Devotional Hyms - Devi

৷৷śrīḥ৷৷

৷৷ānandalaharī৷৷

bhavāni stōtuṅ tvāṅ prabhavati caturbhirna vadanaiḥ

prajānāmīśānastripuramathanaḥ pañcabhirapi.

na ṣaḍbhiḥ sēnānīrdaśaśatamukhairapyahipati-
stadānyēṣāṅ kēṣāṅ kathaya kathamasminnavasaraḥ৷৷1৷৷

ghṛtakṣīradrākṣāmadhumadhurimā kairapi padai-

rviśiṣyānākhyēyō bhavati rasanāmātraviṣayaḥ.

tathā tē saundaryaṅ paramaśivadṛṅmātraviṣayaḥ
kathaṅkāraṅ brūmaḥ sakalanigamāgōcaraguṇē৷৷2৷৷

mukhē tē tāmbūlaṅ nayanayugalē kajjalakalā

lalāṭē kāśmīraṅ vilasati galē mauktikalatā.

sphuratkāñcī śāṭī pṛthukaṭitaṭē hāṭakamayī
bhajāmi tvāṅ gaurīṅ nagapatikiśōrīmaviratam৷৷3৷৷

virājanmandāradrumakusumahārastanataṭī-

nadadvīṇānādaśravaṇavilasatkuṇḍalaguṇā.

natāṅgī mātaṅgī ruciragatibhaṅgī bhagavatī
satī śaṅbhōrambhōruhacaṭulacakṣurvijayatē৷৷4৷৷

navīnārkabhrājanmaṇikanakabhūṣāparikarai-

rvṛtāṅgī sāraṅgīruciranayanāṅgīkṛtaśivā.

taṭitpītā pītāmbaralalitamañjīrasubhagā
mamāparṇā pūrṇā niravadhisukhairastu sumukhī৷৷5৷৷

himādrēḥ saṅbhūtā sulalitakaraiḥ pallavayutā

supuṣpā muktābhirbhramarakalitā cālakabharaiḥ.

kṛtasthāṇusthānā kucaphalanatā sūktisarasā
rujāṅ hantrī gantrī vilasati cidānandalatikā৷৷6৷৷

saparṇāmākīrṇāṅ katipayaguṇaiḥ sādaramiha

śrayantyanyē vallīṅ mama tu matirēvaṅ vilasati.

aparṇaikā sēvyā jagati sakalairyatparivṛtaḥ
purāṇō.pi sthāṇuḥ phalati kila kaivalyapadavīm৷৷7৷৷

vidhātrī dharmāṇāṅ tvamasi sakalāmnāyajananī

tvamarthānāṅ mūlaṅ dhanadanamanīyāṅghrikamalē.

tvamādiḥ kāmānāṅ janani kṛtakandarpavijayē
satāṅ muktērbījaṅ tvamasi paramabrahmamahiṣī৷৷8৷৷

prabhūtā bhaktistē yadapi na mamālōlamanasa-

stvayā tu śrīmatyā sadayamavalōkyō.hamadhunā.

payōdaḥ pānīyaṅ diśati madhuraṅ cātakamukhē
bhṛśaṅ śaṅkē kairvā vidhibhiranunītā mama matiḥ৷৷9৷৷

kṛpāpāṅgālōkaṅ vitara tarasā sādhucaritē

na tē yuktōpēkṣā mayi śaraṇadīkṣāmupagatē.

na cēdiṣṭaṅ dadyādanupadamahō kalpalatikā
viśēṣaḥ sāmānyaiḥ kathamitaravallīparikaraiḥ৷৷10৷৷

mahāntaṅ viśvāsaṅ tava caraṇapaṅkēruhayugē

nidhāyānyannaivāśritamiha mayā daivatamumē.

tathāpi tvaccētō yadi mayi na jāyēta sadayaṅ
nirālambō lambōdarajanani kaṅ yāmi śaraṇam৷৷11৷৷

ayaḥ sparśē lagnaṅ sapadi labhatē hēmapadavīṅ

yathā rathyāpāthaḥ śuci bhavati gaṅgaughamilitam.

tathā tattatpāpairatimalinamantarmama yadi
tvayi prēmṇā saktaṅ kathamiva na jāyēta vimalam৷৷12৷৷

tvadanyasmādicchāviṣayaphalalābhē na niyama-

stvamajñānāmicchādhikamapi samarthā vitaraṇē.

iti prāhuḥ prāñcaḥ kamalabhavanādyāstvayi mana-
stvadāsaktaṅ naktaṅdivamucitamīśāni kuru tat৷৷13৷৷

sphurannānāratnasphaṭikamayabhittipratiphala-

ttvadākāraṅ cañcacchaśadharakalāsaudhaśikharam.

mukundabrahmēndraprabhṛtiparivāraṅ vijayatē
tavāgāraṅ ramyaṅ tribhuvanamahārājagṛhiṇi৷৷14৷৷

nivāsaḥ kailāsē vidhiśatamakhādyāḥ stutikarāḥ

kuṭumbaṅ trailōkyaṅ kṛtakarapuṭaḥ siddhinikaraḥ.

mahēśaḥ prāṇēśastadavanidharādhīśatanayē
na tē saubhāgyasya kvacidapi manāgasti tulanā৷৷15৷৷

vṛṣō vṛddhō yānaṅ viṣamaśanamāśā nivasanaṅ

śmaśānaṅ krīḍābhūrbhujaganivahō bhūṣaṇavidhiḥ.

samagrā sāmagrī jagati viditaiva smararipō-
ryadētasyaiśvaryaṅ tava janani saubhāgyamahimā৷৷16৷৷

aśēṣabrahmāṇḍapralayavidhinaisargikamatiḥ

śmaśānēṣvāsīnaḥ kṛtabhasitalēpaḥ paśupatiḥ.

dadhau kaṇṭhē hālāhalamakhilabhūgōlakṛpayā
bhavatyāḥ saṅgatyā phalamiti ca kalyāṇi kalayē৷৷17৷৷

tvadīyaṅ saundaryaṅ niratiśayamālōkya parayā

bhiyaivāsīdgaṅgā jalamayatanuḥ śailatanayē.

tadētasyāstasmādvadanakamalaṅ vīkṣya kṛpayā
pratiṣṭhāmātanvannijaśirasi vāsēna giriśaḥ৷৷18৷৷

viśālaśrīkhaṇḍadravamṛgamadākīrṇaghusṛṇa-

prasūnavyāmiśraṅ bhagavati tavābhyaṅgasalilam.

samādāya sraṣṭā calitapadapāṅsūnnijakaraiḥ
samādhattē sṛṣṭiṅ vibudhapurapaṅkēruhadṛśām৷৷19৷৷

vasantē sānandē kusumitalatābhiḥ parivṛtē

sphurannānāpadmē sarasi kalahaṅsālisubhagē.

sakhībhiḥ khēlantīṅ malayapavanāndōlitajalē
smarēdyastvāṅ tasya jvarajanitapīḍāpasarati৷৷20৷৷


iti śrīmatparamahaṅsaparivrājakācāryasya

śrīgōvindabhagavatpūjyapādaśiṣyasya

śrīmacchaṅkarabhagavataḥ kṛtau

ānandalaharī saṅpūrṇā৷৷