विरिञ्चादिरूपैः प्रपञ्चे विहृत्य

स्वतन्त्रा यदा स्वात्मविश्रान्तिरेषा।

तदा मानमातृप्रमेयातिरिक्तं
परानन्दमीडे भवानि त्वदीयम्।।3।।

समाकुञ्च्य मूलं हृदि न्यस्य वायुं

मनो भ्रूबिलं प्रापयित्वा निवृत्ताः।

ततः सच्चिदानन्दरूपे पदे ते
भवन्त्यम्ब जीवाः शिवत्वेन केचित्।।5।।

शरीरे धनेऽपत्यवर्गे कलत्रे

विरक्तस्य सद्देशिकादिष्टबुद्धेः।

यदाकस्मिकं ज्योतिरानन्दरूपं
समाधौ भवेत्तत्त्वमस्यम्ब सत्यम्।।7।।

निवृत्तिः प्रतिष्ठा च विद्या च शान्ति

स्तथा शान्त्यतीतेति पञ्चीकृताभिः।

कलाभिः परे पञ्चविंशात्मिकाभि
स्त्वमेकैव सेव्या शिवाभिन्नरूपा।।9।।

समारभ्य मूलं गतो ब्रह्मचक्रं

भवद्दिव्यचक्रेश्वरीधामभाजः।

महासिद्धिसंघातकल्पद्रुमाभा
नवाप्याम्ब नादानुपास्ते च योगी।।11।।

लसत्तारहारामतिस्वच्छचेलां

वहन्तीं करे पुस्तकं चाक्षमालाम्।

शरच्चन्द्रकोटिप्रभाभासुरां त्वां
सकृद्भावयन्भारतीवल्लभः स्यात्।।13।।

मणिस्यूतताटङ्कशोणास्यबिम्बां

हरित्पट्टवस्त्रां त्वगुल्लासिभूषाम्।

हृदा भावयंस्तप्तहेमप्रभां त्वां
श्रियो नाशयत्यम्ब चाञ्चल्यभावम्।।15।।

तथान्ये विकल्पेषु निर्विण्णचित्ता

स्तदेकं समाधाय बिन्दुत्रयं ते।

परानन्दसंधानसिन्धौ निमग्नाः
पुनर्गर्भरन्ध्रं न पश्यन्ति धीराः।।17।।

कदा वा भवत्पादपोतेन तूर्णं

भवाम्भोधिमुत्तीर्य पूर्णान्तरङ्गः।

निमज्जन्तमेनं दुराशाविषाब्धौ
समालोक्य लोकं कथं पर्युदास्से।।19।।

नमोवाकमाशास्महे देवि युष्म

त्पदाम्भोजयुग्माय तिग्माय गौरि।

विरिञ्च्यादिभास्वत्किरीटप्रतोली
प्रदीपायमानप्रभाभास्वराय।।21।।

शरेष्वेव नासा धनुष्वेव जिह्वा

जपापाटले लोचने ते स्वरूपे।

त्वगेषा भवच्चन्द्रखण्डे श्रवो मे
गुणे ते मनोवृत्तिरम्ब त्वयि स्यात्।।23।।

सुधासिन्धुसारे चिदानन्दनीरे

समुत्फुल्लनीपे सुरत्नान्तरीपे।

मणिव्यूहसाले स्थिते हैमशाले
मनोजारिवामे निषण्णं मनो मे।।25।।

जगज्जालमेतत्त्वयैवाम्ब सृष्टं

त्वमेवाद्य यासीन्द्रियैरर्थजालम्।

त्वमेकैव कर्त्री त्वमेकैव भोक्त्री
न मे पुण्यपापे न मे बन्धमोक्षौ।।27।।