বিরিঞ্চাদিরূপৈঃ প্রপঞ্চে বিহৃত্য

স্বতন্ত্রা যদা স্বাত্মবিশ্রান্তিরেষা৷

তদা মানমাতৃপ্রমেযাতিরিক্তং
পরানন্দমীডে ভবানি ত্বদীযম্৷৷3৷৷

সমাকুঞ্চ্য মূলং হৃদি ন্যস্য বাযুং

মনো ভ্রূবিলং প্রাপযিত্বা নিবৃত্তাঃ৷

ততঃ সচ্চিদানন্দরূপে পদে তে
ভবন্ত্যম্ব জীবাঃ শিবত্বেন কেচিত্৷৷5৷৷

শরীরে ধনেপত্যবর্গে কলত্রে

বিরক্তস্য সদ্দেশিকাদিষ্টবুদ্ধেঃ৷

যদাকস্মিকং জ্যোতিরানন্দরূপং
সমাধৌ ভবেত্তত্ত্বমস্যম্ব সত্যম্৷৷7৷৷

নিবৃত্তিঃ প্রতিষ্ঠা চ বিদ্যা চ শান্তি-

স্তথা শান্ত্যতীতেতি পঞ্চীকৃতাভিঃ৷

কলাভিঃ পরে পঞ্চবিংশাত্মিকাভি-
স্ত্বমেকৈব সেব্যা শিবাভিন্নরূপা৷৷9৷৷

সমারভ্য মূলং গতো ব্রহ্মচক্রং

ভবদ্দিব্যচক্রেশ্বরীধামভাজঃ৷

মহাসিদ্ধিসংঘাতকল্পদ্রুমাভা-
নবাপ্যাম্ব নাদানুপাস্তে চ যোগী৷৷11৷৷

লসত্তারহারামতিস্বচ্ছচেলাং

বহন্তীং করে পুস্তকং চাক্ষমালাম্৷

শরচ্চন্দ্রকোটিপ্রভাভাসুরাং ত্বাং
সকৃদ্ভাবযন্ভারতীবল্লভঃ স্যাত্৷৷13৷৷

মণিস্যূততাটঙ্কশোণাস্যবিম্বাং

হরিত্পট্টবস্ত্রাং ত্বগুল্লাসিভূষাম্৷

হৃদা ভাবযংস্তপ্তহেমপ্রভাং ত্বাং
শ্রিযো নাশযত্যম্ব চাঞ্চল্যভাবম্৷৷15৷৷

তথান্যে বিকল্পেষু নির্বিণ্ণচিত্তা-

স্তদেকং সমাধায বিন্দুত্রযং তে৷

পরানন্দসংধানসিন্ধৌ নিমগ্নাঃ
পুনর্গর্ভরন্ধ্রং ন পশ্যন্তি ধীরাঃ৷৷17৷৷

কদা বা ভবত্পাদপোতেন তূর্ণং

ভবাম্ভোধিমুত্তীর্য পূর্ণান্তরঙ্গঃ৷

নিমজ্জন্তমেনং দুরাশাবিষাব্ধৌ
সমালোক্য লোকং কথং পর্যুদাস্সে৷৷19৷৷

নমোবাকমাশাস্মহে দেবি যুষ্ম-

ত্পদাম্ভোজযুগ্মায তিগ্মায গৌরি৷

বিরিঞ্চ্যাদিভাস্বত্কিরীটপ্রতোলী-
প্রদীপাযমানপ্রভাভাস্বরায৷৷21৷৷

শরেষ্বেব নাসা ধনুষ্বেব জিহ্বা

জপাপাটলে লোচনে তে স্বরূপে৷

ত্বগেষা ভবচ্চন্দ্রখণ্ডে শ্রবো মে
গুণে তে মনোবৃত্তিরম্ব ত্বযি স্যাত্৷৷23৷৷

সুধাসিন্ধুসারে চিদানন্দনীরে

সমুত্ফুল্লনীপে সুরত্নান্তরীপে৷

মণিব্যূহসালে স্থিতে হৈমশালে
মনোজারিবামে নিষণ্ণং মনো মে৷৷25৷৷

জগজ্জালমেতত্ত্বযৈবাম্ব সৃষ্টং

ত্বমেবাদ্য যাসীন্দ্রিযৈরর্থজালম্৷

ত্বমেকৈব কর্ত্রী ত্বমেকৈব ভোক্ত্রী
ন মে পুণ্যপাপে ন মে বন্ধমোক্ষৌ৷৷27৷৷