মুখে তে তাম্বূলং নযনযুগলে কজ্জলকলা

ললাটে কাশ্মীরং বিলসতি গলে মৌক্তিকলতা৷

স্ফুরত্কাঞ্চী শাটী পৃথুকটিতটে হাটকমযী
ভজামি ত্বাং গৌরীং নগপতিকিশোরীমবিরতম্৷৷3৷৷

নবীনার্কভ্রাজন্মণিকনকভূষাপরিকরৈ-

র্বৃতাঙ্গী সারঙ্গীরুচিরনযনাঙ্গীকৃতশিবা৷

তটিত্পীতা পীতাম্বরললিতমঞ্জীরসুভগা
মমাপর্ণা পূর্ণা নিরবধিসুখৈরস্তু সুমুখী৷৷5৷৷

সপর্ণামাকীর্ণাং কতিপযগুণৈঃ সাদরমিহ

শ্রযন্ত্যন্যে বল্লীং মম তু মতিরেবং বিলসতি৷

অপর্ণৈকা সেব্যা জগতি সকলৈর্যত্পরিবৃতঃ
পুরাণোপি স্থাণুঃ ফলতি কিল কৈবল্যপদবীম্৷৷7৷৷

প্রভূতা ভক্তিস্তে যদপি ন মমালোলমনস-

স্ত্বযা তু শ্রীমত্যা সদযমবলোক্যোহমধুনা৷

পযোদঃ পানীযং দিশতি মধুরং চাতকমুখে
ভৃশং শঙ্কে কৈর্বা বিধিভিরনুনীতা মম মতিঃ৷৷9৷৷

মহান্তং বিশ্বাসং তব চরণপঙ্কেরুহযুগে

নিধাযান্যন্নৈবাশ্রিতমিহ মযা দৈবতমুমে৷

তথাপি ত্বচ্চেতো যদি মযি ন জাযেত সদযং
নিরালম্বো লম্বোদরজননি কং যামি শরণম্৷৷11৷৷

ত্বদন্যস্মাদিচ্ছাবিষযফললাভে ন নিযম-

স্ত্বমজ্ঞানামিচ্ছাধিকমপি সমর্থা বিতরণে৷

ইতি প্রাহুঃ প্রাঞ্চঃ কমলভবনাদ্যাস্ত্বযি মন-
স্ত্বদাসক্তং নক্তংদিবমুচিতমীশানি কুরু তত্৷৷13৷৷

নিবাসঃ কৈলাসে বিধিশতমখাদ্যাঃ স্তুতিকরাঃ

কুটুম্বং ত্রৈলোক্যং কৃতকরপুটঃ সিদ্ধিনিকরঃ৷

মহেশঃ প্রাণেশস্তদবনিধরাধীশতনযে
ন তে সৌভাগ্যস্য ক্বচিদপি মনাগস্তি তুলনা৷৷15৷৷

অশেষব্রহ্মাণ্ডপ্রলযবিধিনৈসর্গিকমতিঃ

শ্মশানেষ্বাসীনঃ কৃতভসিতলেপঃ পশুপতিঃ৷

দধৌ কণ্ঠে হালাহলমখিলভূগোলকৃপযা
ভবত্যাঃ সংগত্যা ফলমিতি চ কল্যাণি কলযে৷৷17৷৷

বিশালশ্রীখণ্ডদ্রবমৃগমদাকীর্ণঘুসৃণ-

প্রসূনব্যামিশ্রং ভগবতি তবাভ্যঙ্গসলিলম্৷

সমাদায স্রষ্টা চলিতপদপাংসূন্নিজকরৈঃ
সমাধত্তে সৃষ্টিং বিবুধপুরপঙ্কেরুহদৃশাম্৷৷19৷৷