ഋഷിര്ഗുരുത്വാച്ഛിരസൈവ ധാര്യ-

ശ്ഛന്ദോക്ഷരത്വാദ്രസനാഗത സ്യാത്.

ധിയാവഗന്തവ്യതയാ സദൈവ
ഹൃദി പ്രദിഷ്ടാ മനുദേവതാ ച৷৷6.2৷৷

ഇച്ഛാദാനാര്ഥകൌ ധാതൂ സ്തശ്ഛദാദ്യശ്ച ദാദികഃ.
തയോരിച്ഛാം ദദാതീതി ഛന്ദോ മന്ത്രാര്ണവാചകമ്৷৷6.4৷৷

ഹൃദയശിരസോഃ ശിഖായാം കവചാക്ഷ്യസ്ത്രേഷു സഹ ചതുര്ഥീഷു.
നത്യാഹുത്യാ ച വഷഡ്ഢും വൌഷട്ഫട്പദൈഃ ഷഡങ്ഗവിധിഃ৷৷6.6৷৷

തുങ്ഗാര്ഥത്വാച്ഛിരഃ സ്വേ സ്വേ വിഷയാഹരണേ ദ്വിഠഃ.
ശിരോമന്ത്രേണ ചോത്തുങ്ഗവിഷയാഹൃതിരീരിതാ৷৷6.8৷৷

കചഗ്രഹണ ഇത്യസ്മാദ്ധാതോഃ കവചസംഭവഃ.
ഹുംതേജസ്തേജസാം ദേഹോ ഗൃഹ്യതേ കവചം തതഃ৷৷6.10৷৷

അസുത്രസാദികൌ ധാതൂ സ്തഃ ക്ഷേപചലനാര്ഥകൌ.
താഭ്യാമനിഷ്ടമാക്ഷിപ്യ ചാലയേത്ഫട്പദാഗ്നിനാ৷৷6.12৷৷

സര്വേഷ്വപി ച മന്ത്രേഷു നേത്രലോപോ വിധീയതേ.
അങ്ഗുലീഷു ക്രമാദങ്ഗൈരങ്ഗുഷ്ഠാദിഷു വിന്യസേത്৷৷6.14৷৷

ദിശോ ദശ ക്രമാദങ്ഗഷട്കം വാ പഞ്ചകം ന്യസേത്.
ജപാരമ്ഭേ മനൂനാം തു സാമാന്യേയം പ്രകല്പനാ৷৷6.16৷৷

ന്യസ്യേച്ച ദക്ഷഭാഗേ സുമനഃപാത്രം തഥാഭിതോ ദീപാന്.
അന്യത്സാധനമഖിലം പുരതോ ഗന്ധാക്ഷതാദികം മന്ത്രീ৷৷6.18৷৷

രക്തം ധര്മം വൃഷതനുമഥാഗ്നൌ ഹരിം ശ്യാമവര്ണം

ജ്ഞാനം രക്ഷോ ദിശി മരുതി പീതം ച വൈരാഗ്യസജ്ഞമ്.

ഭൂതാകാരം ദ്വിരദതനുമൈശ്വര്യമീശേ ച കൃഷ്ണം
നഞ്പൂര്വൈസ്തൈര്യജതു ദിശി ചിത്രാണി ഗാത്രാണി പീഠേ৷৷6.20৷৷

ശ്വേതാ കൃഷ്ണാ രക്താ

പീതാ ശ്യാമാനലോപമാ ശുക്ലാ.

അഞ്ജനജപാസമാനേ
തേജോരൂപാശ്ച ശക്തയഃ പ്രോക്താഃ৷৷6.22৷৷

ത്രിഗുണേന ച തന്തുരൂപഭാജാ

പരിതോസൌ പരിവേഷ്ടിതം യഥാവത്.

ലഘുനാലഘുധൂപിതം ച കൂര്ചോ
പരികുമ്ഭം നിദധാതു താരജാപീ৷৷6.24৷৷

അഥവാ ദശമൂലപുഷ്പദുഗ്ധാ-

ങ്ഘ്രിപചര്മോത്ക്വഥിതൈഃ കഷായതോയൈഃ.

സ്തനജദ്രുമചര്മസാധിതൈര്വാ
സലിലൈഃ സയതധീഃ ശുഭോദകൈര്വാ৷৷6.26৷৷

ത്രിവിധം ഗന്ധാഷ്ടകമപി

ശാക്തേയം വൈഷ്ണവം ച ശൈവമിതി.

ഗന്ധാഷ്ടകേന ശക്തിഃ
സ്യാത്കലശേ മന്ത്രിണാ കൃതേനന്താ৷৷6.28৷৷

ചന്ദനഹ്രീബേരാഗരു-

കുപ്ഠാസൃഗുശീരമാംസിമുരമപരമ്.

ചന്ദനകര്പൂരാഗരു-
ദലരുധിരകുശീതരോഗജലമപരമ്৷৷6.30৷৷

യാഃ പഞ്ചാശത്കലാസ്താരപഞ്ചഭേദസമുത്ഥിതാഃ.
പഞ്ചപഞ്ചകസംഭിന്നാ വിദുസ്താസ്തത്ത്വവേദിനഃ৷৷6.32৷৷

പ്രഥമപ്രകൃതേര്ഹംസഃ പ്രതദ്വിഷ്ണുരനന്തരഃ.
ത്രിയമ്ബകസ്തൃതീയഃ സ്യാച്ചതുര്ഥസ്തത്പദാദികഃ৷৷6.34৷৷

അത്ര യാഃ പഞ്ച സംപ്രോക്താ ഋചസ്താരസ്യ പഞ്ചഭിഃ.
കലാപ്രഭേദൈശ്ച മിഥോ യുജ്യന്തേ താഃ പൃഥക്ക്രമാത്৷৷6.36৷৷

അശ്വത്ഥചൂതപനസ-

സ്തബകൈഃ സുത്രാമവല്ലരീയുക്തൈഃ.

സുരതരുധിയാ പിധായ
കുമ്ഭമുഖം വേഷ്ടയീത വാസോഭ്യാമ്৷৷6.38৷৷

ആസനസ്വാഗതേ സാര്ഘ്യപാദ്യേ സാചമനീയകേ.
മധുപര്കാചമസ്നാനവസനാഭരണാനി ച৷৷6.40৷৷

അര്ഘ്യപാദ്യാചമനകമധുപര്കാചമാന്യപി.
ഗന്ധാദയോ നിവേദ്യാന്താ ഉപചാരാ ദശ ക്രമാത്৷৷6.42৷৷

ഗന്ധപുഷ്പാക്ഷതയവകുശാഗ്രതിലസര്ഷപാഃ.
ദൂര്വാ ചേതി ക്രമാദര്ഘ്യദ്രവ്യാഷ്ടകമുദീരിതമ്৷৷6.44৷৷

മധുപര്കം ച സക്ഷൌദ്രം ദധി പ്രോക്തം മനീഷിഭിഃ.
ശുദ്ധാഭിരദ്ഭിര്വിഹിതം പുനരാചമനീയകമ്৷৷6.46৷৷

തുലസ്യൌ പങ്കജേ ജാത്യൌ കേതക്യൌ കരവീരകൌ.
ശസ്താനി ദശ പുഷ്പാണി തഥാ രക്തോത്പലാനി ച৷৷6.48৷৷

പലാശപാടലീപാര്ഥപാരന്ത്യാവര്തകാനി ച.
ചമ്പകാനി സനാഗാനി രക്തമന്ദാരകാനി ച৷৷6.50৷৷

മുകുലൈഃ പതിതൈര്മ്ലാനൈര്ജീര്ണൈര്വാ ജന്തുദൂഷിതൈഃ.
ആഘ്രാതൈരങ്ഗസംസ്പൃഷ്ടൈരുഷിതൈശ്ചാപി നാര്ചയേത്৷৷6.52৷৷

ഗോസര്പിഷാ വാ തൈലേന വര്ത്യാ ച ലഘുഗര്ഭയാ.
ദീപിതം സുരഭിം ശുദ്ധം ദീപമുച്ചൈഃ പ്രദാപയേത്৷৷6.54৷৷

വര്ണൈര്മനുപ്രപുടിതൈഃ ക്രമശഃ ശതാര്ധൈ-

ര്ന്യാസക്രമാദഭിയജേത്സകലാസു മന്ത്രീ.

ഗന്ധാദിഭിഃ പ്രഥമതോ മനുദേവതാസു
ത്രൈലോക്യമോഹനമിതി പ്രഥിതഃ പ്രയോഗഃ৷৷6.56৷৷

ഹാരസ്ഫടികകലായാ-

ഞ്ജനപിങ്ഗലവഹ്നിരോചിഷോ ലലനാഃ.

അഭയവരോദ്യതഹസ്താഃ
പ്രധാനതനവോങ്ഗദേവതാഃ കഥിതാഃ৷৷6.58৷৷

ഇന്ദ്രാഗ്നിയമനിശാചര-

വരുണാനിലശശിശിവാഹിപതിവിധയഃ.

ജാത്യധിപഹേതിവാഹന-
പരിവാരാന്താഃ ക്രമേണ യഷ്ടവ്യാഃ৷৷6.60৷৷

വജ്രഃ സശക്തിദണ്ഡഃ

ഖങ്ഗഃ പാശാങ്കുശൌ ഗദാശൂലേ.

രഥചരണനലിനസംജ്ഞേ
പ്രോക്താന്യസ്ത്രാണി ലോകപാലാനാമ്৷৷6.62৷৷

കൃതേ നിവേദ്യേ ച തതോ മണ്ഡലം പരിതഃ ക്രമാത്.
മങ്ഗലാങ്കുരപത്രാണി സ്ഥാപനീയാനി മന്ത്രിണാ৷৷6.64৷৷

അഥവാ ഷട്കോണാവൃത-

ത്രികോണകേ ഗുരുജനോപദേശേന.

പ്രാണാഗ്നിഹോത്രവിധിനാ-
പ്യാവസഥീയാഹ്വയേനലസ്ഥാനേ৷৷6.66৷৷

ചിത്പിങ്ഗലപദമുക്ത്വാ

ഹനദഹപചയുഗ്മകാനി സര്വജ്ഞമ്.

ആജ്ഞാപയാഗ്നിജായേ
പ്രഭാഷ്യ മനുനാനലം ജ്വലയേത്৷৷6.68৷৷

അനേന ജ്വലിതം മന്ത്രേണോപതിഷ്ഠേദ്ധുതാശനമ്.
തതഃ പ്രവിന്യസേദ്ദേഹേ ജിഹ്വാമന്ത്രൈര്വിഭാവസോഃ৷৷6.70৷৷

ഹിരണ്യാ ഗഗനാ രക്താ കൃഷ്ണാ ചൈവ തു സുപ്രഭാ.
ബഹുരൂപാതിരക്താ ച ജിഹ്വാഃ സപ്തേതി സാത്ത്വികാഃ৷৷6.72৷৷

രാജസ്യഃ കഥിതാ ഹ്യേതാഃ ക്രമാത്കല്യാണരേതസഃ.
വിശ്വമൂര്തിസ്ഫുലിങ്ഗിന്യൌ ധൂമ്രവര്ണാ മനോജവാ৷৷6.74৷৷

സാത്ത്വിക്യോ ദിവ്യപൂജാസു രാജസ്യഃ കാമ്യകര്മസു.
താമസ്യഃ ക്രൂരകാര്യേഷു പ്രയോക്തവ്യാ വിപശ്ചിതാ৷৷6.76৷৷

ജിഹ്വാസു ത്രിദശാദീനാം തത്തത്കാര്യസമാപ്തയേ.
ജുഹുയാദ്വാഞ്ഛിതാം സിദ്ധിം ദദ്യുസ്താ ദേവതാമയാഃ৷৷6.78৷৷

സഹസ്രാര്ചിഃ സ്വസ്തിപൂര്ണ ഉത്തിഷ്ഠപുരുഷസ്തഥാ.
ധൂമവ്യാപീ സപ്തജിഹ്വോ ധനുര്ധര ഇതീരിതാഃ৷৷6.80৷৷

പ്രാദക്ഷിണ്യേന വിന്യസ്യേദ്യഥാവദ്ദേശികോത്തമഃ.
ജാതവേദാഃ സപ്തജിഹ്വോ ഹവ്യവാഹന ഏവ ച৷৷6.82৷৷

സ്യുരഷ്ടമൂര്തയോ വഹ്നേരഗ്നയേ പദപൂര്വികാഃ.
പ്രണവാദിനമോന്താശ്ച പുനര്ദര്ഭചതുഷ്ടയൈഃ৷৷6.84৷৷

അങ്ഗമന്ത്രൈസ്തതോ ബാഹ്യേ അഷ്ടാഭിര്മൂര്തിഭിഃ ക്രമാത്.
തതോഗ്നിമനുനാനേന മന്ത്രീ മധ്യേ ച സംയജേത്৷৷6.86৷৷.

ത്രിണയനമരുണപ്താബദ്ധമൌലിം സുശുക്ലാം-

ശുകമരുണമനേകാകല്പമമ്ഭോജസംസ്ഥമ്.

അഭിമതവരശക്തിസ്വസ്തികാഭീതിഹസ്തം
നമത കനകമാലാലംകൃതാംസം കൃശാനുമ്৷৷6.88৷৷

സംസ്കൃതേന ഘൃതേനാഭിദ്യോതനോദ്യോതിതേന ച.
വ്യാഹൃത്യനന്തരം തേന ജുഹുയാന്മനുനാ ത്രിശഃ৷৷6.90৷৷

ജിഹ്വാങ്ഗമൂര്തിമനുഭിരേകാവൃത്യാ ഹുനേത്തഥാ.
ജിഹ്വായാം മധ്യസംസ്ഥായാം മന്ത്രീ ജ്വാലാവലീ തനൌ৷৷6.92৷৷

ജുഹുയാച്ച ചതുര്വാരം സമസ്തേനൈവ തേന തു.
ആജ്യേന സംധ്യമനുനാ പഞ്ചവിംശതിസംഖ്യകമ്৷৷6.94৷৷

പുനഃ സാധ്യേന മനുനാ ഹുനേദഷ്ടസഹസ്രകമ്.
അഥവാഷ്ടശതം സര്പിഃ സംയുക്തേന പയോന്ധസാ৷৷6.96৷৷

ഭൂര്ഭുവഃസ്വര്ഭൂര്ഭുവസ്വഃപൂര്വം സ്വാഹാന്തമേവ ച.
അഗ്നയേ ച പൃഥിവ്യൈ ച മഹതേ ച സമന്വിതമ്৷৷6.98৷৷

ചന്ദ്രമസേ ച ദിഗ്ഭ്യശ്ച മഹതേ ച സമന്വിതമ്.
മഹാവ്യാഹൃതയസ്ത്വേതാഃ സര്വശോ ദേവതാമയാഃ৷৷6.100৷৷

ഇതഃ പൂര്വം പ്രാണബുദ്ധിദേഹധര്മാദികാരതഃ.
ജാഗ്രത്സ്വപ്നസുഷുപ്തീനാമന്തേവസ്ഥാസ്വിതീരയേത്৷৷6.102৷৷

ശിശ്നാ ച യത്കൃതം പ്രോക്ത്വാ യദുക്തം യത്സ്മൃതം തഥാ.
തത്സര്വമിതി സംഭാഷ്യ ബ്രഹ്മാര്പണപദം വദേത്৷৷6.104৷৷

നക്ഷത്രാണാം സരാശീനാം സവാരാണാം യഥാക്രമമ്.
ദദ്യാദ്ബലിം ഗന്ധപുഷ്പധൂപപൂര്വകമാദരാത്৷৷6.106৷৷

ദേവതാഭ്യഃ പദം പ്രോക്ത്വാ ദിവാനക്തപദം തഥാ.
ചാരിഭ്യശ്ചാഥ സര്വേഭ്യോ ഭൂതേഭ്യശ്ച നമോ വദേത്৷৷6.108৷৷

സപ്താനാം കരണാനാം ച ദദ്യാന്മീനാഹ്വമേഷയോഃ.
അന്തരാലേ ബലിസ്ത്വേവം സംപ്രോക്തഃ കലശാത്മകഃ৷৷6.110৷৷

ദോര്ഭ്യാം പദാഭ്യാം ജാനുഭ്യാമുരസാ ശിരസാ ദൃശാ.
വചസാ മനസാ ചേതി പ്രണാമോഷ്ടാങ്ഗ ഈരിതഃ৷৷6.112৷৷

ഗുര്വാദ്യാസ്താരാദികാ യാഗമന്ത്രാ

ലോകേശാന്താസ്തേ ചതുര്ഥീനമോന്താഃ.

പൂജായാമപ്യഗ്നികാര്യേ ദ്വിഠാന്താ
ബീജൈഃ പൂജാ സ്യാദ്വിഭക്ത്യാ വിയുക്തൈഃ৷৷6.114৷৷

നത്ത്വാ തതസ്തനുഭൃതേ പരമാത്മനേ സ്വം

ദ്രവ്യാര്ധമേവ ഗുരവേ ചതുരംശകം വാ.

ദത്ത്വാ ദശാംശമഥവാപി ച വിത്തശാഠ്യം
ഹിത്വാര്പയേന്നിജതനും തദധീനചേതാഃ৷৷6.116৷৷

യഥാ പുരാ പൂരിതമക്ഷരൈര്ഘടൈഃ

സുധാമയൈഃ ശിഷ്യതനൌ തഥൈവ തൈഃ.

പ്രപൂരയന്മന്ത്രിവരോഭിഷേചയേ-
ദവാപ്തയേ മങ്ക്ഷു യഥേഷ്ടസംപദാമ്৷৷6.118৷৷

ഗുരുണാ സമനുഗൃഹീതം

മന്ത്രം സദ്യോ ജപേച്ഛതാവൃത്ത്യാ.

ഗുരുദേവതാമനൂനാ-
മൈക്യം സംഭാവയന്ധിയാ ശിഷ്യഃ৷৷6.120৷৷

സംക്ഷേപാദിതി ഗദിതാ ഹിതായ ദീക്ഷാ

ജപ്തൃാം പ്രവരഫലപ്രദാ ചിരായ.

പ്രാപ്യൈനാം ജപവിധിരാദരേണ കാര്യോ
വിദ്വദ്ഭിഃ സഹുതവിധിം നിജേഷ്ടസിദ്ധ്യൈ৷৷6.122৷৷