Devotional Hyms - Devi

৷৷śrīḥ৷৷

৷৷bhavānībhujaṅgam৷৷

ṣaḍādhārapaṅkēruhāntarvirāja-

tsuṣumnāntarālē.titējōllasantīm.

sudhāmaṇḍalaṅ drāvayantīṅ pibantīṅ
sudhāmūrtimīḍē cidānandarūpām৷৷1৷৷

jvalatkōṭibālārkabhāsāruṇāṅgīṅ

sulāvaṇyaśrṛṅgāraśōbhābhirāmām.

mahāpadmakiñjalkamadhyē virāja-
titrakōṇē niṣaṇṇāṅ bhajē śrībhavānīm৷৷2৷৷

kvaṇatkiṅkiṇīnūpurōdbhāsiratna-

prabhālīḍhalākṣārdrapādābjayugmam.

ajēśācyutādyaiḥ suraiḥ sēvyamānaṅ
mahādēvi manmūrdhni tē bhāvayāmi৷৷3৷৷

suśōṇāmbarābaddhanīvīvirāja-

nmahāratnakāñcīkalāpaṅ nitambam.

sphuraddakṣiṇāvartanābhiṅ ca tisrō
valīramba tē rōmarājiṅ bhajē.ham৷৷4৷৷

lasadvṛttamuttuṅgamāṇikyakumbhō-

pamaśri stanadvandvamambāmbujākṣi.

bhajē dugdhapūrṇābhirāmaṅ tavēdaṅ
mahāhāradīptaṅ sadā prasnutāsyam৷৷5৷৷

śirīṣaprasūnōllasadbāhudaṇḍai-

rjvaladbāṇakōdaṇḍapāśāṅkuśaiśca.

calatkaṅkaṇōdārakēyūrabhūṣō-
jjvaladbhirlasantīṅ bhajē śrībhavānīm৷৷6৷৷

śaratpūrṇacandraprabhāpūrṇabimbā-

dharasmēravaktrāravindāṅ suśāntām.

suratnāvalīhāratāṭaṅkaśōbhāṅ
mahāsuprasannāṅ bhajē śrībhavānīm৷৷7৷৷

sunāsāpuṭaṅ sundarabhrūlalāṭaṅ

tavauṣṭhaśriyaṅ dānadakṣaṅ kaṭākṣam.

lalāṭē lasadgandhakastūribhūṣaṅ
sphuracchrīmukhāmbhōjamīḍē.hamamba৷৷8৷৷

calatkuntalāntarbhramadbhṛṅgabṛndaṅ

ghanasnigdhadhammillabhūṣōjjvalaṅ tē.

sphuranmaulimāṇikyabaddhēndurēkhā-
vilāsōllasaddivyamūrdhānamīḍē৷৷9৷৷

iti śrībhavāni svarūpaṅ tavēdaṅ

prapañcātparaṅ cātisūkṣmaṅ prasannam.

sphuratvamba ḍimbhasya mē hṛtsarōjē
sadā vāṅmayaṅ sarvatējōmayaṅ ca৷৷10৷৷

gaṇēśābhimukhyākhilaiḥ śaktibṛndai-

rvṛtāṅ vai sphuraccakrarājōllasantīm.

parāṅ rājarājēśvari traipuri tvāṅ
śivāṅkōparisthāṅ śivāṅ bhāvayāmi৷৷11৷৷

tvamarkastvamindustvamagnistvamāpa-

stvamākāśabhūvāyavastvaṅ mahattvam.

tvadanyō na kaśicatprapañcō.sti sarvaṅ
tvamānandasaṅvitsvarūpāṅ bhajē.ham৷৷12৷৷

śrutīnāmagamyē suvēdāgamajñā

mahimnō na jānanti pāraṅ tavāmba.

stutiṅ kartumicchāmi tē tvaṅ bhavāni.
kṣamasvēdamatra pramugdhaḥ kilāham৷৷13৷৷

gurustvaṅ śivastvaṅ ca śaktistvamēva

tvamēvāsi mātā pitā ca tvamēva.

tvamēvāsi vidyā tvamēvāsi bandhu-
rgatirmē matirdēvi sarvaṅ tvamēva৷৷14৷৷

śaraṇyē varēṇyē sukāruṇyamūrtē

hiraṇyōdarādyairagaṇyē supuṇyē.

bhavāraṇyabhītēśca māṅ pāhi bhadrē
namastē namastē namastē bhavāni৷৷15৷৷

itīmāṅ mahacchrībhavānībhujaṅgaṅ

stutiṅ yaḥ paṭhēdbhaktiyuktaśca tasmai.

svakīyaṅ padaṅ śāśvataṅ vēdasāraṅ
śriyaṅ cāṣṭasiddhiṅ bhavānī dadāti৷৷16৷৷

bhavānī bhavānī bhavānī trivāra-

mudāraṅ mudā sarvadā yē japanti.

na śōkaṅ na mōhaṅ na pāpaṅ na bhītiḥ
kadācitkathaṅcitkutaścajjanānām৷৷17৷৷


iti śrīmatparamahaṅsaparivrājakācāryasya

śrīgōvindabhagavatpūjyapādaśiṣyasya

śrīmacchaṅkarabhagavataḥ kṛtau

bhavānībhujaṅgaṅ saṅpūrṇam৷৷