നവഭിഃ സപ്തഭിഃ ഷഡ്ഭിഃ സപ്തഭിശ്ച തഥാഷ്ടഭിഃ.
സപ്തഭിര്മൂലമന്ത്രേണ കുര്യാദങ്ഗാനി ഷട് ക്രമാത്৷৷29.3৷৷

സ്കന്ധയോരുഭയോര്മധ്യേ ബാഹുമൂലോപബാഹുഷു.
പ്രകൂര്പരപ്രകോഷ്ഠേഷു മണിബന്ധതലേഷു ച৷৷29.5৷৷

ശിഖാലലാടദൃക്കര്ണയുഗോഷ്ഠരസനാസു ച.

സകര്ണബാഹുഹൃത്കുക്ഷികടിഗുഹ്യോരുജാനുഷു.
ജങ്ഘാചരണയോര്ന്യസ്യേത്പദാനി ത്രിഷ്ടുഭഃ ക്രമാത്৷৷29.7৷৷

ഇതി വിന്യസ്തദേഹസ്തു കുര്യാജ്ജപ്യാദികാഃ ക്രിയാഃ.
ദീക്ഷാ പ്രവര്ത്യതേ പൂര്വം യഥാവദ്ദേശികോത്തമൈഃ৷৷29.9৷৷

യന്ത്രം ഷഡ്ഗുണിതം കൃത്വാ ദുര്വര്ണലസിതാശ്രകമ്.
ബഹിരഷ്ടദലം പദ്മം പ്രോക്തലക്ഷണലക്ഷിതമ്৷৷29.11৷৷

വ്യാഘ്രസിംഹമുഖീദുര്ഗാത്രിഷ്ടുഭോ നവ ശക്തയഃ.
തത്രാദായ ഘടം ദിവ്യക്വാഥമൂത്രപയോമ്ഭസാമ്৷৷29.13৷৷

മൂര്തീരഭ്യര്ചയേദഗ്നേര്ജാതവേദാദികാഃ ക്രമാത്.
പൃഥിവ്യമ്ബ്വനലേരാനപ്യാത്മനേപദസംയുതാന്৷৷29.15৷৷

ലോകപാലാംശ്ച തദ്ധേതീര്വിധിനേതി സമര്ചയേത്.
ജാഗതാ താപിനീ വേദഗര്ഭാ ദാഹനരൂപിണീ৷৷29.17৷৷

മരുദ്വേഗാ രാത്രിസംജ്ഞാ തീവ്രകോപാ യശോവതീ.
തോയാത്മികാ തഥാ നിത്യാ ദയാവത്യപി ഹാരിണീ৷৷29.19৷৷

ഷഷ്ഠീ ച ദണ്ഡിനീ തിഗ്മാ ദുര്ഗാ ഗായത്രിസംജ്ഞകാ.
നിരവദ്യാ വിശാലാക്ഷീ ശ്വാസോദ്വാഹാ ച നാദിനീ৷৷29.21৷৷

ത്യക്തദോഷാ നിഃസപത്നാ ചത്വാരിംശച്ചതുര്യുതാഃ.
അഭിഷിച്യ പുനഃ ശിഷ്യം കുമ്ഭാദീന്ഗുരുരാഹരേത്৷৷29.23৷৷

സര്വജാപേഷു സംജ്ഞേയാ ഗായത്ര്യാ ദ്വിഗുണോ ജപഃ.
കര്തവ്യോ വാഞ്ഛിതാര്ഥാപ്ത്യൈ രക്ഷായൈ കാര്യസിദ്ധയേ৷৷29.25৷৷

ചത്വാരി ചത്വാരിംശച്ച ചതുഃശതസമന്വിതമ്.
ചതുഃസഹസ്രസംയുക്തം പ്രോക്തൈരേതൈര്ഹുതക്രിയാ৷৷29.27৷৷

വിലോമപാഠോ വര്ണാനാമസ്ത്രമാഹുര്മനീഷിണഃ.
പാദാഷ്ടകമിദം വിദ്യാത്തതോഷ്ടാങ്ഗോ മനുഃ സ്വയമ്৷৷29.29৷৷

ആദ്യാഃ പഞ്ചാക്ഷരപദാസ്ത്രയഃ സപ്താക്ഷരഃ പരഃ.

പഞ്ചമശ്ചാഥ ഷഷ്ഠശ്ച ദ്വൌ തു പാദൌ ഷക്ഷരൌ.
പഞ്ചാക്ഷരൌ തദന്ത്യൌ ച തേഷാം ഭാവോ നിഗദ്യതേ৷৷29.31৷৷

ഷഡൂര്മയഃ പഞ്ചമം സ്യാത്ഷഷ്ഠഃ ഷട്കൌശികോ മതഃ.
സപ്തമശ്ചാഷ്ടമഃ പാദഃ ശബ്ദാദ്യം വചനാദികമ്৷৷29.33৷৷

അനുലോമജപേങ്ഗാനാമപി പാഠോനുലോമതഃ.
പ്രതിലോമാനി താനി സ്യുഃ പ്രതിലോമവിധൌ തഥാ৷৷29.35৷৷

പ്രതിപത്തിവിശേഷാംശ്ച തത്ര തത്ര വിചക്ഷണഃ.
ഗുര്വാദേശവിധാനേന പ്രവിദധ്യാന്ന ചാന്യഥാ৷৷29.37৷৷

അഥ വാ പഞ്ചഗവ്യോത്ഥചരുണാ ഹുതമുച്യതേ.
പ്രത്യങ്മുഖേന കര്തവ്യം പ്രായോ ജപഹുതാദികമ്৷৷29.39৷৷

തത്പഞ്ചകം ച പ്രത്യേകമാവൃതം പഞ്ചഭിഃ പൃഥക്.
പ്രത്യേകം പഞ്ചകാനാം തു ഷോശാവൃതിരിഷ്യതേ৷৷29.41৷৷

ഏതാവത്യസ്തു ജാതാസ്തദ്വിസ്തരം പുനരൂഹയേത്.
തത്ര ത്വിന്ദ്രിയജാഃ പ്രോക്താ ദേവതാസ്തൂര്ധ്വദൃഷ്ടയഃ৷৷29.43৷৷

ക്ലീബാ മുഖദ്വയോപേതാ ഗോചരോത്ഥാഃ സ്ത്രിയോ മതാഃ.
അധോമുഖാശ്ച തിര്യഞ്ച ഇത്യുക്തോ മൂര്തിസംഗ്രഹഃ৷৷29.45৷৷

ആരമ്ഭേ മാനുപാണി സ്യുര്നക്ഷത്രാണ്യാഭിചാരകേ.
കര്മാണ്യാസുരഭാനി സ്യുര്ദൈവാനി സ്യുസ്തഥാ ഹൃതൌ৷৷29.47৷৷

നന്ദാസ്വാരഭ്യ രിക്താസു പ്രയോജ്യാത്മനി സംഹരേത്.

ഭദ്രാസു സംഗ്രഹം കുര്യാജ്ജയാസു ച വിശേഷതഃ.
ആരേണാരഭ്യ മന്ദേന പ്രയോജ്യാദിത്യവാരകേ৷৷29.49৷৷

ദിനാസ്ത്രം ദിനകൃദ്യുക്തം വാരഗ്രഹസമന്വിതമ്.
കൃത്തികാദി ച കൃത്യാന്തം കൃത്യാസ്ത്രം ജാതവേദസഃ৷৷29.51৷৷

രക്ഷാനിഗ്രഹകര്മണോരനു പരാഗ്വക്ത്രാഃ പ്രധാനാകൃതി-

പ്രഖ്യാ മന്ത്രവിധാനവിച്ച ദിശി ദിശ്യേകാദശൈകാദശ.

സംസ്ഥാപ്യ ക്രമശോക്ഷരോദിതരുചീഃ ശക്തീര്ജപേദ്വാ മനും
സമ്യഗ്വാ ജുഹുയാദനുപ്രതിഗതം സിദ്ധ്യൈ സമാരാധയേത്৷৷29.53৷৷

സുസിതാ പാശാങ്കുശയു-

ഗ്വിഗലദ്വാരിപ്രവാഹസംഭിന്നാ.

വേതസസമിദാഹുത്യാ
മധുരയുജാ മങ്ക്ഷു വര്ഷയേദ്ദുര്ഗാ৷৷29.55৷৷

ലവണൈസ്ത്രിമധുരസിക്തൈ-

സ്തത്കൃതയാ വാ ജുഹോതു പുത്തല്യാ.

ഉഡുതരുകാഷ്ഠൈര്നക്തം
സപ്താഹാന്നൃപതിമപി വശീകുരുതേ৷৷29.57৷৷

ധ്യാത്വാ ധൂമ്രാം മുസല-

ത്രിശിഖകരാമസ്ഥിഭിശ്ച തീക്ഷ്ണാക്തൈഃ.

കാര്പാസാനാം നിമ്ബ-
ച്ഛദമേഷഘൃതൈര്ഹുതാച്ച വിദ്വേഷഃ৷৷29.59৷৷

ശിഖിശൂലകരാഗ്നിനിഭാ

സര്ഷപതൈലാക്തമത്തബീജൈശ്ച.

മരിചൈര്വാ രാജിയുതൈ-
ര്ഹോമാദഹിതാന്വിമോഹയേദ്ദുര്ഗാ৷৷29.61৷৷

നക്ഷത്രവൃക്ഷസമിധോ

മരിചാനി ച തീക്ഷ്ണഹിങ്ഗുശകലാനി.

മാരണകര്മണി വിഹിതാ-
ന്യരുഷ്കരസ്നേഹസിക്താനി৷৷29.63৷৷

മരിചം ക്ഷൌദ്രസമേതം

പ്രത്യക്പുഷ്പീപരാഗസംഭിന്നമ്.

ഉഷ്ണാമ്ഭഃപരിലുലിതം
പ്രസേചയേദൃക്ഷവൃക്ഷപുത്തല്യാഃ৷৷29.65৷৷

സൈവ പ്രതികൃതിരസകൃ-

ത്പ്രതിഷ്ഠിതസമീരണാ ച വിശദധിയാ.

തീക്ഷ്ണസ്നേഹാലിപ്താ
വിലോമജാപേന താപനീയാഗ്നൌ৷৷29.67৷৷

പ്രാക്പ്രോക്താന്ഭൂതവര്ണാന്ദശ ദശ യുഗശോ ബിന്ദുയുക്താന്നമോന്താ-

ന്യോനേര്മധ്യാശ്രമധ്യേഷ്വപി പുനരഥ സംസ്ഥാപ്യ ഭൂതാഭവര്ണാന്.

വര്ണൈസ്തൈഃ സാകമഗ്നേര്മനുമപി കുലിശാദ്യൈഃ സ്വചിഹ്നൈഃ സമേതം
കുര്യാത്കര്മാണി സമ്യക്പടുവിശദമതിഃ സ്തമ്ഭനാദ്യാനി മന്ത്രീ৷৷29.69৷৷

മരുതഃ കപോലബിന്ദുക-

പഞ്ചമവര്ണാഃ ശഹൌ തഥാ വ്യോമ്നഃ.

മനുഷു പരേഷ്വപി മന്ത്രീ
കര്മാണി കരോതു തത്ര സംസിദ്ധ്യൈ৷৷29.71৷৷

സാമുദ്രേ ച സഹിങ്ഗുജീരകവിഷേ സാധ്യര്ക്ഷവൃക്ഷാകൃതിം

കൃത്വാ യോ വദനാഞ്ജലേ ഘടകടാഹാദിശ്രിതേ ക്വാഥയേത്.

സപ്താഹം ജ്വലനം ജപന്വിഷതരോര്യഷ്ട്യാ ശിരസ്താഡനം
കുര്വന്സപ്തദിനാന്തരൈര്യമപുരക്രീഡാപരഃ സ്യാദരിഃ৷৷29.73৷৷

ആര്ദ്രാംശുകോഗ്നിമനുനാ ത്വഥ സപ്തരാത്രം

സിദ്ധാര്ഥതൈലലുലിതൈര്മരിചൈര്ജുഹോതു.

ആരഭ്യ വിഷ്ടിദിവസേരിനരഃ പ്രലാപ-
മൂര്ഛാന്വിതേന വിഷയീക്രിയതേ ജ്വരേണ৷৷29.75৷৷

ആധായ വൈശ്വാനരമാദരേണ

സമര്ച്യ സമ്യങ്മരിചൈര്ജുഹോതു.

തീവ്രോ ജ്വരസ്തസ്യ ഭവേത്പുനസ്ത-
ത്തോയേ ക്ഷിപേദ്വശ്യതമഃ സ ഭൂയാത്৷৷29.77৷৷

കൃത്വാ സ്ഥണ്ഡിലമങ്ഗണേ ഭഗവതീം ന്യാസക്രമൈരര്ചയേ-

ദ്ഗന്ധാദ്യൈഃ പുനരന്ധസാ ച വികിരേന്മന്ത്രീ നിശായാം ബലിമ്.

ജപ്ത്വാ മന്ത്രമമും ച രോഗസഹിതാഃ കൃത്യാനികൃത്യാ കൃതാം-
സ്താംസ്താന്ഭൂതപിശാചവൈരിവിഹിതാന്ദുഃഖാനസൌ നാശയേത്৷৷29.79৷৷

കുസുമരസലുലിതലോണൈ-

ര്വാരുണവദനോ ജുഹോതു സംധ്യാസു.

മന്ത്രാര്ണസംഖ്യമഗ്നേ-
രൈക്യേന ദ്രാവയേദരീനചിരാത്৷৷29.81৷৷

പ്രാശിതസംപാതസ്യ

സ്യാദ്രക്ഷാ സര്വഥൈവ സാധ്യസ്യ.

പ്രാങ്ഗണമന്ദിരയോരപി
നിഖനേദ്ദ്വാരേ ച ശിഷ്ടസംപാതമ്৷৷29.83৷৷

ബ്രഹ്മദ്രുമഫലകാന്തേ

മന്ത്രിതമഃ സപ്തസപ്തകോഷ്ഠയുതേ.

കോണോദരാണി ഹിത്വാ
മായാബീജം സകര്മമധ്യഗതേ৷৷29.85৷৷

ആജ്യേനാഷ്ടസഹസ്രം

ഫലകോപരി സമ്യഗാത്തസംപാതമ്.

വിപ്രതിപത്തിധരായാം
നിഖനേന്നശ്യന്ത്യുപദ്രവാഃ സദ്യഃ৷৷29.87৷৷

മധ്യാഷ്ടാശാന്താസു ച

കുണ്ഡാനാമാരചയ്യ നവകമപി.

വിധിനാ നിവപേത്ക്രമശഃ
സിംഹധനുശ്ഛാഗയായിനി ദിനേശേ৷৷29.89৷৷

ഹസ്തശ്രവണമഖാസു

പ്രാജാപത്യേഷു കര്മ കുര്വീത.

ദ്വാദശസഹസ്രസംഖ്യം
പ്രജപേദ്ഗായത്രമപി യഥാപ്രോക്തമ്৷৷29.91৷৷

താസ്താശ്ച ദേവതാ അപി

പരിപൂജ്യ യഥാക്രമേണ മന്ത്രിതമഃ.

കുര്യാദ്ബലിം ദിനഗ്രഹ-
കരണേഭ്യോ ലോകപാലരാശിഭ്യഃ৷৷29.93৷৷

അര്കേജസ്ഥേബ്ധിഗായാമപരിമിതജലായാം സമാദായ ശുദ്ധാഃ

സംമ്യക്സംശോഷയിത്വാതപമനു സികതാഃ ശൂര്പകോണൈര്വിശോധ്യ.

സംസിദ്ധേ പഞ്ചഗവ്യേ സുമതിരഥ വിനിക്ഷിപ്യ താഃ കുമ്ഭസംസ്ഥാ
മന്ത്രാഗ്നൌ മന്ത്രജാപീ ദ്വിജതരുസമിധാ ഭര്ജയേത്കാര്യഹേതോഃ৷৷29.95৷৷

വ്രീഹിഭിരന്നൈഃ ക്ഷീരൈഃ

സമിദ്ഭിരഥ ദുഗ്ധവീരുധാമാജ്യൈഃ.

മധുരത്രയമധുരതരൈ-
ര്മഹതീമൃദ്ധിം കരോതി ഹുതവിധിനാ৷৷29.97৷৷

സാഹിഝഷോപലമുദധിം

ദഹതി ഹ മതിമാനയത്നമേതേനഃ.

ഏവം പ്രോത്ഥാപയതി ച

മന്ത്രേണാനേന നിശിതധീര്മന്ത്രീ৷৷

പുംസാ കേന കിയദ്വാ
മന്ത്രസ്യാചക്ഷതേസ്യ സാമര്ഥ്യമ്৷৷29.99৷৷