स्वराख्याः षोडश प्रोक्ताः स्पर्शाह्वाः पञ्चविंशतिः।
व्यापकाश्च दशैते स्युः सोमेनाग्न्यात्मकाः क्रमात्।।3.2।।

आद्यन्तस्वरषट्कस्य मध्यगं यच्चतुष्टयम्।
वर्णानामागमधनैस्तन्नपुंसकमीरितम्।।3.4।।

दक्षः सव्यस्थिते ह्रस्वदीर्घाः पञ्चोदयन्ति च।
भूतभूतकलाभिस्तदुदयः प्रागुदीरितः।।3.6।।

स्पर्शाख्या अपि ये वर्णाः पञ्चपञ्चविभेदतः।
भवन्ति पञ्चवर्गास्तदन्त्य आत्मा रविः स्मृतः।।3.8।।

व्यापकाश्च द्विवर्गाः स्युस्तथा पञ्चविभेदतः।
शशीनाग्न्युत्थिता यस्मात्स्वरस्पृग्व्यापकाक्षराः।।3.10।।

षोडशद्वादशदशसंख्याः स्युः क्रमशः कलाः।
वर्णेभ्य एव तारस्य पञ्चभेदैस्तु भूतगैः।।3.12।।

तावत्यो मातृभिः सार्धं तेभ्यः स्यू रुद्रमूर्तयः।
तेभ्य एव तु पञ्चाशत्स्युरोषधय ईरिताः।।3.14।।

शशिनी चन्द्रिका कान्तिर्ज्योत्स्ना श्रीः प्रीतिरङ्गना।
पूर्णापूर्णामृताकामदायिन्यः सस्वराः कलाः।।3.16।।

कामाद्या वसुदाः सौराः षडान्ता द्वादशेरिताः।
धूम्रार्चिरूष्मा ज्वलिनी ज्वालिनी विष्फुलिङ्गिनी।।3.18।।

सृष्टि ऋद्धिः स्मृतिर्मेधा कान्तिर्लक्ष्मीर्द्युतिः स्थिरा।
स्थितिः सिद्धिरकारोत्थाः कला दश समीरिताः।।3.20।।

वरदा ह्लादिनी प्रीतिर्दीर्घा चोकारजाः कलाः।
उकारप्रभवा विष्णुजाताः स्युः स्थितये कलाः।।3.22।।

मकारप्रभवा रुद्रजाताः संहृतये कलाः।
बिन्दोरपि चतस्रः स्युः पीतश्वेतारुणाः सिताः।।3.24।।

सूक्ष्मा सूक्ष्मामृता ज्ञानामृता चाप्यायिनी तथा।
व्यापिनी व्योमरूपा चेत्यनन्ता नादसंभवाः।।3.26।।

मधुसूदनसंज्ञश्च सप्तमः स्यात्ित्रविक्रमः।
वामनः श्रीधरश्चैव हृषीकेशस्त्वनन्तरः।।3.28।।

ततश्चक्री गदी शार्ङ्गी खङ्गी शङ्खी हली तथा।
मुसली शूलिसंज्ञश्च भूयः पाशी च साङ्कुशी।।3.30।।

भूधरो विश्वमूर्तिश्च वैकुण्ठः पुरुषोत्तमः।
बली बलानुजो बालो वृषघ्नश्च वृषस्तथा।।3.32।।

मेधा च हर्षा श्रद्धाह्वा लज्जा लक्ष्मीः सरस्वती।
प्रीती रतिश्च संप्रोक्ताः क्रमेण स्वरशक्तयः।।3.34।।

ऋद्धिः समृद्धिः शुद्धिश्च बुद्धिर्भक्तिर्मतिः क्षमा।
रमोमा क्लेदिनी क्लिन्ना वसुदा वसुधापरा।।3.36।।

एकपञ्चाशदुद्दिष्टा नमोऽन्ता वर्णपूर्विकाः।
सधातुप्राणशक्त्यात्मयुक्ता यादिषु मूर्तयः।।3.38।।

झण्डीशो भौतिकः सद्योजातश्चानुग्रहेश्वरः।
अक्रूरश्च महासेनः स्युरेताः स्वरमूर्तयः।।3.40।।

अजेशशर्वसोमेशास्तथा लाङ्गलिदारुकौ।
अर्धनारीश्वरश्चोमाकान्तश्चाषाढिदण्डिनौ।।3.42।।

भुजङ्गेशः पिनाकी च खङ्गीशश्च बकस्तथा।
श्वेतो भृगुश्च लकुलिः शिवः संवर्तकः स्मृतः।।3.44।।

सुदीर्घमुखिगोमुख्यौ नवमी दीर्घजिह्विका।
कुण्डोदर्यूर्ध्वकेशी च मुखी विकृतपूर्विका।।3.46।।

गीरी त्रैलोक्यविद्या च तथा मन्त्रार्णशक्तिका।
भूतमाता लम्बोदरी द्राविणी नागरी तथा।।3.48।।

शङ्खिनी गर्जिनी कालरात्री कुर्दिन्य एव च।
कपर्दिनी तथा वज्रा जया च सुमुखेश्वरी।।3.50।।

लक्ष्मीश्च व्यापिनी मायेत्याख्याता वर्णशक्तयः।
इत्युक्तस्त्रिविधो न्यासः क्रमात्सर्वसमृद्धिदः।।3.52।।

पिप्पलबिल्वगुहारुणतृणकलवङ्काह्वकुम्भिवन्दिन्यः।
सौदुम्बरीकाष्मरिकास्थिराब्जदरपुष्पिकामयूरशिखाः।।3.54।।

शतमखलताद्विरेफो विष्णुक्रान्ती मुसल्यथाञ्जलिनी।
दूर्वा श्रीदेविसहे तथैव लक्ष्मी सदाभद्रे।।3.56।।

यथा भवन्ति देहान्तरमी पञ्चाशदक्षराः।
येन येन प्रकारेण तथा वक्ष्यामि तत्त्वतः।।3.58।।

उच्चैरुन्मार्गगो वायुरुदात्तं कुरुते स्वरम्।
नीचैर्गतोऽनुदात्तं च तिर्यक् स्वरितविस्तृतिः।।3.60।।

अकारेकारयोर्योगादेकारो वर्ण इष्यते।
तस्यैवैकारयोगेन स्यादैकाराक्षरस्तथा।।3.62।।

संध्यक्षराः स्युश्चत्वारो मन्त्राः सर्वार्थसाधकाः।
लृवर्णर्वर्णयोर्व्यक्तिर्लरोः सम्यक् प्रदृश्यते।।3.64।।

नश्वरः सर्ग एव स्यात्सोष्मा सप्राणकस्तु हः।
स सर्गः श्लेषितः कण्ठे वायुनाकादिमीरयेत्।।3.66।।

ससर्गस्तालुगः सौष्म्यः श च वर्गं च यं तथा।
ऋटुरेफषकारांश्च मूर्धगो दन्तगस्तथा।।3.68।।

ह्रस्वाः पञ्च परे च संधिविकृताः पञ्चाथ बिन्द्वन्तिकाः

काद्याः प्राणहुताशभूकखमया याद्याश्च शार्णान्तिकाः।

हान्ताः षक्षळसाः क्रमेण कथिता भूतात्मकास्ते पृथ
क्तैस्तैः पञ्चभिरेव वर्णदशकैः स्युः स्तम्भनाद्याः क्रियाः।।3.70।।

मरुतः कपोलबिन्दुकपञ्चमवर्णाः शहौ तथा व्योम्नः।
मनुषु परेष्वपि मन्त्री करोतु कर्माणि तस्य संसिध्यै।।3.72।।

दशभिर्दशभिरमीभि

र्नमोऽन्तिकैर्द्वन्द्वशश्च बिन्दुयुतैः।

योनेर्मध्ये कोण
त्रितये मध्ये च संयजेन्मन्त्री।।3.74।।