ముఖే తే తామ్బూలం నయనయుగలే కజ్జలకలా

లలాటే కాశ్మీరం విలసతి గలే మౌక్తికలతా.

స్ఫురత్కాఞ్చీ శాటీ పృథుకటితటే హాటకమయీ
భజామి త్వాం గౌరీం నగపతికిశోరీమవిరతమ్৷৷3৷৷

నవీనార్కభ్రాజన్మణికనకభూషాపరికరై-

ర్వృతాఙ్గీ సారఙ్గీరుచిరనయనాఙ్గీకృతశివా.

తటిత్పీతా పీతామ్బరలలితమఞ్జీరసుభగా
మమాపర్ణా పూర్ణా నిరవధిసుఖైరస్తు సుముఖీ৷৷5৷৷

సపర్ణామాకీర్ణాం కతిపయగుణైః సాదరమిహ

శ్రయన్త్యన్యే వల్లీం మమ తు మతిరేవం విలసతి.

అపర్ణైకా సేవ్యా జగతి సకలైర్యత్పరివృతః
పురాణోపి స్థాణుః ఫలతి కిల కైవల్యపదవీమ్৷৷7৷৷

ప్రభూతా భక్తిస్తే యదపి న మమాలోలమనస-

స్త్వయా తు శ్రీమత్యా సదయమవలోక్యోహమధునా.

పయోదః పానీయం దిశతి మధురం చాతకముఖే
భృశం శఙ్కే కైర్వా విధిభిరనునీతా మమ మతిః৷৷9৷৷

మహాన్తం విశ్వాసం తవ చరణపఙ్కేరుహయుగే

నిధాయాన్యన్నైవాశ్రితమిహ మయా దైవతముమే.

తథాపి త్వచ్చేతో యది మయి న జాయేత సదయం
నిరాలమ్బో లమ్బోదరజనని కం యామి శరణమ్৷৷11৷৷

త్వదన్యస్మాదిచ్ఛావిషయఫలలాభే న నియమ-

స్త్వమజ్ఞానామిచ్ఛాధికమపి సమర్థా వితరణే.

ఇతి ప్రాహుః ప్రాఞ్చః కమలభవనాద్యాస్త్వయి మన-
స్త్వదాసక్తం నక్తందివముచితమీశాని కురు తత్৷৷13৷৷

నివాసః కైలాసే విధిశతమఖాద్యాః స్తుతికరాః

కుటుమ్బం త్రైలోక్యం కృతకరపుటః సిద్ధినికరః.

మహేశః ప్రాణేశస్తదవనిధరాధీశతనయే
న తే సౌభాగ్యస్య క్వచిదపి మనాగస్తి తులనా৷৷15৷৷

అశేషబ్రహ్మాణ్డప్రలయవిధినైసర్గికమతిః

శ్మశానేష్వాసీనః కృతభసితలేపః పశుపతిః.

దధౌ కణ్ఠే హాలాహలమఖిలభూగోలకృపయా
భవత్యాః సంగత్యా ఫలమితి చ కల్యాణి కలయే৷৷17৷৷

విశాలశ్రీఖణ్డద్రవమృగమదాకీర్ణఘుసృణ-

ప్రసూనవ్యామిశ్రం భగవతి తవాభ్యఙ్గసలిలమ్.

సమాదాయ స్రష్టా చలితపదపాంసూన్నిజకరైః
సమాధత్తే సృష్టిం విబుధపురపఙ్కేరుహదృశామ్৷৷19৷৷