ഘനവര്ത്മകൃഷ്ണഗതിശാന്തിബിന്ദുഭിഃ

കഥിതഃ പരഃ പ്രകൃതിവാചകോ മനുഃ.

ദുരിതാപഹോര്ഥസുഖധര്മമോക്ഷദോ
ഭജതാമശേഷജനരഞ്ജനക്ഷമഃ৷৷9.2৷৷

നേത്രകരണര്തുദിനകര-

ഭുവനവികാരസ്വരാഗ്നിബിന്ദുയുജാ.

വ്യോമ്നാങ്ഗഷട്കക്ലൃപ്തി-
ര്ജാതിവിഭിന്നേന ചാപി സംപ്രോക്താ৷৷9.4৷৷

അന്ത്യാവൂഷ്മസ്വമൂന്വാദിഷു ഖലിപിപു താംസ്താംശ്ചതുര്വര്ഗവര്ണേ-

ഷ്വേതാനസ്യമ്യദസ്തദ്ദതി തദപി പരേപു സ്വരേപു ക്രമേണ.

സംഹൃത്യ സ്ഥാനയുക്തം ക്ഷപിതസകലദേഹോ ലലാടസ്ഥിതാന്തഃ-
പ്രാപ്തിവ്യാപ്തദ്വിസപ്താദികഭുവനതലോ യാതു മദ്ഭാവമേവ৷৷9.6৷৷

ശിരസി നിപതിതാ യാ ബിന്ദുധാരാ സുധായാ

ഭവതി ലിപിമയീ സാ താഭിരങ്ഗം മുഖാദ്യമ്.

വിരചയതു സമസ്തം പാതിതാന്തശ്ച തേജ-
സ്യനല ഇവ ഘൃതസ്യോദ്ദീപയേദാത്മതേജഃ৷৷9.8৷৷

ഉദ്യദ്ഭാസ്വത്സമാഭാം വിജിതനവജപാമിന്ദുഖണ്ഡാവനദ്ധ-

ദ്യോതന്മൌലിം ത്രിണേത്രാം വിവിധമണിലസത്കുണ്ഡലാം പദ്മഗാം ച.

ഹാരഗ്രൈവേയകാഞ്ചീഗുണമണിവലയാദ്യൈര്വിചിത്രാമ്ബരാഢ്യാ-
മമ്ബാം പാശാങ്കുശേഷ്ടാഭയകരകമലാമമ്ബികാം താം നമാമി৷৷9.10৷৷

അം സ്യാദാത്മാ കുര്ധരാ കുസ്തനുര്വാ

ഭാഗാര്ഥഃ സ്യാച്ഛോഥ വാ വൃത്തിവാചീ.

ഭൂശ്ചേദ്ഭൂതാന്യന്യഥാ ചേച്ഛരീരാ-
ണ്യാകൃഷ്യാത്മന്യാഹരേദങ്കുശാഖ്യഃ৷৷9.12৷৷

മുഖ്യാര്ഥവാചീ വരശബ്ദ ഉക്തഃ

സ്യാദ്വാഞ്ഛിതാര്ഥശ്ച വരാഭിധാനമ്.

മുഖ്യം ത്വഭീഷ്ടം സ്മൃതിമാത്രകേണ
ദദാതി യോസൌ വരദോവഗമ്യഃ৷৷9.14৷৷

ശക്ത്യാവിഃസാധ്യമിന്ദ്രാനിലനിഋതിഗബീജാഭിബദ്ധം പുരോഗ്നേ-

സ്തത്കോണോല്ലാസിമായം ഹരിഹരവിലസദ്ഗണ്ഡമേഭിഃ സമായൈഃ.

വര്ണൈശ്ചാവേഷ്ടിതം തത്ിത്രഗുണിതമിതി വിഖ്യാതമേതത്സുയന്ത്രം
സ്യാദായുഷ്യം ച വശ്യം ധനകരമമിതശ്രീപദം കീര്ത്തിദം ച৷৷9.16৷৷

ഗായത്രീം ന്യസതു ഗലേ സ്തനേഥ സവ്യേ

സാവിത്രീം പുനരപരേ സരസ്വതീം ച.

സവ്യേംസേ സരസിജസംഭവം മുകുന്ദം
ഹൃദ്ദേശേ പുനരപരാംസകേ ശിവം ച৷৷9.18৷৷

സജയാ വിജയാ ച തഥാ-

ജിതാഹ്വയാ ചാപരാജിതാ നിത്യാ.

തദനു വിലാസിനിദോഗ്ധ്ര്യൌ
സാഘോരാ മങ്ഗലാ നവ പ്രോക്താഃ৷৷9.20৷৷

മധുനാഥ മഹാരവൈശ്ച സാകം

വിധിനാ മധ്യഗതം പ്രപൂര്യ കുമ്ഭമ്.

അഭിവാഹ്യ കലാഃ പ്രവേഷ്ടയീത
പ്രവരാഭ്യാമഥ തന്നവാംശുകാഭ്യാമ്৷৷9.22৷৷

മൂത്രേണൈന്ദ്രം ഗോമയേനാപി യാമ്യം

ക്ഷീരേണാപ്യം സൌമ്യജം ചൈവ ദധ്നാ.

മധ്യപ്രോക്തം സര്പിഷാ പഞ്ച കുമ്ഭാ-
ന്സംസ്ഥാപ്യാപഃ പൂരണീയാഃ ക്രമേണ৷৷9.24৷৷

താരഭവാഭിരഥര്ഗ്ഭിഃ

ക്രമേണ സയോജയേച്ച ഗവ്യാനി.

ആത്മാഷ്ടാക്ഷരമന്ത്രൈ-
രഥ വാ യോജ്യാനി പഞ്ചഭിഃ പഞ്ച৷৷9.26৷৷

അത്രോത്തരസ്യാം ദിശി പങ്കജേ ച

പലാശചര്മോത്ക്വഥിതൈഃ പയോഭിഃ.

സംപൂരണീയഃ കലശോ യഥാവ-
ത്സുവര്ണവസ്ത്രാദിയുതഃ സുശുദ്ധഃ৷৷9.28৷৷

ഊര്ധ്വേന്ദ്രയാമ്യസൌമ്യ-

പ്രത്യക്ഷു ച ഭൂതവര്ണകാഃ ക്രമശഃ.

ഹൃല്ലേഖാദ്യാസ്തദനു ച
പൂര്വവദങ്ഗാനി പൂജനീയാനി৷৷9.30৷৷

രക്താ രക്താകല്പാ

ചതുര്മുഖീ കുണ്ഡികാക്ഷമാലേബ്ജേ.

ദധതീ പ്രാഗ്ബീജസ്യ
ഗായത്രീ താദൃശോഗ്നിഗോ ബ്രഹ്മാ৷৷9.32৷৷

ടങ്കാക്ഷാല്യഭയവരാ-

ന്ദധതീ ച ത്രീക്ഷണേന്ദുകലിതജടാ.

വാണീ വായവ്യസ്ഥാ
വിശദാകല്പാ തഥേശ്വരസ്ത്വൈശേ৷৷9.34৷৷

യദി നവകലശാസ്തേഷ്വഥ

സംപൂജ്യാ മാതരോഷ്ടദിക്ക്രമശഃ.

ഹൃല്ലേഖാദ്യാഃ പൂജ്യാ
മധ്യാദിഷു പഞ്ച ചേദ്ഭവന്തി ഘടാഃ৷৷9.36৷৷

ദ്വാരഗകുമ്ഭഘൃതൈരഥ

സലിലൈഃ പുനരന്തരാസേകമ്.

കുര്യാന്മുഖകരചരണ-
ക്ഷാലനമപി സാചമാദികം മന്ത്രീ৷৷9.38৷৷

ഭൂത്വാ ശക്തിഃ സ്വയമഥ ദിനേശേന്ദുവൈശ്വാനരാണാ-

മൈക്യം കുര്വന്പ്രണവമനുനാ ശക്തിബീജേന ഭൂയഃ.

ആകൃഷ്യാന്തര്ബഹിരപി സമാധായ ബുദ്ധ്യൈവ തേജോ
ജപ്യാന്മന്ത്രീ ജ്വലനഹുതശിഷ്ടാന്നഭുക്പ്രോക്തസംഖ്യമ്৷৷9.40৷৷

ജപാദ്ദശാംശം ജുഹുയാദഥാഷ്ട-

ദ്രവ്യൈര്ഗുഡക്ഷൌദ്രഘൃതാവസിക്തൈഃ.

വര്ണൌഷധീസിദ്ധജലാഭിഷേകം
കൃത്വാ ദ്വിജാനഭ്യവഹാരയേച്ച৷৷9.42৷৷

തതഃ കൃത്വാ ജപഹ്രാസം സമുപാസീത ശക്തിതഃ.
യുക്താത്മാ നിത്യത്യോഗേന പ്രാഗുക്തവിധിനാര്ചയേത്৷৷9.44৷৷

പലം പലാര്ധം ത്വഥ കര്ഷമര്ധം

തേഷാം തു ഭാഗഃ കഥിതഃ ക്രമേണ.

ഏതൈഃ ശ്രിതേനാഥ ജലേന വാസൌ
സംപൂരണീയഃ കലശോ യഥാവത്৷৷9.46৷৷

അര്കാഭസ്തേജസാസൌ ഭവതി നലിനജാ സംതതം കിംകരീ സ്യാ-

ദ്രോഗാ നശ്യന്തി ദൃഷ്ട്വാ തമഥ ച ധനധാന്യാകുലം തത്സമീപമ്.

ദേവാ നിത്യം നമോസ്മൈ വിദധതി ഫണിനോ നൈവ ദംശന്തി പുത്രാഃ
സംപന്നാഃ സ്യുഃ സപുത്രാസ്തനുവിപദി പരം ധാമ വിഷ്ണോഃ സ ഭൂയാത്৷৷9.48৷৷

ഷഡങ്ഗുലപ്രമാണേന വര്തുലം കര്തുരാലിഖേത്.
ഷഡങ്ഗുലാവകാശേന തദ്ബഹിശ്ച പ്രവര്തയേത്৷৷9.50৷৷

ദ്വിതീയവര്തുലാശ്ിലഷ്ടമീഷച്ഛിലഷ്ടഷഡശ്രകമ്.
പുടിതം മണ്ഡലം വഹ്നേരസ്പൃശന്മധ്യവര്തുലമ്৷৷9.52৷৷

ഏകൈകാന്തരിതാസ്താസ്തു സംബധ്യുരിതരേതരമ്.
ശിഖാഭിരാന്തരാഭിസ്തു ബാഹ്യാബാഹ്യാഭിരാന്തരാഃ৷৷9.54৷৷

അന്തരാഗ്നിശ്രിയോഃ കര്മ സാധകാംശേ സമാലിഖേത്.
ഹരമായാഃ പഞ്ചകൃത്വഃ സ്യുര്ബഹിര്ഗര്ഭവര്തുലമ്৷৷9.56৷৷

വഹ്നേഃ കോണത്രയേ ശ്രീമത്പക്ഷീയേ ത്രിതയം ലിഖേത്.
ശക്തിശ്രീകാമബീജാനാം സദണ്ഡം സാധകാര്ണവത്৷৷9.58৷৷

ബാഹ്യരേഖാമന്തരാ സ്യുര്വര്ണാഃ ക്രമഗതാഃ ശുഭാഃ.
തദ്ബഹിഃ പ്രതിലോമാശ്ച താഃ സ്യുര്ലേഖകപാടവാത്৷৷9.60৷৷

ബഹിഃ ഷോഡശശൂലാങ്കം ശോഭനം വ്യക്തവര്ണവത്.
ഏതദ്യന്ത്രം സമാലിഖ്യ പദ്മമാരചയേത്തതഃ৷৷9.62৷৷

അഭ്യര്ച്യ പീഠം നവശക്തികാന്ത-

മങ്ഗാനി ബീജേഷു ച ഷട്സു ഭൂയഃ.

ഗായത്രിസാവിത്രിസരസ്വതീശ്ച
യജേദഥ ശ്രീരതിപുഷ്ടിസംജ്ഞാഃ৷৷9.64৷৷

രക്താമനങ്ഗകുസുമാം കുസുമാതുരാം ച

നിത്യാമനങ്ഗമദനാം മദനാതുരാം ച.

ഗൌരീം തഥൈവ ഗഗനാം ഗഗനസ്യ രേഖാം
പദ്മാം ഭവപ്രമഥിനീം ശശിശേഖരാം ച৷৷9.66৷৷