমানং

মণিমযচক্রচতুষ্টযেন যুক্তম্৷

কনকমযমমুং বিতানবন্তং
ভগবতি তে হি রথং সমর্পযামি৷৷49৷৷

পরিঘীকৃতসপ্তসাগরং

বহুসংপত্সহিতং মযাম্ব তে বিপুলম্৷

প্রবলং ধরণীতলাভিধং
দৃঢদুর্গং নিখিলং সমর্পযামি৷৷51৷৷

ভ্রমরলুলিতলোলকুন্তলালী-

বিগলিতমাল্যবিকীর্ণরঙ্গভূমিঃ৷

ইযমতিরুচিরা নটী নটন্তী
তব হৃদযে মুদমাতনোতু মাতঃ৷৷53৷৷

ভ্রমদলিকুলতুল্যালোলধম্মিল্লভারাঃ

স্মিতমুখকমলোদ্যদ্দিব্যলাবণ্যপূরাঃ৷

অনুপমিতসুবেষা বারযোষা নটন্তি
পরভৃতকলকণ্ঠ্যো দেবি দৈন্যং ধুনোতু৷৷55৷৷

বিপঞ্চীষু সপ্তস্বরান্বাদযন্ত্য-

স্তব দ্বারি গাযন্তি গন্ধর্বকন্যাঃ৷

ক্ষণং সাবধানেন চিত্তেন মাতঃ
সমাকর্ণয ত্বং মযা প্রার্থিতাসি৷৷57৷৷

তব দেবি গুণানুবর্ণনে

চতুরা নো চতুরাননাদযঃ৷

তদিহৈকমুখেষু জন্তুষু
স্তবনং কস্তব কর্তুমীশ্বরঃ৷৷59৷৷

রক্তোত্পলারক্তলতাপ্রভাভ্যাং ধ্বজোর্ধ্বরেখাকুলিশাঙ্কিতাভ্যাম্৷
অশেষবৃন্দারকবন্দিতাভ্যাং নমো ভবানীপদপঙ্কজাভ্যাম্৷৷61৷৷

অথ মণিমযমঞ্চকাভিরামে

কনকমযবিতানরাজমানে৷

প্রসরদগরুধূপধূপিতেস্মি-
ন্ভগবতি ভবনেস্তু তে নিবাসঃ৷৷63৷৷

তব দেবি সরোজচিহ্নযোঃ পদযোর্নির্জিতপদ্মরাগযোঃ৷
অতিরক্ততরৈরলক্তকৈঃ পুনরুক্তাং রচযামি রক্ততাম্৷৷65৷৷

ক্ষণমথ জগদম্ব মঞ্চকেস্মি-

ন্মৃদুতলতূলিকযা বিরাজমানে৷

অতিরহসি মুদা শিবেন সার্ধং
সুখশযনং কুরু তত্র মাং স্মরন্তী৷৷67৷৷

এষা ভক্ত্যা তব বিরচিতা যা মযা দেবি পূজা

স্বীকৃত্যৈনাং সপদি সকলান্মেপরাধান্ক্ষমস্ব৷

ন্যূনং যত্তত্তব করুণযা পূর্ণতামেতু সদ্যঃ
সানন্দং মে হৃদযকমলে তেস্তু নিত্যং নিবাসঃ৷৷69৷৷

পূজামিমাং পঠেন্নিত্যং পূজাং কর্তুমনীশ্বরঃ৷
পূজাফলমবাপ্নোতি বাঞ্ছিতার্থং চ বিন্দতি৷৷71৷৷