പ്രാണാത്മകം ഹകാരാഖ്യം ബീജം തേന തദുദ്ഭവാഃ.
ഷഡൂര്മയഃ സ്യൂ രേഫോത്ഥാ ഗുണാശ്ചത്വാര ഏവ ച৷৷4.2৷৷

ഈകാരസ്യ ഗുണാഃ പ്രോക്താഃ ഷഡിതി ക്രമതോ ബുധൈഃ.
ഊകാരാന്താസ്ത്വകാരാദ്യാഃ ഷഡ്വര്ണാഃ ഷഡഭ്യ ഏവ തു৷৷4.4৷৷

ഏകാരാദിവിസര്ഗാന്തം വര്ണാനാം ഷട്കമുദ്ഗതമ്.
ഈകാരസ്യ ഷഡങ്ഗേഭ്യ ഇതീദം ഷോഡശാംശവത്৷৷4.6৷৷

ഗതോ വോ ബീജതാമേഷ പ്രാണിഷ്വേവ വ്യവസ്ഥിതഃ.
ബ്രഹ്മാണ്ഡം ഗ്രസ്തമേതേന വ്യാപ്തസ്ഥാവരജങ്ഗമമ്৷৷4.8৷৷

രേഫോ മായാബീജമിതി ത്രിധാ സമഭിധീയതേ.
ശക്തിഃ ശ്രീഃ സംനതിഃ കാന്തിര്ലക്ഷ്മീര്മേധാ സരസ്വതീ৷৷4.10৷৷

താമേനാം കുണ്ഡലീത്യേതേ സന്തോ ഹൃദയഗാം വിദുഃ.
സാ രൌതി സതത ദേവീ ഭൃങ്ഗീ സംഗീതകധ്വനിഃ৷৷4.12৷৷

ചരാചരസ്യ ജഗതോ ബീജത്വാന്മൂലമേവ തത്.
മൂലസ്യ ബിന്ദുയോഗേന ശതാനന്ദ ത്വദുദ്ഭവഃ৷৷4.14৷৷

ഹരത്വമസ്യ തേനൈവ സര്വാത്മത്വം മമാപി ച.
അസ്യ ബിന്ദോഃ സമുദ്ഭൂത്യാ തദന്തോ ഹം സ ഉച്യതേ৷৷4.16৷৷

ബിന്ദുര്ദക്ഷിണഭാഗസ്തു വാമഭാഗോ വിസര്ഗകഃ.
തേന ദക്ഷിണവാമാഖ്യൌ ഭാനൌ പുംസ്ത്രീവിശേഷിതൌ৷৷4.18৷৷

പുംരൂപം സാ വിദിത്വാ സ്വം സോഹംഭാവമുപാഗതാ.
സ ഏഷ പരമാത്മാഖ്യോ മനുരസ്യ മഹാമനോഃ৷৷4.20৷৷

താരാദ്വിഭക്താച്ചരമാംശതഃ സ്യു-

ര്ഭൂതാനി ഖാദീന്യഥ മധ്യമാംശാത്.

ഇനാദിതേജാംസി ച പൂര്വഭാഗാ-
ച്ഛബ്ദാഃ സമസ്താഃ പ്രഭവന്തി ലോകേ৷৷4.22৷৷

തദ്വര്ണഭിന്നാ ഗായത്രീ ഗായകത്രാണനാദ്ഭവേത്.
സപ്തഗ്രഹാത്മികാ പ്രോക്താ യദേയം സപ്തഭേദിനീ৷৷4.24৷৷

തവര്ഗോത്ഥഃ സുരഗുരുഃ പവര്ഗോത്ഥഃ ശനൈശ്ചരഃ.
യവര്ഗജോയം ശീതാംശുരിതി സപ്തഗുണാ ത്വിയമ്৷৷4.26৷৷

ഇതി സംലീനസൂര്യാംശേ വര്ഗഷട്കേ തു ഷഡ്ഗുണാഃ.
ഹൃല്ലേഖേയം തഥാ യന്ത്രം സ്മര്യതേ സ്മൃതികോവിദൈഃ৷৷4.28৷৷

അസ്യാസ്തു രജസാ ചൈവ തമസാ ച ദിവാനിശമ്(?).
സത്ത്വാവഷ്ടബ്ധബിന്ദ്വാത്മാ മേരും ചരതി ഭാസ്കരഃ৷৷4.30৷৷

ഋക്ഷരാശ്യാദിയുതയാ ചക്രഗത്യാ ജഗത്സ്ഥിതിഃ.
വക്ഷ്യാമി ചക്രരൂപം ച പ്രബന്ധം രാശിഭിര്യഥാ৷৷4.32৷৷

ആദ്യൈര്മേഷാഹ്വയോ രാശിരീകാരാന്തൈഃ പ്രജായതേ.
ഋകാരാന്തൈരുകാരാദ്യൈര്വൃഷോ യുഗ്മം തതസ്ത്രിഭിഃ৷৷4.34৷৷

ഷഡ്ഭ്യഃ കചടതേഭ്യശ്ച പയാഭ്യാം ച പ്രജജ്ഞിരേ.
വണിഗാദ്യാസ്തു മീനാന്താ രാശയഃ ശക്തിജൃമ്ഭണാത്৷৷4.36৷৷

പാദാധികാ മകരയുക്ിംസഹവൃശ്ചികസംജ്ഞകാഃ.
പാദോനൌ കുമ്ഭവൃഷഭൌ വണിക്കന്യേ ച പഞ്ചകേ৷৷4.38৷৷

വണിങ്മകരമേഷാഹ്വകുലീരാ രക്തരോചിഷഃ.
ചരാവശിഷ്ടാശ്ചത്വാരഃ സ്ഥിരാഃ ശ്വേതാഃ പൃഥങ്മതാഃ৷৷4.40৷৷

അങ്ഗാരാവജവൃശ്ചികൌ വൃഷതുലേ ശുക്രസ്യ യുക്കന്യകേ

ബൌധേ കര്കടകാഹ്വയോ ഹിമരുചഃ സിംഹസ്തഥാ ഗോപതേഃ.

ചാപാബ്ജാവപി ധൈഷണൌ മകരകുമ്ഭാഖ്യൌ ച മാന്ദൌ ഗ്രഹാഃ
പ്രോക്താ രാശ്യധിപാ ബലൌ ച കലശേ സോയം ക്രമോ ദര്ശിതഃ৷৷4.42৷৷

തതസ്തദൂര്ധ്വഭാഗസ്ഥോ ഭുവശ്ചക്രഃ സമസ്തഥാ.
സ തു സിംഹാദികോ യസ്മിന്പൈതൃകീ നിയതാ ഗതിഃ৷৷4.44৷৷

ധനുസ്തു ദേവലഗ്നത്വാത്സമാസാല്ലഗ്നമുച്യതേ.
വേധ്യാ ധനുര്മേഷസിംഹമകരര്ഷഭകന്യകാഃ৷৷4.46৷৷

മൂലാശ്ിവനീമഘജ്യേഷ്ഠാരേവത്യാശ്ലേഷകാസ്തഥാ.
യാമ്യപൂര്വാനുപൂര്വാഹിര്ബുധ്നിപുഷ്യാനുരാധകാഃ৷৷4.48৷৷

ചരസ്ഥിരോഭയാത്മാനശ്ചാതുര്വര്ണ്യഗുണാത്മകാഃ.
രാശിം രാശ്യധിപാസ്ത്വേവം ബുധ്യുര്വേധവിധാനതഃ৷৷4.50৷৷

ആഭ്യാമശ്വയുഗേര്ജാതാ ഭരണീ കൃത്തികാ പുനഃ.
ലിപിത്രയാദ്രോഹിണീ ച തത്പരസ്താച്ചതുഷ്ടയാത്৷৷4.52৷৷

കതസ്തിഷ്യസ്തഥാശ്ലേഷാ ഖഗയോര്ഘങയോര്മഘാഃ.
ചതഃ പൂര്വാഥ ഛജയോരുത്തരാ ഝഞയോസ്തഥാ৷৷4.54৷৷

ജ്യേഷ്ഠാ ധകാരാന്മൂലാഖ്യോ നപഫേഭ്യോ ബതസ്തഥാ.
പൂര്വാഷാഢാ ഭൂതോന്യാ ച സംജാതാ ശ്രവണോ മതഃ৷৷4.56৷৷

താഭ്യാമമോഭ്യാം ലാര്ണോയം യദാ വൈ സഹ വത്സ്യതേ.
തദേന്ദുസൂര്യയോര്യോഗാദമാവാസ്യാ പ്രതീയതേ৷৷4.58৷৷

സ പുനഃ ഷസഹൈഃ സാര്ധം പരപ്രോഷ്ഠപദം ഗതഃ.
കാരസ്കരാഖ്യാമലകോദുംബരോ ജമ്ബുസംജ്ഞകഃ৷৷4.60৷৷

വകുലഃ ശബരഃ സര്ജോ വഞ്ജുലഃ പനസാര്കകൌ.
ശമീകദമ്ബനിമ്ബാമ്രൌ മധൂകാന്താ ദിനാങ്ഘ്രിപാഃ৷৷4.62.

തിഥിനക്ഷത്രവാരേഷു സ്വേഷു മന്ത്രജപോ വരഃ.
തസ്മാദേഷാം ദിനാദീനാം വക്ഷ്യന്തേ ദേവതാ അപി৷৷4.64৷৷

അശ്വേഭാജഭുജങ്ഗസര്പസരമാ മാര്ജാരകാജാ ബിലീ

മൂഷാ മൂഷികരുദ്രയാനമഹിഷീ വ്യാഘ്രോ യമാരോഹണമ്.

വ്യാഘ്ര്യൈണീ ഹരിണീ ശ്വവാനരപശുഃ ശാഖാമൃഗീ സ്ത്രീ ഹയോ
മര്ത്യോ ഗൌഃ കരിണീതി സാധു കഥിതാ നക്ഷത്രയോന്യഃ ക്രമാത്৷৷4.66৷৷

തേന ത്രിംശത്തിഥയോ

ദ്വാദശധാ വര്ണതോ ഭിന്നാഃ.

താ ഏവ സ്യുര്ദ്വിവിധാഃ
പുനരപി പൂര്വാന്ത്യപക്ഷഭേദേന৷৷4.68৷৷

സംജ്ഞാസാമ്യേ സത്യപി

സൌമ്യാത്തു ഹ്രാസവൃദ്ധിതസ്തിഥയഃ.

ന സമാഃ പക്ഷദ്വിതയേ
ത്രിംശദ്ഭേദാസ്തഥാ ഹി സംപ്രോക്താഃ৷৷4.70৷৷

രാശിഭ്യഃ സദിനേഭ്യഃ സ-

തിഥിഭ്യഃ ശക്തിജൃമ്ഭണസമുത്ഥാനാത്.

അക്ഷരഭേദവികാരാ-
ത്കരണാന്യപി സപ്തഭേദകാന്യഭവന്৷৷4.72৷৷

ഏവം സംഗ്രഹരാശിക

ദിനതിഥികരണപ്രഭേദകാഃ കഥിതാഃ.

അസ്മാത്പഞ്ചവിഭേദാ-
ദ്വിജ്ഞേയാ പഞ്ചവര്ണനിഷ്പത്തിഃ৷৷4.74৷৷

സചരാചരസ്യ ജഗതോ
മൂലത്വാന്മൂലതാസ്യ ബീജസ്യ৷৷4.76৷৷