ഋഷിരഭിഹിതോ വസിഷ്ഠ-

ശ്ഛന്ദോനുഷ്ടുപ്ച ദേവതാ രുദ്രഃ.

ത്ര്യമ്ബകപദാദികാ സ്യാ-
ന്മനുനൈവ ഷഡങ്ഗക്ലൃപ്തിരഥ കഥിതാ৷৷30.2৷৷

പ്രാക്പ്രത്യഗ്യാമ്യസൌമ്യേ ശിരസി ച വദനോരോഗലാംസേഷു നാഭൌ

ഹൃദ്ദേശേ പൃഷ്ഠകുക്ഷ്യോരഥ ശിവഗുദയോരൂരുമൂലാന്തയോശ്ച.

ജാന്വോസ്തദ്ദൃത്തയുഗ്മസ്തനതടയുഗപാര്ശ്വേഷു പത്പാണിനാസാ-
ശീര്ഷേഷ്വപ്യൂര്ധ്വതോര്ണൈര്ന്യസതു പുനരധസ്തോപി മന്ത്രീ തഥോര്ധ്വമ്৷৷30.4৷৷

വര്ണാന്ന്യസ്യ ശിരോഭ്രൂ-

ദൃഗ്വക്ത്രകഗലഹൃദുദരഗുഹ്യഷു.

ഊര്വോര്ജാന്വോഃ പദയോഃ
പദൈശ്ച മനുവിത്ക്രമേണ വിന്യസ്യേത്৷৷30.6৷৷

അച്ഛസ്വച്ഛാരവിന്ദസ്ഥിതിരുഭയകരാങ്കസ്ഥിതം പൂര്ണകുമ്ഭം

ദ്വാഭ്യാം വേദാക്ഷമാലേ നിജകരകമലാഭ്യാം ഘടൌ നിത്യപൂര്ണൌ.

ദ്വാഭ്യാം തൌ ച സ്രവന്തൌ ശിരസി ശശികലാബന്ധുരേ പ്ലാവയന്തൌ
ദേഹം ദേവോ ദധാനഃ പ്രദിശതു വിശദാകല്പജാലഃ ശ്രിയം വഃ৷৷30.8৷৷

അങ്ഗൈരാദ്യാര്കാദ്യൈഃ

പുനരാവൃതിരഷ്ടഭിര്ദ്വിതീയാ സ്യാത്.

മന്ത്രാര്ണശക്തിഭിഃ സ്യുഃ
പുനശ്ചതസ്രോ ദിശാപവജ്രാദ്യൈഃ৷৷30.10৷৷

രമാ രാകാ പ്രഭാ ജ്യോത്സ്നാ പൂര്ണോഷാ പൂരണീ സുധാ.
വിശ്വാ വിദ്യാ സുധാ പ്രഹ്വാ സാരാ സംധ്യാ ശിവാ നിശാ৷৷30.12৷৷

ദ്വാത്രിംശദിതി നിര്ദിഷ്ടാഃ ശക്തയോനുഷ്ടുഭഃ ക്രമാത്.
ശിവാനുഭാവതോ നിത്യം ജഗദാപ്യായയന്തി യാഃ৷৷30.14৷৷

പ്രജപേല്ലക്ഷായത്യാ

ദ്രവ്യൈര്ജുഹുയാജ്ജപാവസാനേ ച.

ബില്വപലാശൌ ഖദിരോ
വടതിലസിദ്ധാര്ഥദൌഗ്ധദുഗ്ധാനി৷৷30.16৷৷

ഭവതി നരഃ സിദ്ധമനു-

ര്മന്ത്രേണ ച സര്വകര്മകര്താ സ്യാത്.

ബില്വൈരയുതം ഹുത്വാ
മഹതീം ലക്ഷ്മീമവാപ്നുയാദ്വിപ്രഃ৷৷30.18৷৷

ന്യഗ്രോധായുതഹോമാ-

ദ്ധനധാന്യസമൃദ്ധിമേതി നചിരേണ.

അയുതം തിലൈഃ പ്രജുഹ്വ-
ന്നപമൃത്യോഃ പാപ്മനോ വിമുക്തഃ സ്യാത്৷৷30.20৷৷

ദുഗ്ധഹുതാത്കാന്തിഃ സ്യാ-

ത്പരകൃത്യാ നശ്യതി ശ്രിയം ലഭതേ.

ദധിദോമതോന്നവാന്സ്യാ-
ത്സംവനനകരം ച തം വദന്തി ബുധാഃ৷৷30.22৷৷

നിജജന്മദിനേ പയോന്ധസാ വാ

ശതവീര്യത്രിതയൈഃ പയോഘൃതാക്തൈഃ.

ജുഹുയാച്ച ശതം സവിംശതിം യഃ
സ ലഭേദായുരരോഗതാം ചിരായ৷৷30.24৷৷

സ്നാത്വാര്കാഭിമുഖോമ്ഭസി സ്ഥിത ഇമം മന്ത്രം സഹസ്രം ജപേ-

ദായുഷ്യം പ്രതിപര്വ ദുഗ്ധഹവിഷാ ഹോമോ മഹാശ്രീപ്രദഃ.

ലാജാഭിര്നിജവാഞ്ഛിതായ ഹവനാത്കന്യാശു സംദീയതേ
സ്വാദ്വക്തസ്തനജദ്രുമൈശ്ച ഹവനാത്സര്വാന്വശേ സ്ഥാപയേത്৷৷30.26৷৷

ഏഭിസ്ത്രിഭിര്മനുവരൈസ്തു ശതാക്ഷരാഖ്യോ

മന്ത്രോഭികാങ്ഘിതഫലാപ്തിദകാമധേനുഃ.

പ്രോക്തോ ഹിതായ ജഗതാം മുനിഭിഃ കൃപാര്ദ്ര-
ചിത്തൈര്യഥോക്തമഥ സംഗ്രഹതോ വദാമി৷৷30.28৷৷

നയനം പഞ്ചദശാര്ണൈഃ

സസപ്തഭിര്ദശഭിരസ്ത്രമങ്ഗവിധിഃ.

വിന്യാസം ച മനൂനാം
മന്ത്രജ്ഞഃ പൂര്വവത്ക്രമാത്കുര്യാത്৷৷30.30৷৷

ലക്ഷായതോ ജപവിധിഃ

ശതാക്ഷരസ്യാഥ ഹോമവിധിരുക്തഃ.

അയുതാവധികോ ദ്രവ്യം
ദൌഗ്ധാന്നം സര്പിഷാ സമായുക്തമ്৷৷30.32৷৷

പഞ്ചമ്യാവൃതിരുക്താ

ത്രൈഷ്ടുഭവജ്ജാഗതാദിഭിസ്തദനു.

സ്യാച്ചരമാദിഭിരാവൃതി-
ചതുഷ്കമുക്തം ദശമ്യഥേന്ദ്രാദ്യൈഃ৷৷30.34৷৷

ദുഗ്ധാക്തൈര്ജുഹുയാത്സഹസ്രമമൃതാകാണ്ഡൈസ്തു ദീര്ഘായുഷേ

ദൂര്വാണാം ത്രിതയൈസ്തഥാ ഘൃതപയഃസിക്തൈര്ഘൃതേനൈവ വാ.

ലക്ഷ്മ്യൈ കോകനദൈശ്ച ശോണരുചിഭിസ്ത്രിസ്വാദുയുക്തൈസ്തഥാ
രക്തൈരുത്പലകൈസ്തദഹ്നി വികചൈര്ബൈല്വപ്രസൂനൈരപി৷৷30.36৷৷

ശതം ശതം പ്രാതരതന്ദ്രിതോദ്യതോ

ജപേദ്ദ്വിജോ മന്ത്രമിമം ശതാക്ഷരമ്.

അരോഗജുഷ്ടം ബഹുലേന്ദിരായുതം
ശതം സ ജീവേച്ഛരദാം സുഖേന സഃ৷৷30.38৷৷

പ്രണവവ്യാഹൃത്യാദ്യാ വ്യാഹൃതിതാരാന്തികാ ച മന്ത്രീ ച.
ജപ്ത്വാ ശതാക്ഷരീ സ്യാദിഹപരലോകപ്രസിദ്ധയേ ദിനശഃ৷৷30.40৷৷

ശതാക്ഷരമനോരയം ക്രമ ഉദീരിതഃ സംഗ്രഹാ-

ദ്ഭജേദമുമതന്ദ്രിതോ ദിനശ ഏവ മന്ത്രീ രഹഃ.

അഭീഷ്ടഫലസിദ്ധയേ സുയശസേ ച ദീര്ഘായുഷേ-
പ്യശേഷജനരഞ്ജനായ ചിരമിന്ദിരാവാപ്തയേ৷৷30.42৷৷

ഋഷിരപി സംവനനോസ്യാ-

നുഷ്ടുപ്ച ത്രിഷ്ടുബുച്യതേ ച്ഛന്ദഃ.

സംവാദാദ്യഃ പ്രോക്തഃ
സംജ്ഞാനാദ്യശ്ച ദേവതാ വഹ്നിഃ৷৷30.44৷৷

ധവലനലിനരാജച്ചന്ദ്രമധ്യേ നിഷണ്ണം

കരവിലസിതപാശം സാങ്കുശം സാഭയം ച.

സവരദമമലേന്ദുക്ഷീരഗൌരം ത്രിണേത്രം
പ്രണമത സുരവക്ത്രം മങ്ക്ഷു സംവാദയന്ത്രമ്৷৷30.46৷৷

യജേത്പുരാങ്ഗൈശ്ച തദര്ചനാവിധൌ

പുനര്ദ്വിതീയാവരണേഗ്നിമൂര്തിഭിഃ.

അനന്തരം ച ത്രിദിവേശ്വരാദിഭിഃ
ക്രമേണ വഹ്നിം വിധിനേതി പൂജയേത്৷৷30.48৷৷

പായസേന മധുരത്രയഭാജാ

വിപ്രരാജതരുജൈഃ കുസുമൈര്വാ.

സര്പിഷാ സ്തനജവൃക്ഷസമിദ്ഭി-
ര്വാഞ്ഛിതാര്ഥവിധയേ പ്രജുഹോതു৷৷30.50৷৷

തദ്വദൃചം പ്രതിയോജ്യ

ത്രിഷ്ടുപ്പാദാംശ്ച പൂര്വസംഖ്യേന.

ജുഹുയാത്സര്പിഃസിക്തം
പായസമചിരേണ കാര്യസമവാപ്ത്യൈ৷৷30.52৷৷

അക്ഷരപാദാത്ിത്രഷ്ടു-

ബ്യുക്തൈഃ സൂക്തൈസ്തു പൂര്വസംഖ്യേന.

ജുഹുയാത്സമാജരൂപം
സംവാദയിതും പ്രതര്പയേദ്വാഗ്ഭിഃ৷৷30.54৷৷

ഋഗ്വാരുണീ ധ്രുവാ സ്വാദ്യാ യാ സാ ത്രിഷ്ടുബ്നിഗദ്യതേ.
ഋഷിര്വസിഷ്ഠസ്ത്രിഷ്ടുപ്ച ച്ഛന്ദോ വാരീശദവതാ৷৷30.56৷৷

അങ്ഗുല്യഗ്രസസംധിപായുശിവസംജ്ഞാധാരനാഭിഷ്വഥോ

കുക്ഷൌ പൃഷ്ഠഹൃദോരുരോജഗലദോഃസംധ്യഗ്രവക്ത്രേഷു ച.

ഗണ്ഡഘ്രാണവിലോചനശ്രവണയുഗ്ഭ്രൂമധ്യമധ്യേഷു കേ
സര്വാങ്ഗേഷു തഥാ ന്യസേദ്വിശദധീര്വര്ണൈഃ സമര്ഥൈഃ ക്രമാത്৷৷30.58৷৷

അങ്ഗൈരഷ്ടഭിരഹിപൈ-

ര്ദിശാധിപൈഃ സമഭിപൂജ്യ വാരീശമ്.

കലശൈഃ പുനരഭിഷിഞ്ചേ-
ത്പരമഗുരുര്മന്ത്രജാപിനം ശിഷ്യമ്৷৷30.60৷৷

ഋഗിയമൃണമോചനീ സ്യാ-

ജ്ജപൈര്ഹുതൈസ്തര്പണൈശ്ച മന്ത്രവിദഃ.

സംപ്രാപ്തദുര്ഗതേരപി
സദ്യോ ഹൃദ്യാം ച സംവഹേല്ലക്ഷ്മീമ്৷৷30.62৷৷

വൈതസസമിദയുതഹുതാ-

ദ്വൃഷ്ടിമകാലേപി വിതനുതേ വരുണഃ.

ഗവ്യക്ഷീരസമേതാ-
ത്ിത്രദിനകൃതാദ്ദിനമുഖേഷു മുദിതമനാഃ৷৷30.64৷৷

പാശാബദ്ധം വൈരിണ-

മങ്കുശസംപ്രോതമമ്ബുധേഃ പാരേ.

ധ്യായന്പരേ ക്ഷിപന്തം
വരുണം ജുഹുയാച്ച വാ തഥാ പ്രജപേത്৷৷30.66৷৷

ദൌഗ്ധാന്നൈര്ഭൃഗുവാരേ

ഘൃതസംസിക്തൈഃ കൃതശ്ച ഹവനവിധിഃ.

ഋണമോക്ഷദശ്ച വിവിധോ-
പദ്രവശമകൃദ്രമാകരഃ പ്രോക്തഃ৷৷30.68৷৷

ശാലീഘൃതസംസിക്താഃ

സരിദന്തരതോ ജുഹോതു പരസേനാമ്.

സംസ്തമ്ഭയിതും ത്രിദിനം
സുമനാ മന്ത്രീ ചതുഃശതാവൃത്ത്യാ৷৷30.70৷৷.

ബഹുനാ കിമനേന മന്ത്രിമുഖ്യോ

മനുനാശു പ്രതിസാധയേദഭീഷ്ടമ്.

ഹവനക്രിയയാഥ തര്പണൈര്വാ
സജപൈഃ പാശഭൃതോ മഹാമഹിമ്നഃ৷৷30.72৷৷

ലവണാമ്ഭസി ചേത്യാദ്യാ ദ്വിതീയാ ലവണേ ഇതി.
ദഹേതി ച തൃതീയാ സ്യാത്സദഗ്ധ്വേതി ചതുര്ഥ്യപി৷৷30.74৷৷

ചിട്യക്ഷരൈഃ ഷഡങ്ഗം വാ പ്രണവാദ്യൈര്നിഗദ്യതേ.
പഞ്ചഭിശ്ച ത്രിഭിരപി പഞ്ചഭിഃ പഞ്ച ചാക്ഷരൈഃ৷৷30.76৷৷

അരുണോരുണപങ്കജസംനിഹിതഃ

സ്രുവശക്തിവരാഭയയുക്തകരഃ.

അമിതാര്ചിരജാത്തഗതിര്വിലസ-
ന്നയനത്രിതയോവതു വോ ദഹനഃ৷৷30.78৷৷

കരകമലവിരാജച്ചക്രശങ്ഖാതിശൂലാ

പരിലസിതകിരീടാ പാതിതാനേകദൈത്യാ.

ത്രിണയനലസിതാങ്ഗീ തിഗ്മരശ്മിപ്രകാശാ
പവനസഖനിഭാങ്ഗീ പാതു കാത്യായനീ വഃ৷৷30.80৷৷

ഖേടാസിമുസലതോമര-

കപാലശക്തീഃ സപാശസൃണി ദധതീ.

ദംഷ്ട്രോഗ്രാ സിംഹസ്ഥാ
৷৷.രാത്രികാലികാ ധ്യേയാ৷৷30.82৷৷

ദശാംശേന ഹുനേത്സിദ്ധ്യൈ ഹവിഷാ ഘൃതസംയുജാ.
ഏവം കൃതേ പ്രയോഗാര്ഹോ മന്ത്രീ ഭൂയാന്ന ചാന്യഥാ৷৷30.84৷৷

ആരഭ്യ കര്മകൃന്മന്ത്രീ തൃതീയാം കൃഷ്ണപക്ഷജാമ്.
സംദീക്ഷിതോ ഭവേത്പൂതേ മന്ദിരേ മന്ത്രജാപവാന്৷৷30.86৷৷

ഏതാം സാധ്യര്ക്ഷവൃക്ഷേണ ശാലിപിഷ്ടേന ചാപരാമ്.
ചക്രീകരമൃദാ ചാന്യാം മധൂച്ഛിഷ്ടേന ചേതരാമ്৷৷30.88৷৷

ഉക്താനാം ദാരവീം കുണ്ഡേ ഖനേന്മന്ത്രാഭിമന്ത്രിതാമ്.
വിഷ്ടരാം വിഷ്ടരസ്യാധഃ പാദസ്ഥാനേ ച മൃന്മയീമ്৷৷30.90৷৷

രക്തമാല്യാമ്ബരോ മന്ത്രീ കൃതരക്താനുലേപനഃ.
സമ്യക്കൃതലിപിന്യാസപ്രാണായാമാദികഃ ശുചിഃ৷৷30.92৷৷

ആലോഡ്യ ഗുഡമധ്വാജ്യൈര്വിസ്പഷ്ടാവയവാമഥ.
തേന പുത്തലികാം മന്ത്രീ ചാര്വങ്ഗീം കാരയേത്സുധീഃ৷৷30.94৷৷

ഋക്പഞ്ചകം പഞ്ചവിംശത്സംഖ്യം പ്രതികൃതിം സ്പൃശന്.
ജപിത്വാങ്ഗീനി വിന്യസ്യേത്സ്വാങ്ഗപ്രതികൃതാവപി৷৷30.96৷৷

സകണ്ഠഹൃദയോരോജകുക്ഷിനാഭികടീഷു ച.
മേഢ്രപായൂരുജാന്വാഖ്യജങ്ഘാങ്ഘ്രിഷു ച വിന്യസേത്৷৷30.98৷৷

അങ്ഗുഷ്ഠസംധിപ്രപദജങ്ഘാജാനൂരുപായുഷു.
സലിങ്ഗനാഭിജഠരഹൃദയേഷു സ്തനദ്വയേ৷৷30.100৷৷

ഉപലിപ്യാഥ കുണ്ഡം തദ്ബഹിര്ഗോമയവാരിണാ.
സാധ്യസംമുഖ ആസീന ആദധ്യാദ്ധവ്യവാഹനമ്৷৷30.102৷৷

ദേവതാം പ്രതിപാദ്യാര്ഘ്യം ദത്ത്വാ കാര്യാര്ഥസിദ്ധയേ.
ഉപതിഷ്ഠേദ്ധുതസ്യാദാവന്തേ മന്ത്രൈരിതീരിതൈഃ৷৷30.104৷৷

ജാതവേദോ മഹാദേവ തപ്തജാമ്ബൂനദപ്രഭ.
സ്വാഹപതേ വിശ്വമക്ഷ ലവണം ദഹ ശത്രുഹന്৷৷30.106৷৷

തമോമയി മഹാദേവി മഹാദേവസ്യ സുവ്രതേ.
സ്ത്രിയാ മേ പുരുഷം ഗത്വാ വശമാനയ ദേഹി മേ৷৷30.108৷৷

നമസ്തേ ദഹ ശത്രും മേ വശമാനയ ചണ്ഡികേ.
ശാകംഭരി മഹാദേവി ശരണം മേ ഭവാനഘേ৷৷30.110৷৷

ശൂലാദിശക്തിവജ്രാദ്യൈരുത്കൃത്യോത്കൃത്യ മാരയ.
മഹാദേവി മഹാകാലി രക്ഷാത്മാനം കുമാരികേ৷৷30.112৷৷

സാധ്യം സംസ്മൃത്യ ശിതധീര്ജുഹുയാത്സപ്തസംഖ്യയാ.
ദക്ഷിണം ചരണം പൂര്വം തതോ ദക്ഷാര്ധകം പുനഃ৷৷30.114৷৷

സപ്തമം വാമപാദം സ്യാദന്യാപി സ്യാദ്ധുതക്രിയാ.
സപ്ത സപ്ത വിഭാഗോ വാ ക്രമാദങ്ഗേഷു സപ്തസു৷৷30.116৷৷

ദ്വിതീയോ ദക്ഷിണകരസ്തൃതീയഃ ശിര ഉച്യതേ.
വാമബാഹുശ്ചതുര്ഥസ്തു മധ്യാദൂര്ധ്വം തു പഞ്ചകമ്৷৷30.118৷৷

അര്ചയിത്വാ ദണ്ഡദീര്ഘം പ്രണമേദ്ധവ്യവാഹനമ്.
സകര്ഷസ്വര്ണയുക്താങ്ഗാം ശോണാം ദദ്യാത്സതര്ണകാമ്৷৷30.120৷৷

ഏവം കൃതേന മന്ത്രീഷ്ടം ലഭതേ ഹോമകര്മണാ.
അഥ വാ മാരണാകാങ്ക്ഷീ സാധ്യവാമാങ്ഘ്രിപാംസുഭിഃ৷৷30.122৷৷

വരാഹപാരാവതയോഃ പുരീഷേണ സമന്വിതൈഃ.
ഏതൈശ്ച സംമിശ്രയതു ലോണം പൂര്വോക്തസംഖ്യകമ്৷৷30.124৷৷

പൂര്വോക്താഭിഃ പുത്തലീഭിഃ കുണ്ഡേ ദക്ഷിണദിങ്മുഖേ.
ദുര്ഗാം വാ ഭദ്രകാലീം വാ പ്രതിപദ്യ യഥേരിതാമ്৷৷30.126৷৷

സമാപയേദ്ദക്ഷപാദം വികാരേണായസോ വശീ.
ത്രിസപ്താഹപ്രയോഗേണ മാരയേദ്രിപുമാത്മനഃ৷৷30.128৷৷

വിമുക്തപാപോ ഭൂത്വാ തു സ പുനര്വിഹരേത്സുഖമ്.
യാം കല്പയന്ത്യപാമാര്ഗരാജീഘൃതഹവീംഷി ച৷৷30.130৷৷

ഇതി ലവണമനോര്വിധാനമേവം

പ്രണിഗദിതം വിധിവത്പ്രയോഗഭിന്നമ്.

വിധിമമുമഥ സാധു സംപ്രയുഞ്ജ്യാ-
ദ്വ്രജതി ഫലം നിജവാഞ്ഛിതം ചിരായ৷৷30.132৷৷

നാരീനരാന്വാ നഗരം നൃപാന്വാ

ഗ്രാമം ജനാന്വാ മനസോനുകൂലാന്.

വശീകരോത്യേവ ഹുതക്രിയേയം
ചിരായ നൈവാത്ര വിചാരണീയമ്৷৷30.134৷৷

നിക്ഷിപ്യ ഹൃദയേ കിംചിത്കീടാന്താം സംസ്പൃശന്പുനഃ.
പ്രാണാര്പണേന യത്കാര്യം ക്ഷിപ്രം കുര്യാദ്വിചക്ഷണഃ৷৷30.136৷৷

തത്ര ഭൂതാസ്തു തന്മാത്രാശബ്ദാദ്യം ശ്രവണാദികമ്.
ധാതൂന്മനശ്ച ബുദ്ധിം ച സംക്ഷിപേദപ്യഹംക്രിയാമ്৷৷30.138৷৷

പ്രവേശയേച്ച പുത്തല്യാം പുനസ്തേനൈവ വര്ത്മനാ.
പ്രാണപ്രതിഷ്ഠാമന്ത്രേണ ലബ്ധപ്രാണാദികാം തഥാ৷৷30.140৷৷

ഹൃത്പദ്മമധ്യസ്ഥിതതന്തുജാലൈ-

രേകൈകമേകോത്പതിതൈഃ ക്രമേണ.

നിശ്വാസമാത്രേണ സുഖം പ്രവിഷ്ടാ-
സ്തത്പ്രാണമാര്ഗേണ ഹരേദ്ദ്വിരേഫാന്৷৷30.142৷৷