ന ചാപുത്രസ്യ ലോകോസ്തി പിതരോധഃ പതന്തി ച.
തസ്മാത്തു സകലോപായൈര്യതേതാപത്യസിദ്ധയേ৷৷33.2৷৷

അര്ഥിഭ്യോര്ഥമദാതൃാം വിദ്യമാനേര്ഥസംചയേ.
അദത്ത്വൈവാതിഥിഭ്യോന്നം ഭോക്തൃാം പാപചേതസാമ്৷৷33.4৷৷

ഇത്യാദിദോഷദുഷ്ടാനാം പാപാനാം ഗൃഹമേധിനാമ്.
ദുഷ്പ്രതിഗ്രഹദോഷാദ്വാ ജായതേ ത്വനപത്യതാ৷৷33.6৷৷

പുത്രാപ്തയേ ഗൃഹസ്ഥോ

ദീക്ഷാവിധിനാ ചതുര്ദശീരാത്രിമ്.

സഹ പത്ന്യാ ഗമയിത്വാ
കൃത്വാ പൌര്വാഹ്ണികീഃ ക്രിയാഃ സര്വാഃ৷৷33.8৷৷

തതോഗ്നിമാധായ ചരും ച കൃത്വാ

സംകല്പ്യ തദ്ദക്ഷിണമുത്തരം ച.

ഭാഗം ക്രമാത്പൈതൃകദൈവികം ത-
ത്പിത്ര്യം തു പൂര്വം ജുഹുയാത്ക്രമേണ৷৷33.10৷৷

വ്യാഹൃതീഭിരഥ പക്വഹോമതഃ

സര്വതഃ പ്രതിജുഹോതു സര്പിഷാ.

മാതൃവര്ഗഗുരുതത്പിതൃദ്വയം
പൂര്വവത്സമവദിഷ്യ സാധകഃ৷৷33.12৷৷

പക്വാഹുതീനാമപി വര്ണസംഖ്യം

ചതുര്ഗുണം ചാപി ഘൃതാഹുതീനാമ്.

ഹുത്വാവദാനദ്വിതയം ച പുംസ്ത്രീ-
ഭേദപ്രഭിന്നം ഹവിഷാ കരോതു৷৷33.14৷৷

പുരുഷഃ പുരുഷാത്മകം പ്രകൃത്യാ-

ത്മകമന്യാഥ സമാഹിതോപയുജ്യ.

അവദാനയുഗം ക്രമാന്മനസ്വീ
പുനരാചമ്യ സമര്ചയേദ്ധുതാശമ്৷৷33.16৷৷

ഏകഹ്രാസാദന്യമബ്ദം ദ്വിജാതീ-

ന്സംഭോജ്യാന്യം പൂരയേദേകവൃദ്ധ്യാ.

സംപൂര്യമാണാദേവമേവ ത്രികാബ്ദാ-
ദര്വാക്പുത്രോ ജായതേ ദൈവശക്ത്യാ৷৷33.18৷৷

സമുനിസുരപിതൃഭ്യോ ബ്രഹ്മചര്യേണ യജ്ഞൈ-

സ്ത്രിവിധമൃണമപത്യൈശ്ചൈവ സംമോചയേദ്യഃ.

ശ്രുതിവചനകൃദസ്മിന്വാപി ലോകേ പരസ്മി-
ന്നിതി സ തു ഗൃഹമേധീ പൂജ്യതേ സാധുലോകൈഃ৷৷33.20৷৷

അഥോ ഹിതായ ജഗതാം പ്രഥിതം ശിതചേതസാമ്.
അദ്യ സംക്ഷിപ്യ വക്ഷ്യാമി ലക്ഷണം ഗുരുശിഷ്യയോഃ৷৷33.22৷৷

അഗ്രഗണ്യഃ സമഗ്രജ്ഞോ നിഗ്രഹാനുഗ്രഹക്ഷമഃ.
ഷഡ്വര്ഗവിജയവ്യഗ്രോനുഗ്രോ വിഗതവിഗ്രഹഃ৷৷33.24৷৷

ഇഷ്ടദോനിഷ്ടസംഹര്താ ദൃഷ്ടാദൃഷ്ടസുഖാവഹഃ.
രതോവിരതമര്ചാസു പരം പുരമുരദ്വിഷോഃ৷৷33.26৷৷

ഊഹാപോഹവിദവ്യഗ്രോ ലോഭമോഹവിവര്ജിതഃ.
അജ്ഞാനുകമ്പ്യവിജ്ഞാതജ്ഞാനോ ജ്ഞാതപരേങ്ഗിതഃ৷৷33.28৷৷

വ്യാധിരപ്രാപിതവ്യാധിഃ സമാധിവിധിസംയുതഃ.
ശ്രുതിധീരോതിധീരശ്ച വീരോ വാക്യവിശാരദഃ৷৷33.30৷৷

അസൌ മൃഗ്യശ്ച ദൃശ്യശ്ച സേവ്യശ്ചാഭീഷ്ടമിച്ഛതാ.
ശിഷ്യസ്തദാവര്ജനകൃദ്ദേഹേന ദ്രവിണേന ച৷৷33.32৷৷

നിത്യശഃ കായവാക്ചിത്തൈസ്ത്രിദ്വ്യേകാബ്ദാദികാവധി.
പരിചര്യാപരഃ ശിഷ്യഃ സ്യാത്സുസംയതമാനസഃ৷৷33.34৷৷

അസ്തേയവൃത്തിമാസ്തിക്യയുക്തം മുക്തികൃതോദ്യമമ്.
അകല്മഷം മൃഷാഹീനമഹീനദ്രവ്യമാനസമ്৷৷33.36৷৷

അധീതവേദം സ്വാധീനമനാധിം വ്യാധിവര്ജിതമ്.
തരുണം കരുണാവാസം പരിതോഷകരം ഗുരോഃ৷৷33.38৷৷

പരോപകാരനിരതം വിരതം പരദൂഷണേ.
മാതൃവദ്ഗുരുപത്നീം ച ഭ്രാതൃവത്തത്സുതാനപി৷৷33.40৷৷

അലസം മലസംക്ലിന്നം ക്ലിഷ്ടം ക്ലിഷ്ടാന്വവായജമ്.
ദമ്ഭാന്വിതമഗമ്ഭീരം ചണ്ഡം പണ്ഡിതമാനിനമ്৷৷33.42৷৷

നൃശംസമന്ധം ബധിരം പങ്ഗും വ്യങ്ഗമമങ്ഗലമ്.
അതിദീര്ഘമതിഹ്രസ്വമതിസ്ഥൂലകൃശാത്മകമ്৷৷33.44৷৷

ലുബ്ധം ത്വലബ്ധവൈദഗ്ധ്യം സ്തബ്ധം ലുബ്ധകബാന്ധവമ്.
സുഖിനം മുഖരം ദുര്ഗം ദുര്മുഖം മൂകമാനസമ്৷৷33.46৷৷

സ്വാര്ഥകൃത്യം പ്രസക്താര്ഥം നിരര്ഥാരമ്ഭണം ശഠമ്.
ഈദൃഗ്വിധം ഗുരുഃ ശിഷ്യം ന ഗൃഹ്ണീയാത്കഥംചന৷৷33.48৷৷

തഥാ ശിഷ്യകൃതോ ദോഷോ ഗുരുമേതി ന സംശയഃ.
സ്നേഹാദ്വാ ലോഭതോ വാപി യോ ന ഗൃഹ്ണാതി ദീക്ഷയാ৷৷33.50৷৷

ഛായാജ്ഞാപാദുകോപാനദ്ദണ്ഡാംശ്ച ശയനാസനേ.
യാനം മനോഗതം ചാന്യദന്തേവാസീ ന ലങ്ഘയേത്৷৷33.52৷৷

അഗ്രാമ്യധര്മം വിണ്മൂത്രസര്ഗനിഷ്ഠീവനാദികമ്.
പരിത്യജേത്പരിജ്ഞാതാ വമിം ച ഗുരുമന്ദിരേ৷৷33.54৷৷

ഇഷ്ടം വാനിഷ്ടമാദിഷ്ടം ഗുരുണാ യത്തു ഗുര്വപി.
ത്വരയാ പരയാ കുര്യാദ്ധിയാ സമ്യഗജിഹ്മയാ৷৷33.56৷৷

ലോകോദ്വേഗകരീ യാ ച യാ ച കര്മനികൃന്തനീ.
സ്ഥിത്യുച്ഛേദകരീ യാ ച താം ഗിരം നൈവ ഭാഷയേത്৷৷33.58৷৷

ഇത്യാചാരപരഃ സമ്യഗാചാര്യം യഃ സമര്ചയേത്.
കൃതകൃത്യഃ സ വൈ ശിഷ്യഃ പരത്രേഹ ച നന്ദതി৷৷33.60৷৷

ഇത്ഥം മൂലപ്രകൃത്യക്ഷരവികൃതിലിപിവ്രാതജാതഗ്രഹര്ക്ഷ-

ക്ഷേത്രാദ്യാബദ്ധഭൂതേന്ദ്രിയഗുണരവിചന്ദ്രാഗ്നിസംപ്രോതരൂപൈഃ.

മന്ത്രൈസ്തദ്ദേവതാഭിര്മുനിഭിരപി ജപധ്യാനഹോമാര്ചനാഭി-
സ്തന്ത്രേസ്മിന്യന്ത്രഭേദൈരപി കമലജ തേ ദര്ശിതോയം പ്രപഞ്ചഃ৷৷33.62৷৷