വിരിഞ്ചാദിരൂപൈഃ പ്രപഞ്ചേ വിഹൃത്യ

സ്വതന്ത്രാ യദാ സ്വാത്മവിശ്രാന്തിരേഷാ.

തദാ മാനമാതൃപ്രമേയാതിരിക്തം
പരാനന്ദമീഡേ ഭവാനി ത്വദീയമ്৷৷3৷৷

സമാകുഞ്ച്യ മൂലം ഹൃദി ന്യസ്യ വായും

മനോ ഭ്രൂബിലം പ്രാപയിത്വാ നിവൃത്താഃ.

തതഃ സച്ചിദാനന്ദരൂപേ പദേ തേ
ഭവന്ത്യമ്ബ ജീവാഃ ശിവത്വേന കേചിത്৷৷5৷৷

ശരീരേ ധനേപത്യവര്ഗേ കലത്രേ

വിരക്തസ്യ സദ്ദേശികാദിഷ്ടബുദ്ധേഃ.

യദാകസ്മികം ജ്യോതിരാനന്ദരൂപം
സമാധൌ ഭവേത്തത്ത്വമസ്യമ്ബ സത്യമ്৷৷7৷৷

നിവൃത്തിഃ പ്രതിഷ്ഠാ ച വിദ്യാ ച ശാന്തി-

സ്തഥാ ശാന്ത്യതീതേതി പഞ്ചീകൃതാഭിഃ.

കലാഭിഃ പരേ പഞ്ചവിംശാത്മികാഭി-
സ്ത്വമേകൈവ സേവ്യാ ശിവാഭിന്നരൂപാ৷৷9৷৷

സമാരഭ്യ മൂലം ഗതോ ബ്രഹ്മചക്രം

ഭവദ്ദിവ്യചക്രേശ്വരീധാമഭാജഃ.

മഹാസിദ്ധിസംഘാതകല്പദ്രുമാഭാ-
നവാപ്യാമ്ബ നാദാനുപാസ്തേ ച യോഗീ৷৷11৷৷

ലസത്താരഹാരാമതിസ്വച്ഛചേലാം

വഹന്തീം കരേ പുസ്തകം ചാക്ഷമാലാമ്.

ശരച്ചന്ദ്രകോടിപ്രഭാഭാസുരാം ത്വാം
സകൃദ്ഭാവയന്ഭാരതീവല്ലഭഃ സ്യാത്৷৷13৷৷

മണിസ്യൂതതാടങ്കശോണാസ്യബിമ്ബാം

ഹരിത്പട്ടവസ്ത്രാം ത്വഗുല്ലാസിഭൂഷാമ്.

ഹൃദാ ഭാവയംസ്തപ്തഹേമപ്രഭാം ത്വാം
ശ്രിയോ നാശയത്യമ്ബ ചാഞ്ചല്യഭാവമ്৷৷15৷৷

തഥാന്യേ വികല്പേഷു നിര്വിണ്ണചിത്താ-

സ്തദേകം സമാധായ ബിന്ദുത്രയം തേ.

പരാനന്ദസംധാനസിന്ധൌ നിമഗ്നാഃ
പുനര്ഗര്ഭരന്ധ്രം ന പശ്യന്തി ധീരാഃ৷৷17৷৷

കദാ വാ ഭവത്പാദപോതേന തൂര്ണം

ഭവാമ്ഭോധിമുത്തീര്യ പൂര്ണാന്തരങ്ഗഃ.

നിമജ്ജന്തമേനം ദുരാശാവിഷാബ്ധൌ
സമാലോക്യ ലോകം കഥം പര്യുദാസ്സേ৷৷19৷৷

നമോവാകമാശാസ്മഹേ ദേവി യുഷ്മ-

ത്പദാമ്ഭോജയുഗ്മായ തിഗ്മായ ഗൌരി.

വിരിഞ്ച്യാദിഭാസ്വത്കിരീടപ്രതോലീ-
പ്രദീപായമാനപ്രഭാഭാസ്വരായ৷৷21৷৷

ശരേഷ്വേവ നാസാ ധനുഷ്വേവ ജിഹ്വാ

ജപാപാടലേ ലോചനേ തേ സ്വരൂപേ.

ത്വഗേഷാ ഭവച്ചന്ദ്രഖണ്ഡേ ശ്രവോ മേ
ഗുണേ തേ മനോവൃത്തിരമ്ബ ത്വയി സ്യാത്৷৷23৷৷

സുധാസിന്ധുസാരേ ചിദാനന്ദനീരേ

സമുത്ഫുല്ലനീപേ സുരത്നാന്തരീപേ.

മണിവ്യൂഹസാലേ സ്ഥിതേ ഹൈമശാലേ
മനോജാരിവാമേ നിഷണ്ണം മനോ മേ৷৷25৷৷

ജഗജ്ജാലമേതത്ത്വയൈവാമ്ബ സൃഷ്ടം

ത്വമേവാദ്യ യാസീന്ദ്രിയൈരര്ഥജാലമ്.

ത്വമേകൈവ കര്ത്രീ ത്വമേകൈവ ഭോക്ത്രീ
ന മേ പുണ്യപാപേ ന മേ ബന്ധമോക്ഷൌ৷৷27৷৷