ത്രിഗുണിതസംജ്ഞേ മായാ-

ലംകൃതകോണേ തയാഭിവീതേ ച.

യാ യാ വിശേഷക്ലൃപ്തി-
സ്താം താമപി സംഗ്രഹേണ സമഭിദധേ৷৷32.2৷৷

പൂര്ണസുഷുമ്നാരന്ധ്രാം

സാധ്യതനും സംസ്മരഞ്ശിരസി ബധ്യാത്.

തേനാരോഗീ പുരുഷഃ
പ്രജ്ഞാവാന്ദീര്ഘമായുരാപ്നോതി৷৷32.4৷৷

തദ്യന്ത്രയുഗം വിലിഖേ-

ദഭിവിലിഖിതസാധ്യസാധകാഖ്യയുതമ്.

സാധ്യമധസ്താത്കൃത്വാ
ബദ്ധ്വാത്ര സ്വപതു സാധകോ നിത്യമ്৷৷32.6৷৷

സാധ്യാഖ്യാം ശക്തിവഹ്നൌ നരഹരിമപി രന്ധ്രത്രയേ ച ത്രിശക്തൌ

കര്മാലിഖ്യാഥ ലോഷ്ടേ സതതഗമപി സംസ്ഥാപ്യ ജപ്ത്വാ സ്വശക്ത്യാ.

ആഗാരേ സ്ഥാപയിത്വാ നരമുദകനിധേശ്ചിത്രപത്രേ ലിഖിത്വാ
ദീപാഗ്നൌ താപയിത്വാ സ്ത്രിയമമലധിയഃ സമ്യഗാകര്ഷയേയുഃ৷৷32.8৷৷

പാശാഷ്ടാക്ഷരവീതശക്തി ദഹനപ്രോല്ലാസിസാധ്യാഹ്വയം

ശക്തിശ്രീസ്മരസംവൃതം കുയുഗരന്ധ്രാബദ്ധചിന്താമണി.

ഇത്ഥം ഷഡ്ഗുണിതം വിലിഖ്യ ജപിതം മന്ത്രീ ദധാനോസകൃ-
ദ്രാജ്ഞാം വാമദൃശാം പ്രിയോ ഭവതി സംഗ്രാമേ പുരേ വാ ചിരമ്৷৷32.10৷৷

ദ്വാദശഗുണിതേ ശൂലേ

നൃസിംഹബീജം നരേന്ദ്രപുരവീതമ്.

പീതാലിപ്തം പുരലഘു-
ധൂപിതമന്തഃപ്രബദ്ധകര്മയുതമ്৷৷32.12৷৷

അലദലനിശാകുശീതൈ-

ര്മസൃണേ പട്ടേ വിലിഖ്യ യന്ത്രമിദമ്.

ധേരസ്ഥാപനകര്മ
പ്രതിജപ്തം പ്രാങ്ഗണേ ഖനേന്മന്ത്രീ৷৷32.14৷৷

തദ്വദ്ധടാര്ഗലാഖ്യം

യന്ത്രം നീലേ വിലിഖ്യ പട്ടവരേ.

മേചകസാധ്യപ്രതികൃതി-
ഹൃദയേ ഗുലികാം വിധായ നിക്ഷിപ്യ৷৷32.16৷৷

താമേവാഥ പ്രതികൃതി-

മഗ്നൌ കിംചിത്പ്രതാപയേത്പ്രജപന്.

ശക്തിം പാശാങ്കുശമനു-
സാധ്യാഹ്വയദര്ഭിതാം സമാഹിതധീഃ৷৷32.18৷৷

യന്ത്രം തദേവ ലാക്ഷാ-

താമ്രാവീതം നിധായ കലശജലേ.

ജപ്ത്വാ ഭാനുസഹസ്രക-
മഭിഷിഞ്ചേദ്രജതകാഞ്ചനാഭ്യാം ച৷৷32.20৷৷

യന്ത്രം തദേവ വിധിവ-

ദ്ഭിത്താവാലിഖ്യ പൂജയേദ്ദിനശഃ.

ചോരാരിഭൂതനാഗാ
അപി തം ദേശം ന വീക്ഷിതും ശക്താഃ৷৷32.22৷৷

മദജലവിലിഖിതമേത-

ദ്യന്ത്രം ജപ്തം ച മസ്തകേ ന്യസ്തമ്.

കരിണീമപി മദയേദ്ദ്രാ-
ക്ചണ്ഡതരേ കാ കഥാ കരേണുവരേ৷৷32.24৷৷

ഗജമൃഗമദകാശ്മീരൈ-

ര്മന്ത്രിതമഃ സുരഭിരോചനായുക്തൈഃ.

വിലിഖേദലക്തകരസാ-
ലുലിതൈര്യന്ത്രാണി സകലകാര്യാര്ഥീ৷৷32.26৷৷

ഹൃല്ലേഖാഗ്നിസ്ഥസാധ്യാഹ്വയമപി ബഹിരാംക്രോംവൃതം വഹ്നിഗേഹ-

ദ്വന്ദ്വാശ്രിസ്വസ്തികാഢ്യം പ്രതിലിഖതു ദലേ യന്ത്രജം നാഗവല്ല്യാഃ.

ജപ്ത്വാ ശക്തിം തു പാശാങ്കുശലിപിസഹിതാം താപയേദ്ദീപവഹ്നൌ
നക്തം ഭക്ത്യാനതാങ്ഗീ സ്മരശരവിവശാ പ്രേമലോലാഭിയാതി৷৷32.28৷৷

ശക്ത്യന്തഃസ്ഥിതസാധ്യനാമ പരിതോ ബീജൈശ്ചതുര്ഭിഃ സമാ-

ബദ്ധം ശക്തിമനോഭവാങ്കുശലിപിപ്രോംഭിഃ സമാവേഷ്ടിതമ്.

ശാല്യുത്ഥേ പ്രതിലിഖ്യ പിഷ്ടവികൃതൌ പ്രാണാന്പ്രതിഷ്ഠാപ്യ ച
ത്രിസ്വാദൌ പരിഭര്ജ്യ തത്സമദതഃ സാധ്യോ വശേ തിഷ്ഠതി৷৷32.30৷৷

മൃത്കാരാങ്ഗുലികാത്തയാ സകൃകലാസാന്തര്വസായുക്തയാ

സാധ്യസ്യാങ്ഘ്രിരജോയുജാ മൃദുമൃദാ ക്ലൃപ്തസ്യ ശക്തിം ഹൃദി.

രൂപസ്യാഭിവിലിഖ്യ തദ്വിവരകേ സാധ്യം തദീരാന്പ്രതി-
ഷ്ഠാപ്യാജല്പ്യ നിഖന്യ തത്ര ദിനശോ മേഹേച്ചിരം വശ്യകൃത്৷৷32.32৷৷

മായാഹൃദോരഥാന്തേ

ബ്രഹ്മശ്രീരാജിതേക്ഷരാന്പ്രോക്ത്വാ.

രാജയുതപൂജിതേര്ണാ-
ന്സ ജയേ വിജയേ ച ഗൌരി ഗാന്ധാരി৷৷32.34৷৷

മായാദ്ദ്വിഠാന്തികോ മനു-

രേകാധികഷഷ്ടിവര്ണകഃ പ്രോക്തഃ.

ഋഷിരസ്യാജോതിനിചൃ-
ച്ഛന്ദോ ഗൌരീ ച ദേവതാ പ്രോക്താ৷৷32.36৷৷

അസകലശശിരാജന്മൌലിരാബദ്ധപാശാ-

ങ്കുശരുചിരകരാബ്ജാ ബന്ധുജീവാരുണാങ്ഗീ.

അമരനികരവന്ദ്യാ ത്രീക്ഷണാ ശോണലേപാം-
ശുകകുസുമയുതാ സ്യാത്സംപദേ പാര്വതീ വഃ৷৷32.38৷৷

തിലതണ്ഡുലകൈര്ലോണൈ-

സ്ത്രിമധുരസിക്തൈഃ ഫലൈശ്ച മധുരതരൈഃ.

സാജ്യൈരരുണകുവലയൈ-
സ്ത്രിദിനം ഹവനക്രിയാ സുവശ്യകരീ৷৷32.40৷৷

വര്ണാദര്വാങ്മന്ത്രീ

പ്രയോജയേത്സാധ്യനാമകര്മയുതമ്.

പ്രജപേദ്വാ ഹവനവിധൌ
വാച്ഛിതസിദ്ധിപ്രദസ്തഥാ മന്ത്രഃ৷৷32.42৷৷

വീപ്സ്യ ദേവിമഹാദേവിപദം ദേവാദിദേവി ച.
പ്രോക്ത്വാ സര്വജനസ്യേതി മുഖം മമ വശം വദേത്৷৷32.44৷৷

ദശഭിഃ സപ്തഭിശ്ചൈവ ചതുര്ഭിഃ കരണാക്ഷരൈഃ.
പഞ്ചഭിഃ സപ്തദശഭിര്വര്ണൈരങ്ഗക്രിയാ മതാ৷৷32.46৷৷

മന്ത്രീ സര്വജനസ്ഥാനേ കുര്യാത്സാധ്യാഹ്വയാന്മനോഃ.
പ്രജപേ ഹവനേ വാഥ തഥാ തര്പണകര്മണി৷৷32.48৷৷

ശക്തിം സാധ്യര്ക്ഷവൃക്ഷപ്രതികൃതി ഹൃദി സംലിഖ്യ സംസ്ഥാപ്യ ജീവം

ജപ്ത്വാ ഖന്യാങ്കണേസ്മിന്വിധിവദനലമാധായ പുഷ്പൈര്ജപായാഃ.

ദേവീമന്ത്രേണ രാത്രൌ ദശപരശതസംഖ്യൈസ്തു കാചന്ദനാക്തൈ-
ര്ഹുത്വാ താം സപ്തരാത്രം സരിതി നിഖനതാദുത്തമം വശ്യകര്മ৷৷32.50৷৷

കരണേന്ദ്രിയരസധാതു-

ദ്വയവര്ണൈരങ്ഗമന്ത്രപത്രപദൈഃ.

ദ്വ്യയുതജപാവധിരേഷ
ദ്വിസഹസ്രഹുതം ച സര്പിരന്നാഭ്യാമ്৷৷32.52৷৷

നത്യാദിഭഗവത്യന്തേ മാഹേശ്വരിപദം വദേത്.
അന്നപൂര്ണേഗ്നിജായാന്തോ മന്ത്രോന്നപ്രദസംജ്ഞകഃ৷৷32.54৷৷

രുദ്രതാണ്ഡവവിലോകനലോലാം

ഭദ്രവക്ത്രനയനാം ഭവകാന്താമ്.

അന്നദാനനിരതാം ജനനീം താം
ചിന്തയഞ്ജപതു ചിത്രദുകൂലാമ്৷৷32.56৷৷

വിത്തേശസ്യാന്തരാലേ ദശവടസമിധഃ സര്പിഷാക്താ വിവിക്താ

ഹോതവ്യാ ദ്രവ്യസിദ്ധ്യൈ കനകഘടകരണ്ഡാത്തദോസ്തുന്ദിലോസൌ.

ഹേമാഭോ രത്നദീപ്തോ ദരകമലനിധിദ്യോതിതോ ഹേമപീഠേ
ധ്യേയോ ന്യഗ്രോധമൂലേ ഹുതഭുജി വിദുഷാ വൈശ്വദേവാവസാനേ৷৷32.58৷৷

ഭയാഹാരേന്ദുയുക്സൈവ വിദണ്ഡാഹസ്പതാക്ഷരാഃ.
ബാലിസ്ഥയോനിര്നത്യന്തോ വസുവര്ണോ മനുര്മതഃ৷৷32.60৷৷

രത്നസ്വര്ണാംശുകാദീന്നിജകരകമലാദ്ദക്ഷിണാദാകിരന്തം

വാസോരാശൌ നിധായാപരമമരഗുരും പീതവസ്ത്രാദിഭൂഷമ്.

ധ്യായന്നാസീനമപ്യാപണഭുവി ശതസംഖ്യം സവിംശത്കമേവം
ഭീതാപുഷ്പൈര്ഘൃതാക്തൈര്ത്രിദിനമഥ ഹുനേത്സ്വര്ണവസ്ത്രാദിസിദ്ധ്യൈ৷৷32.62৷৷

ശുക്രാസ്യേ ശുക്ലപുഷ്പൈര്ഹുതഭുജി ഗുണശഃ സപ്തശോപ്യേകവിംശ-

ദ്വാരം ഹോതവ്യമേഷോപ്യതിസിതകുസുമാലേപനോ വാമദോഷ്ണാ.

വാസോരത്നാദികാര്തസ്വരമപി സതതം സാധകായ പ്രയച്ഛ-
ന്ധ്യാതോ വ്യാഖ്യാനമുദ്രാകലിതപരകരസ്ത്വാപണാലിന്ദസംസ്ഥഃ৷৷32.64৷৷

മുനിവ്രാതാവീതം മുദിതധിയമമ്ഭോദരുചിര-

ദ്യുതിം വ്യാഖ്യാമുദ്രാകലനവിലസദ്ദക്ഷിണകരമ്.

പരം ജാനൌ കൃത്വാ ദൃഢകലിതകക്ഷ്യേ കവിവരം
സമാസീനം വ്യാസം സ്മരത നിരതം പുണ്യചരിതമ്৷৷32.66৷৷

കരചരണപാര്ശ്വമൂല-

ദ്യുലോംഹരേബിന്ദുദുംസരസനാര്ണാഃ.

അലികാദ്യാ വര്മാസ്ത്ര-
ദ്വിഠാന്തികോ മനുരയം ധ്രുവാദിഃ സ്യാത്৷৷32.68৷৷

ഉത്തുങ്ഗാദിഃ പ്രചേതാ അപി ദഹനസമീരൌ ധരാവ്യോമസംജ്ഞേ

പ്രാക്പ്രത്യഗ്ദക്ഷസൌമ്യാസ്വധ ഉപരി ച ദിക്ഷു പ്രബന്ധപ്രഭാഃ സ്യുഃ.

തന്മധ്യസ്ഥാന്വിപക്ഷാദികഹരിരുരുദന്തീന്ദ്രനാഗാന്സചോരാ-
ന്ഹന്ത്യേതൈര്മന്ത്രിമുഖ്യോ മനുവിഹിതബലവ്യാകുലാന്സദ്യ ഏവ৷৷32.70৷৷

യോനിര്വിയത്സുനേത്രം

പരമേ വര്ണാംസ്തഥാസ്ഥിഗം മേദഃ.

രക്തസ്ഥദൃഗ്ദ്വിഠാന്ത-
സ്താരാദ്യോയം മനുര്ദശാര്ണയുതഃ৷৷32.72৷৷

അശ്വാരൂഢാ കരാഗ്രേ നവകനകമയീം നേത്രയഷ്ടിം ദധാനാ

ദക്ഷേന്യേനാനയന്തീ സ്ഫുരിതതനുലതാപാശബദ്ധാം സ്വസാധ്യാമ്.

ദേവീ നിത്യപ്രസന്നാനനശശധരബിമ്ബാ ത്രിനേത്രാഭിരാമാ
ദദ്യാദാദ്യാനവദ്യാ പ്രവരസുഖഫലപ്രാപ്തിഹൃദ്യാം ശ്രിയം വഃ৷৷32.74৷৷

ഹവനക്രിയാ സപദി വശ്യകരീ

മധുരാവസേകപടുനാ പടുനാ.

സദൃശോ ന കശ്ചന ജഗത്യപരോ
മനുനാമുനാനയനകര്മവിധൌ৷৷32.76৷৷