താരാഹ്വയോ വ്യാഹൃതയശ്ച സപ്ത

ഗായത്രിമന്ത്രഃ ശിരസാ സമേതഃ.

അന്വര്ഥകം മന്ത്രമിമം തു വേദ-
സാരം പുനര്വേദവിദോ വദന്തി৷৷28.2৷৷

തേഷാം ശുദ്ധകുലദ്വയോത്ഥമഹസാമാരഭ്യ തന്തുക്രിയാം

താരവ്യാഹൃതിസംയുതാ സഹശിരാ ഗായത്ര്യുപാസ്യാ പരാ.

സംധ്യോപാസനയാ ജപേന ച തഥാ സ്വാധ്യായഭേദൈരപി
പ്രാണായാമവിധാനതഃ സുമതിഭിര്ധ്യാനേന നിത്യം ദ്വിജൈഃ৷৷28.4৷৷

പ്രകാശിതാദൌ പ്രണവപ്രപഞ്ചതാ

നിഗദ്യതേ വ്യാഹൃതിസപ്തകം പുനഃ.

സഭൂര്ഭുവഃ സ്വശ്ച മഹര്ജനസ്തപഃ-
സമന്വിതം സത്യമിതി ക്രമേണ ച৷৷28.6৷৷

ഭൂതത്വാത്കാരണത്വാച്ച ഭുവഃശബ്ദസ്യ സംഗതിഃ.
സര്വസ്വീകരണാത്സ്വാത്മതയാ ച സ്വരിതീരിതമ്৷৷28.8৷৷

തപോ ജ്ഞാനതയാ ചൈവ തഥാ താപതയാ സ്മൃതമ്.
സത്യം പരത്വാദാത്മത്വാദനന്തജ്ഞാനതഃ സ്മൃതമ്৷৷28.10৷৷

ബിന്ദുര്മഹസ്തഥാ നാദോ ജനഃ ശക്തിസ്തപഃ സ്മൃതമ്.
ശാന്തം സത്യമിതി പ്രോക്തം യത്തത്പരതരം പദമ്৷৷28.12৷৷

തദ്ദ്വിതീയൈകവചനമനേനാഖിലവസ്തുനഃ.
സൃഷ്ട്യാദികാരണം തേജോരൂപമാദിത്യമണ്ഡലേ৷৷28.14৷৷

ധാതോരിഹ സമുത്പന്നം പ്രാണിപ്രസവവാചകാത്.
സര്വാസാം പ്രാണിജാതീനാമിതി പ്രസവിതുഃ സദാ৷৷28.16৷৷

പൂര്വസ്യാഷ്ടാക്ഷരസ്യൈവം വ്യാഹൃതിര്ഭൂരിതി സ്മൃതാ.
പാപസ്യ ഭഞ്ജനാദ്ഭര്ഗോ ഭക്തസ്നിഗ്ധതയാ തഥാ৷৷28.18৷৷

ധ്യൈചിന്തായാമതോ ധാതോര്നിഷ്പന്നം ധീമഹീത്യദഃ.
നിഗമാദ്യേന ദിവ്യേന വിദ്യാരൂപേണ ചക്ഷുഷാ৷৷28.20৷৷

യഃ സൂക്ഷ്മഃ സോഹമിത്യേവം ചിന്തയാമഃ സദൈവ തു.
ദ്വിതീയാഷ്ടാക്ഷരസ്യൈവം വ്യാഹൃതിര്ഭുവ ഈരിതാ৷৷28.22৷৷

യത്തു തേജോ നിരുപമം സര്വദേവമയാത്മകമ്.
ഭജതാം പാപനാശസ്യ ഹേതുഭൂതമിഹോച്യതേ৷৷28.24৷৷

തൃതീയാഷ്ടാക്ഷരസ്യാപി വ്യാഹൃതിഃ സ്വരിതീരിതാ.
ഏവം ദശ പദാന്യസ്യാസ്ത്രയശ്ചാഷ്ടാക്ഷരാഃ സ്മൃതാഃ৷৷28.26৷৷

വരേണ്യം ഭജതാം പാപവിനാശനകരം പരമ്.
ഭര്ഗോസ്മാഭിരഭിധ്യാതം ധിയസ്തന്നഃ പ്രചോദയാത്৷৷28.28৷৷

തദാത്മകം ജഗത്സര്വം രസസ്തേജോദ്വയം യുതമ്.
അമൃതം തദനാശിത്വാദ്ബ്രഹ്മത്വാദ്ബ്രഹ്മ ഉച്യതേ৷৷28.30৷৷

ഏതത്തു വേദസാരസ്യ ശിരസ്ത്വാച്ഛിര ഉച്യതേ.
ലക്ഷണൈരിതി നിര്ദിഷ്ടോ വേദസാരേഷു നിഷ്ഠിതഃ৷৷28.32৷৷

ദന്താനാം ധാവനം ചൈവ ജിഹ്വാനിര്ലേഖനാദികമ്.
കൃത്വാ സ്നാത്വാ സമാചമ്യ മന്ത്രപൂതേന വാരിണാ৷৷28.34৷৷

സൂര്യശ്ചേത്യനുവാകേന പുനരാചമ്യ പൂര്വവത്.
അഭ്യുക്ഷ്യ ശുദ്ധദേഹഃ സന്ഗൃഹീത്വാഞ്ജലിനാ ജലമ്৷৷28.36৷৷

ഹൃത്സ്ഥം സര്വസ്യ ലോകസ്യ മണ്ഡലാന്തര്വ്യവസ്ഥിതമ്.
ചിന്തയന്പരമാത്മാനമപ ഊര്ധ്വം വിനിക്ഷിപേത്৷৷28.38৷৷

ക്രമാത്താരാദിമന്ത്രാണാമൃഷ്യാദീന്വിന്യസേത്സുധീഃ.
തത്ര തു പ്രണവസ്യാദാവൃഷിരുക്തഃ പ്രജാപതിഃ৷৷28.40৷৷

വിശ്വാമിത്രവസിഷ്ഠാഖ്യാവൃഷയോ വ്യാഹൃതീരിതാഃ.
ഗായത്ര്യുഷ്ണിഗനുഷ്ടുപ്ച ബൃഹതീ പങ്ക്തിരേവ ച৷৷28.42৷৷

വിശ്വേദേവാ ഇതി പ്രോക്താഃ സപ്ത വ്യാഹൃതിദേവതാഃ.
ഹൃന്മുഖാംസോരുയുഗ്മേഷു സോദരേഷു ക്രമാന്ന്യസേത്৷৷28.44৷৷

ഛന്ദശ്ച ദേവീ ഗായത്രീ പരമാത്മാ ച ദേവതാ.
സ്ഥാനേഷു പൂര്വമുക്തേഷു സതാരാവ്യാഹൃതീര്ന്യസേത്৷৷28.46৷৷

വ്യാപയേദ്വ്യാഹൃതീഃ സമ്യഗ്ഗായത്രീം ച ശിരോയുതാമ്.
സാര്ഥസംസ്മൃതി സംജപ്യാത്ിത്രരിദം ജപലക്ഷണമ്৷৷28.48৷৷

ഏതത്ത്രയം ത്രിശഃ കുര്യാദൃജുകായസ്ത്വനന്യധീഃ.
നിരുച്ഛ്വാസഃ സ വിജ്ഞേയഃ പ്രാണായാമോ മനീഷി28.50ഭിഃ(?)28.50৷৷28.50৷৷

ശതം വാഥ സഹസ്രം വാ മന്ത്രാര്ഥഗതമാനസഃ.
പൂര്വം പ്രപഞ്ചയാഗോക്താന്ഗാണപത്യജപാദികാന്৷৷28.52৷৷

പാദസംധിചതുഷ്കാന്ധുനാഭിഹൃദ്ഗലയോര്ദ്വയീ.
സംധ്യാസ്യനാസാഗണ്ഡാക്ഷികര്ണഭ്രൂമസ്തകേഷ്വപി৷৷28.54৷৷

ശിരോഭ്രൂമധ്യനയനവക്ത്രകണ്ഠേഷു വൈ ക്രമാത്.
ഹൃന്നാഭിഗുഹ്യജാന്വാഖ്യപാദേഷ്വപി പദാന്ന്യസേത്৷৷28.56৷৷

ഏവം കൃത്വാ തു സിദ്ധ്യര്ഥം ഗായത്രീം ദീക്ഷിതോ ജപേത്.
അഥ ത്രിഗുണിതേ പ്രോക്തേ വിചിത്രേ മണ്ഡലോത്തമേ৷৷28.58৷৷

ഗവ്യൈര്വാ പഞ്ചഭിഃ ക്വാഥജലൈര്വാ പൂരയേത്തതഃ.
തസ്മിന്നാവാഹ്യ കലശേ ശക്തിമിത്ഥം വിചിന്തയേത്৷৷28.60৷৷

സംചിന്ത്യ ഭര്താരമിതി പ്രഭാണാം

ത്രിശക്തിമൂര്തീഃ പ്രഥമം സമര്ച്യ.

ആദിത്യശക്ത്യാഖ്യചതുഷ്ടയേന
യജേദ്ദ്വിതീയാവരണേ ദിനേശമ്৷৷28.62৷৷

തമോപഹാരിണീം സൂക്ഷ്മാം വിശ്വയോനിം ജയാവഹാമ്.
പദ്മാലയാം പരാം ശോഭാം ഭദ്രരൂപാം തഥാ യജേത്৷৷28.64৷৷

ആവൃതിഃ കഥിതാ ചേതി വിധാനം പരമീദൃശമ്.
ഗന്ധാദിഭിര്നിവേദ്യാന്തൈര്ദിനേശം സമ്യഗര്ചയേത്৷৷28.66৷৷

ഭൂയസ്ത്വക്ഷരലക്ഷം

ഗായത്രീം സംയതാത്മകോ ജപ്ത്വാ.

ജുഹുയാത്പായസതിലഘൃത-
ദൂര്വാഭിര്ദുഗ്ധതരുസമിദ്ഭിരപി৷৷28.68৷৷

ദുരിതോച്ഛേദനവിധയേ

മന്ത്രീ ദീര്ഘായുഷേ ച വിശദമതിഃ.

ആയുഷ്കാമോ ജുഹുയാ-
ത്പായസഹവിരാജ്യകേവലാജ്യൈശ്ച৷৷28.70৷৷

നഷ്ടശ്രീരപി ഭൂയോ

ഭവതി മനോജ്ഞശ്ച മന്ദിരം ലക്ഷ്മ്യാഃ.

അന്നാദ്യര്ഥ്യന്നൈരപി

പാലാശൈര്ബ്രഹ്മവര്ചസേ ജുഹുയാത്.

സര്വൈരേതൈര്ജുഹുയാ-
ത്സര്വഫലാപ്ത്യൈ ദ്വിജേശ്വരോ മതിമാന്৷৷28.72৷৷