അഹിശശധരഗങ്ഗാബദ്ധതുങ്ഗാപ്തമൌലി-

സ്ത്രിദശഗണനതാങ്ഘ്രിസ്ത്രീക്ഷണഃ സ്ത്രീവിലാസീ.

ഭുജഗപരശുശൂലാന്ഖഡ്ഗവഹ്നീ കപാലം
ശരമപി ധനുരീശോ ബിഭ്രദവ്യാച്ചിരം വഃ৷৷27.3৷৷

അഥ വാ ഷോഡശശൂല-

വ്യഗ്രഭുജാ ത്രിണയനാഭിനദ്ധാങ്ഗീ.

അരുണാംശുകാനുലേപന-
വര്ണാഭരണാ ച ഭഗവതീ ധ്യേയാ৷৷27.5৷৷

ശൈവോക്തപീഠേങ്ഗപദൈര്യഥാവ-

ദ്വൃക്ഷേചദുര്ഗുര്നഗശൈര്മുഖാദ്യൈഃ.

സമാതൃഭിര്ദിക്പതിഭിര്മഹേശം
പഞ്ചോപഹാരൈര്വിധിനാര്ചയീത৷৷27.7৷৷

കാത്പൂര്വം ഹസലിപിസംയുതം ജപാദൌ

ജപ്തൃാം പ്രവരമിതീഹ കേചിദാഹുഃ.

പ്രാസാദാദ്യയുതജപേന മങ്ക്ഷു കുര്യാ-
ദാവേശാദികമപി നീരുജാം ച മന്ത്രീ৷৷27.9৷৷

നിജവര്ണവികീര്ണകോണവൈശ്വാ-

നരഗേഹദ്വിതയാവൃതത്രികോണേ.

വിഗതസ്വരവീതമുത്തമാങ്ഗേ
സ്മൃതമേതത്ക്ഷപയേത്ക്ഷണാദ്ഗ്രഹാര്തിമ്৷৷27.11৷৷

ശുക്ലാദിഃ ശുക്ലഭാഃ പൌഷ്ടികശമനവിധൌ കൃഷ്ടിവശ്യേഷു രക്തോ

രക്താദിഃ ക്ഷോഭസംസ്തോഭനവിധിഷു ഹകാരാദികോ ഹേമവര്ണഃ.

ധൂമ്രോങ്ഗാമര്ദനോച്ചാടനവിധിഷു സമീരാദികോദാദിരുക്തഃ
പീതാഭഃ സ്തമ്ഭനാദൌ മനുരതിവിമലോ ഭുക്തിഭാജാമദാദിഃ৷৷27.13৷৷

പ്രാലേയത്വിഷി ച സ്വരാവൃതമിദം നേത്രേ സ്മൃതം തദ്രുജം

യോനൌ വാമദൃശോസ്രവിസ്രുതിമഥോ കുക്ഷൌ ച ശൂലം ജപേത്.

വിസ്ഫോടേ സവിഷേ ജ്വരേ തൃഷി തഥാ രക്താമയേ വിഭ്രമേ
ദാഹേ ശീര്ഷഗദേ സ്മരേദ്വിധിമിമം സംതൃപ്തയേ മന്ത്രവിത്৷৷27.15৷৷

പാരിഭദ്രസുമനോദലഭദ്രം

വഹ്നിബിമ്ബഗതമക്ഷരമേതത്.

സംസ്മരേച്ഛിരസി യസ്യ സ വശ്യോ
ജായതേ ന ഖലു തത്ര വിചാരഃ৷৷27.17৷৷

നിജശിവശിരഃശ്രിതം ത-

ദ്ബിമ്ബം സ്മൃത്വാ പ്രവേശയേദ്യോനൌ.

യസ്യാസ്തത്സംപര്കാ-
ത്താം ച ക്ഷരയേത്ക്ഷണേന വശയേച്ച৷৷27.19৷৷

മധുരത്രയസംയുതേന ശാലീ-

രജസാ പുത്തലികാം വിധായ തേന.

മനുനാ ജുഹുയാത്തയാ വിഭജ്യ
ത്രിദിനം യസ്യ കൃതേ വശോ ഭവേത്സഃ৷৷27.21৷৷

കണ്ഠേ കേനാവനദ്ധാര്പിതദഹനയുജാ മജ്ജയാ മേന വാമം

ദക്ഷം സംവേഷ്ട്യ വക്ഷോരുഹമനലസമീരൌഭിരംസദ്വയം ച.

വക്ത്രേ നാഭൌ ച ദീര്ഘം സുമതിരഥ വിനിക്ഷിപ്യ ബിന്ദും നിശേശം
വക്ഷസ്യാധായ ബദ്ധ്വാ ചിരമിവ വിഹരേത്കന്ദുകൈരാത്മസാധ്യൈഃ৷৷27.23৷৷

സാധ്യാഖ്യാഗര്ഭമേനം ലിഖ ദഹനപുരേ കര്ണികായാം ഷഡശ്രം

ബാഹ്യേശ്രിഷ്വങ്ഗമന്ത്രാന്ദലമനു പരിതോ ബീജവര്ണാന്വിഭജ്യ.

ഭൂയോചഃ കാദിയാദീംസ്ത്രിഷു വൃതിഷു കുഗേഹാശ്രകേ നാരസിംഹം
തസ്മിന്കാര്യോ യഥാവത്കലശവിധിരയം സര്വരക്ഷാകരഃ സ്യാത്৷৷27.25৷৷

ബിമ്ബദ്വന്ദ്വേ കൃശാനോര്വിലിഖതു മണിമേനം സസാധ്യം തദശ്രി-

ഷ്വഗ്ന്യാദീന്വ്യഞ്ജനാര്ണാന്സ്വരയുഗലമഥോ സംധിഷട്കേ യഥാവത്.

താരാവീതം ച ബാഹ്യേ കുഗൃഹപരിവൃതം ഗോമയാബ്രോചനാഭ്യാം
ലാക്ഷാബദ്ധം നിബധ്യാജ്ജപമഹിതമിദം സാധു സാധ്യോത്തമാങ്ഗേ৷৷27.27৷৷

സാധ്യാഖ്യാകര്മയുക്തം ദഹനപുരയുഗേ മന്ത്രമേനം തദശ്രി-

ഷ്വഗ്നിജ്വാലാശ്ച ബാഹ്യേ വിഷതരുവിടപേ സാഗ്രശാഖേ ലിഖിത്വാ.

ജപ്ത്വാഷ്ടോര്ധ്വം സഹസ്രം നൃഹരികൃതധിയാ സ്വാപയേത്തത്ര ശത്രു-
വ്യാഘ്രാദിക്രോഡചോരാദിഭിരപി ച പിശാചാദയോ ന വ്രജന്തി৷৷27.29৷৷

ഷഷ്ഠസ്വരോ ഹുതവഹസ്തയയോസ്തുരീയാ-

വാദ്യസ്വരോ മനുരയം കഥിതഃ ഫഡന്തഃ.

അസ്യ ത്രികോ നിഗദിതോ മനുരപ്യനുഷ്ടു
പ്ഛന്ദശ്ച ചണ്ഡസഹിതോ മനുദേവതേശഃ৷৷27.31৷৷

അവ്യാത്കപര്ദകലിതേന്ദുകരഃ കരാത്ത-

ശൂലാക്ഷസൂത്രകകമണ്ഡലുടങ്ക ഈശഃ.

രക്താഭവര്ണവസനോരുണപങ്കജസ്ഥോ
നേത്രത്രയോല്ലസിതവക്ത്രസരോരുഹോ വഃ৷৷27.33৷৷

വ്യാഘാതസമിദ്ഭിര്വാ

മനുജാപീ താവതീഭിരഥ ജുഹുയാത്.

പൂര്വോക്താര്ചാപീഠേ
ഗന്ധാദ്യൈരര്ചയേച്ച ചണ്ഡേശമ്৷৷27.35৷৷

തന്നശ്ചണ്ഡ ഇതി പ്രോക്ത്വാ ഭൂയോ ബ്രൂയാത്പ്രചോദയാത്.
ഏഷാ തു ചണ്ഡഗായത്രീ ജപാത്സാംനിധ്യകാരിണീ৷৷27.37৷৷

വദേച്ചണ്ഡേശ്വരായേതി ബീജാദിഹൃദയാന്തികമ്.
അര്ചനാദിഷ്വിമം മന്ത്രം യഥാവത്സംപ്രയോജയേത്৷৷27.39৷৷

ത്ര്യക്ഷരസ്യ ജപോ യാവത്താവജ്ജപ്യാത്ഷഡക്ഷരമ്.
ഐഹികാമുഷ്മികീം സിദ്ധിം യഥാ ഹി ലഭതേ നരഃ৷৷27.41৷৷

അനുദിനമഷ്ടശതം യോ

ജുഹുയാത്പുഷ്പൈരനേന മന്ത്രേണ.

സപ്തദിനൈഃ സ തു ലഭതേ
വാസസ്തദ്വര്ണസംകാശമ്৷৷27.43৷৷

സാധ്യര്ക്ഷാങ്ഘ്രിപചര്മണാം സുമസൃണാം പിഷ്ടൈശ്ച ലോണൈഃ സമം

കൃത്വാ പുത്തലികാം പ്രതിഷ്ഠിതചലാം ജപ്ത്വാ ച രാത്രൌ ഹുനേത്.

സപ്താഹം പുരുഷോങ്ഗനാ യദി ചിരം വശ്യം ത്വവശ്യം ഭവേ-
ദസ്മിഞ്ജന്മനി നാത്ര ചോദ്യവിഷയോ ദേഹാന്തരേ സംശയഃ৷৷27.45৷৷