ମୁଖେ ତେ ତାମ୍ବୂଲଂ ନଯନଯୁଗଲେ କଜ୍ଜଲକଲା

ଲଲାଟେ କାଶ୍ମୀରଂ ବିଲସତି ଗଲେ ମୌକ୍ତିକଲତା|

ସ୍ଫୁରତ୍କାଞ୍ଚୀ ଶାଟୀ ପୃଥୁକଟିତଟେ ହାଟକମଯୀ
ଭଜାମି ତ୍ବାଂ ଗୌରୀଂ ନଗପତିକିଶୋରୀମବିରତମ୍||3||

ନବୀନାର୍କଭ୍ରାଜନ୍ମଣିକନକଭୂଷାପରିକରୈ-

ର୍ବୃତାଙ୍ଗୀ ସାରଙ୍ଗୀରୁଚିରନଯନାଙ୍ଗୀକୃତଶିବା|

ତଟିତ୍ପୀତା ପୀତାମ୍ବରଲଲିତମଞ୍ଜୀରସୁଭଗା
ମମାପର୍ଣା ପୂର୍ଣା ନିରବଧିସୁଖୈରସ୍ତୁ ସୁମୁଖୀ||5||

ସପର୍ଣାମାକୀର୍ଣାଂ କତିପଯଗୁଣୈଃ ସାଦରମିହ

ଶ୍ରଯନ୍ତ୍ଯନ୍ଯେ ବଲ୍ଲୀଂ ମମ ତୁ ମତିରେବଂ ବିଲସତି|

ଅପର୍ଣୈକା ସେବ୍ଯା ଜଗତି ସକଲୈର୍ଯତ୍ପରିବୃତଃ
ପୁରାଣୋପି ସ୍ଥାଣୁଃ ଫଲତି କିଲ କୈବଲ୍ଯପଦବୀମ୍||7||

ପ୍ରଭୂତା ଭକ୍ତିସ୍ତେ ଯଦପି ନ ମମାଲୋଲମନସ-

ସ୍ତ୍ବଯା ତୁ ଶ୍ରୀମତ୍ଯା ସଦଯମବଲୋକ୍ଯୋହମଧୁନା|

ପଯୋଦଃ ପାନୀଯଂ ଦିଶତି ମଧୁରଂ ଚାତକମୁଖେ
ଭୃଶଂ ଶଙ୍କେ କୈର୍ବା ବିଧିଭିରନୁନୀତା ମମ ମତିଃ||9||

ମହାନ୍ତଂ ବିଶ୍ବାସଂ ତବ ଚରଣପଙ୍କେରୁହଯୁଗେ

ନିଧାଯାନ୍ଯନ୍ନୈବାଶ୍ରିତମିହ ମଯା ଦୈବତମୁମେ|

ତଥାପି ତ୍ବଚ୍ଚେତୋ ଯଦି ମଯି ନ ଜାଯେତ ସଦଯଂ
ନିରାଲମ୍ବୋ ଲମ୍ବୋଦରଜନନି କଂ ଯାମି ଶରଣମ୍||11||

ତ୍ବଦନ୍ଯସ୍ମାଦିଚ୍ଛାବିଷଯଫଲଲାଭେ ନ ନିଯମ-

ସ୍ତ୍ବମଜ୍ଞାନାମିଚ୍ଛାଧିକମପି ସମର୍ଥା ବିତରଣେ|

ଇତି ପ୍ରାହୁଃ ପ୍ରାଞ୍ଚଃ କମଲଭବନାଦ୍ଯାସ୍ତ୍ବଯି ମନ-
ସ୍ତ୍ବଦାସକ୍ତଂ ନକ୍ତଂଦିବମୁଚିତମୀଶାନି କୁରୁ ତତ୍||13||

ନିବାସଃ କୈଲାସେ ବିଧିଶତମଖାଦ୍ଯାଃ ସ୍ତୁତିକରାଃ

କୁଟୁମ୍ବଂ ତ୍ରୈଲୋକ୍ଯଂ କୃତକରପୁଟଃ ସିଦ୍ଧିନିକରଃ|

ମହେଶଃ ପ୍ରାଣେଶସ୍ତଦବନିଧରାଧୀଶତନଯେ
ନ ତେ ସୌଭାଗ୍ଯସ୍ଯ କ୍ବଚିଦପି ମନାଗସ୍ତି ତୁଲନା||15||

ଅଶେଷବ୍ରହ୍ମାଣ୍ଡପ୍ରଲଯବିଧିନୈସର୍ଗିକମତିଃ

ଶ୍ମଶାନେଷ୍ବାସୀନଃ କୃତଭସିତଲେପଃ ପଶୁପତିଃ|

ଦଧୌ କଣ୍ଠେ ହାଲାହଲମଖିଲଭୂଗୋଲକୃପଯା
ଭବତ୍ଯାଃ ସଂଗତ୍ଯା ଫଲମିତି ଚ କଲ୍ଯାଣି କଲଯେ||17||

ବିଶାଲଶ୍ରୀଖଣ୍ଡଦ୍ରବମୃଗମଦାକୀର୍ଣଘୁସୃଣ-

ପ୍ରସୂନବ୍ଯାମିଶ୍ରଂ ଭଗବତି ତବାଭ୍ଯଙ୍ଗସଲିଲମ୍|

ସମାଦାଯ ସ୍ରଷ୍ଟା ଚଲିତପଦପାଂସୂନ୍ନିଜକରୈଃ
ସମାଧତ୍ତେ ସୃଷ୍ଟିଂ ବିବୁଧପୁରପଙ୍କେରୁହଦୃଶାମ୍||19||