പ്രോക്ത്വാ പൂര്വമമുഷ്യശബ്ദമഥ ച പ്രാണാ ഇഹ പ്രാണകാ-

സ്തദ്വജ്ജീവ ഇഹ സ്ഥിതേതി ച തഥാ സര്വേന്ദ്രിയാണീതി ച.

ഭൂയോ വാങ്മനസാവുദീര്യ തദനു പ്രാണാ ഇഹായാന്ത്വിതി.
സ്വാഹാന്തം പ്രജപേന്മനും നിശിതധീഃ പ്രാണാന്പ്രതിഷ്ഠാപയേത്৷৷31.2৷৷

നാഭേര്ദേശാദാപദം പാശബീജം

ഹൃദ്ദേശാദാ നാഭിദേശം ച ശക്തിമ്.

ആഹൃദ്ദേശം മസ്തകാദങ്കുശാഖ്യം
ന്യസ്ത്വാ യാദീന്ധാതുഭിര്ന്യസ്യ സപ്ത৷৷31.4৷৷

രക്താമ്ബോധിസ്ഥപോതോല്ലസദരുണസരോജാധിരൂഢാ കരാബ്ജൈഃ

പാശം കോദണ്ഡമിക്ഷൂദ്ഭവമഥ ഗുണമപ്യങ്കുശം പഞ്ചബാണാന്.

ബിഭ്രാണാ സ്രക്കപാലം ത്രിണയനലസിതാ പീനവക്ഷോരുഹാഢ്യാ
ദേവീ ബാലാര്കവര്ണാ ഭവതു സുഖകരീ പ്രാണശക്തിഃ സ്വരൂപാ৷৷31.6৷৷

ശാക്തേ പീഠേ ദേവീം ഷട്കോണസ്ഥൈഃ പ്രജേശഹരിരുദ്രൈഃ.
വാണീലക്ഷ്മീഗിരിജാസഹിതൈരങ്ഗൈശ്ച മാതൃലോകേശൈഃ৷৷31.8৷৷

പാശാങ്കുശാന്തരിതശക്തിമനോഃ പരസ്താ-

ദുച്ചാര്യ യാദിവസുവര്ണഗണം സഹംസമ്.

പശ്ചാദമുഷ്യപദമുച്ചരതു പ്രയോഗ-
മന്ത്രോയമിത്ഥമുദിതോ ഗ്രഹസംഖ്യയാ വാ৷৷31.10৷৷

ബദ്ധ്വാ സാധ്യാ പാശബീജേന ശക്ത്യാ

ഗൃഹ്ണന്നാകൃഷ്യാങ്കുശേനാഥ യാദീന്.

ദൂതീശ്ചോക്ത്വാ സാധ്യനാമ്നാഥ ധാതൂ-
നേവം മന്ത്രോ യാവദാത്മാ സവീര്യഃ৷৷31.12৷৷

വായവ്യാഗ്നേയൈന്ദ്രവാരീണ്മഹേശ-

ക്രവ്യാത്സോമപ്രേതരാണ്മധ്യകേഷു.

സ്ഥാനേഷ്വേതേഷ്വഷ്ട യാദീന്സഹംസാ-
ന്ഭൃങ്ഗാന്ധ്യായേദ്വീജബിന്ദുപ്രബദ്ധാന്৷৷31.14৷৷

ബീജാനി രക്താനി തു വശ്യകര്മ-

ണ്യമ്ഭോധരാഭാന്യഭിചാരകാലേ.

ധൂമ്രാണി വിദ്വേഷവിധൌ സമോഹേ
പീതാനി സംസ്തമ്ഭവിധൌ സ്മരേച്ച৷৷31.16৷৷

പ്രാണപ്രതിഷ്ഠാകര്മൈവം വിധായൈകാദശാപരമ്.
പുത്തല്യാദൌ ഖചിത്തേ വാ താംസ്തു സംസ്തമ്ഭയേദ്ഭുവാ৷৷31.18৷৷

പാശാദ്യത്രികയുക്തമൂലഹൃദയഭ്രൂമധ്യസൂത്രായിതാ

സാഗ്നിഃ സാധ്യലലാടരന്ധ്രവഗതോപ്യാമൂലമാജഗ്മുഷി.

യോന്യാം ത്വാത്മഹൃദബ്ജമേവമനിശം ഭ്രാമ്യത്യസൌ ചിന്ത്യ തം
ശക്തിര്ജന്മശതാന്യപീഹ വശയേത്സാധ്യം സമാകര്ഷയേത്৷৷31.20৷৷