സ്വരാഖ്യാഃ ഷോഡശ പ്രോക്താഃ സ്പര്ശാഹ്വാഃ പഞ്ചവിംശതിഃ.
വ്യാപകാശ്ച ദശൈതേ സ്യുഃ സോമേനാഗ്ന്യാത്മകാഃ ക്രമാത്৷৷3.2৷৷

ആദ്യന്തസ്വരഷട്കസ്യ മധ്യഗം യച്ചതുഷ്ടയമ്.
വര്ണാനാമാഗമധനൈസ്തന്നപുംസകമീരിതമ്৷৷3.4৷৷

ദക്ഷഃ സവ്യസ്ഥിതേ ഹ്രസ്വദീര്ഘാഃ പഞ്ചോദയന്തി ച.
ഭൂതഭൂതകലാഭിസ്തദുദയഃ പ്രാഗുദീരിതഃ৷৷3.6৷৷

സ്പര്ശാഖ്യാ അപി യേ വര്ണാഃ പഞ്ചപഞ്ചവിഭേദതഃ.
ഭവന്തി പഞ്ചവര്ഗാസ്തദന്ത്യ ആത്മാ രവിഃ സ്മൃതഃ৷৷3.8৷৷

വ്യാപകാശ്ച ദ്വിവര്ഗാഃ സ്യുസ്തഥാ പഞ്ചവിഭേദതഃ.
ശശീനാഗ്ന്യുത്ഥിതാ യസ്മാത്സ്വരസ്പൃഗ്വ്യാപകാക്ഷരാഃ৷৷3.10৷৷

ഷോഡശദ്വാദശദശസംഖ്യാഃ സ്യുഃ ക്രമശഃ കലാഃ.
വര്ണേഭ്യ ഏവ താരസ്യ പഞ്ചഭേദൈസ്തു ഭൂതഗൈഃ৷৷3.12৷৷

താവത്യോ മാതൃഭിഃ സാര്ധം തേഭ്യഃ സ്യൂ രുദ്രമൂര്തയഃ.
തേഭ്യ ഏവ തു പഞ്ചാശത്സ്യുരോഷധയ ഈരിതാഃ৷৷3.14৷৷

ശശിനീ ചന്ദ്രികാ കാന്തിര്ജ്യോത്സ്നാ ശ്രീഃ പ്രീതിരങ്ഗനാ.
പൂര്ണാപൂര്ണാമൃതാകാമദായിന്യഃ സസ്വരാഃ കലാഃ৷৷3.16৷৷

കാമാദ്യാ വസുദാഃ സൌരാഃ ഷഡാന്താ ദ്വാദശേരിതാഃ.
ധൂമ്രാര്ചിരൂഷ്മാ ജ്വലിനീ ജ്വാലിനീ വിഷ്ഫുലിങ്ഗിനീ৷৷3.18৷৷

സൃഷ്ടി ഋദ്ധിഃ സ്മൃതിര്മേധാ കാന്തിര്ലക്ഷ്മീര്ദ്യുതിഃ സ്ഥിരാ.
സ്ഥിതിഃ സിദ്ധിരകാരോത്ഥാഃ കലാ ദശ സമീരിതാഃ৷৷3.20৷৷

വരദാ ഹ്ലാദിനീ പ്രീതിര്ദീര്ഘാ ചോകാരജാഃ കലാഃ.
ഉകാരപ്രഭവാ വിഷ്ണുജാതാഃ സ്യുഃ സ്ഥിതയേ കലാഃ৷৷3.22৷৷

മകാരപ്രഭവാ രുദ്രജാതാഃ സംഹൃതയേ കലാഃ.
ബിന്ദോരപി ചതസ്രഃ സ്യുഃ പീതശ്വേതാരുണാഃ സിതാഃ৷৷3.24৷৷

സൂക്ഷ്മാ സൂക്ഷ്മാമൃതാ ജ്ഞാനാമൃതാ ചാപ്യായിനീ തഥാ.
വ്യാപിനീ വ്യോമരൂപാ ചേത്യനന്താ നാദസംഭവാഃ৷৷3.26৷৷

മധുസൂദനസംജ്ഞശ്ച സപ്തമഃ സ്യാത്ിത്രവിക്രമഃ.
വാമനഃ ശ്രീധരശ്ചൈവ ഹൃഷീകേശസ്ത്വനന്തരഃ৷৷3.28৷৷

തതശ്ചക്രീ ഗദീ ശാര്ങ്ഗീ ഖങ്ഗീ ശങ്ഖീ ഹലീ തഥാ.
മുസലീ ശൂലിസംജ്ഞശ്ച ഭൂയഃ പാശീ ച സാങ്കുശീ৷৷3.30৷৷

ഭൂധരോ വിശ്വമൂര്തിശ്ച വൈകുണ്ഠഃ പുരുഷോത്തമഃ.
ബലീ ബലാനുജോ ബാലോ വൃഷഘ്നശ്ച വൃഷസ്തഥാ৷৷3.32৷৷

മേധാ ച ഹര്ഷാ ശ്രദ്ധാഹ്വാ ലജ്ജാ ലക്ഷ്മീഃ സരസ്വതീ.
പ്രീതീ രതിശ്ച സംപ്രോക്താഃ ക്രമേണ സ്വരശക്തയഃ৷৷3.34৷৷

ഋദ്ധിഃ സമൃദ്ധിഃ ശുദ്ധിശ്ച ബുദ്ധിര്ഭക്തിര്മതിഃ ക്ഷമാ.
രമോമാ ക്ലേദിനീ ക്ലിന്നാ വസുദാ വസുധാപരാ৷৷3.36৷৷

ഏകപഞ്ചാശദുദ്ദിഷ്ടാ നമോന്താ വര്ണപൂര്വികാഃ.
സധാതുപ്രാണശക്ത്യാത്മയുക്താ യാദിഷു മൂര്തയഃ৷৷3.38৷৷

ഝണ്ഡീശോ ഭൌതികഃ സദ്യോജാതശ്ചാനുഗ്രഹേശ്വരഃ.
അക്രൂരശ്ച മഹാസേനഃ സ്യുരേതാഃ സ്വരമൂര്തയഃ৷৷3.40৷৷

അജേശശര്വസോമേശാസ്തഥാ ലാങ്ഗലിദാരുകൌ.
അര്ധനാരീശ്വരശ്ചോമാകാന്തശ്ചാഷാഢിദണ്ഡിനൌ৷৷3.42৷৷

ഭുജങ്ഗേശഃ പിനാകീ ച ഖങ്ഗീശശ്ച ബകസ്തഥാ.
ശ്വേതോ ഭൃഗുശ്ച ലകുലിഃ ശിവഃ സംവര്തകഃ സ്മൃതഃ৷৷3.44৷৷

സുദീര്ഘമുഖിഗോമുഖ്യൌ നവമീ ദീര്ഘജിഹ്വികാ.
കുണ്ഡോദര്യൂര്ധ്വകേശീ ച മുഖീ വികൃതപൂര്വികാ৷৷3.46৷৷

ഗീരീ ത്രൈലോക്യവിദ്യാ ച തഥാ മന്ത്രാര്ണശക്തികാ.
ഭൂതമാതാ ലമ്ബോദരീ ദ്രാവിണീ നാഗരീ തഥാ৷৷3.48৷৷

ശങ്ഖിനീ ഗര്ജിനീ കാലരാത്രീ കുര്ദിന്യ ഏവ ച.
കപര്ദിനീ തഥാ വജ്രാ ജയാ ച സുമുഖേശ്വരീ৷৷3.50৷৷

ലക്ഷ്മീശ്ച വ്യാപിനീ മായേത്യാഖ്യാതാ വര്ണശക്തയഃ.
ഇത്യുക്തസ്ത്രിവിധോ ന്യാസഃ ക്രമാത്സര്വസമൃദ്ധിദഃ৷৷3.52৷৷

പിപ്പലബില്വഗുഹാരുണതൃണകലവങ്കാഹ്വകുമ്ഭിവന്ദിന്യഃ.
സൌദുമ്ബരീകാഷ്മരികാസ്ഥിരാബ്ജദരപുഷ്പികാമയൂരശിഖാഃ৷৷3.54৷৷

ശതമഖലതാദ്വിരേഫോ വിഷ്ണുക്രാന്തീ മുസല്യഥാഞ്ജലിനീ.
ദൂര്വാ ശ്രീദേവിസഹേ തഥൈവ ലക്ഷ്മീ സദാഭദ്രേ৷৷3.56৷৷

യഥാ ഭവന്തി ദേഹാന്തരമീ പഞ്ചാശദക്ഷരാഃ.
യേന യേന പ്രകാരേണ തഥാ വക്ഷ്യാമി തത്ത്വതഃ৷৷3.58৷৷

ഉച്ചൈരുന്മാര്ഗഗോ വായുരുദാത്തം കുരുതേ സ്വരമ്.
നീചൈര്ഗതോനുദാത്തം ച തിര്യക് സ്വരിതവിസ്തൃതിഃ৷৷3.60৷৷

അകാരേകാരയോര്യോഗാദേകാരോ വര്ണ ഇഷ്യതേ.
തസ്യൈവൈകാരയോഗേന സ്യാദൈകാരാക്ഷരസ്തഥാ৷৷3.62৷৷

സംധ്യക്ഷരാഃ സ്യുശ്ചത്വാരോ മന്ത്രാഃ സര്വാര്ഥസാധകാഃ.
ലൃവര്ണര്വര്ണയോര്വ്യക്തിര്ലരോഃ സമ്യക് പ്രദൃശ്യതേ৷৷3.64৷৷

നശ്വരഃ സര്ഗ ഏവ സ്യാത്സോഷ്മാ സപ്രാണകസ്തു ഹഃ.
സ സര്ഗഃ ശ്ലേഷിതഃ കണ്ഠേ വായുനാകാദിമീരയേത്৷৷3.66৷৷

സസര്ഗസ്താലുഗഃ സൌഷ്മ്യഃ ശ ച വര്ഗം ച യം തഥാ.
ഋടുരേഫഷകാരാംശ്ച മൂര്ധഗോ ദന്തഗസ്തഥാ৷৷3.68৷৷

ഹ്രസ്വാഃ പഞ്ച പരേ ച സംധിവികൃതാഃ പഞ്ചാഥ ബിന്ദ്വന്തികാഃ

കാദ്യാഃ പ്രാണഹുതാശഭൂകഖമയാ യാദ്യാശ്ച ശാര്ണാന്തികാഃ.

ഹാന്താഃ ഷക്ഷളസാഃ ക്രമേണ കഥിതാ ഭൂതാത്മകാസ്തേ പൃഥ-
ക്തൈസ്തൈഃ പഞ്ചഭിരേവ വര്ണദശകൈഃ സ്യുഃ സ്തമ്ഭനാദ്യാഃ ക്രിയാഃ৷৷3.70৷৷

മരുതഃ കപോലബിന്ദുകപഞ്ചമവര്ണാഃ ശഹൌ തഥാ വ്യോമ്നഃ.
മനുഷു പരേഷ്വപി മന്ത്രീ കരോതു കര്മാണി തസ്യ സംസിധ്യൈ৷৷3.72৷৷

ദശഭിര്ദശഭിരമീഭി-

ര്നമോന്തികൈര്ദ്വന്ദ്വശശ്ച ബിന്ദുയുതൈഃ.

യോനേര്മധ്യേ കോണ-
ത്രിതയേ മധ്യേ ച സംയജേന്മന്ത്രീ৷৷3.74৷৷