अहिशशधरगङ्गाबद्धतुङ्गाप्तमौलि

स्त्रिदशगणनताङ्घ्रिस्त्रीक्षणः स्त्रीविलासी।

भुजगपरशुशूलान्खड्गवह्नी कपालं
शरमपि धनुरीशो बिभ्रदव्याच्चिरं वः।।27.3।।

अथ वा षोडशशूल

व्यग्रभुजा त्रिणयनाभिनद्धाङ्गी।

अरुणांशुकानुलेपन
वर्णाभरणा च भगवती ध्येया।।27.5।।

शैवोक्तपीठेऽङ्गपदैर्यथाव

द्वृक्षेचदुर्गुर्नगशैर्मुखाद्यैः।

समातृभिर्दिक्पतिभिर्महेशं
पञ्चोपहारैर्विधिनार्चयीत।।27.7।।

कात्पूर्वं हसलिपिसंयुतं जपादौ

जप्तृ़णां प्रवरमितीह केचिदाहुः।

प्रासादाद्ययुतजपेन मङ्क्षु कुर्या
दावेशादिकमपि नीरुजां च मन्त्री।।27.9।।

निजवर्णविकीर्णकोणवैश्वा

नरगेहद्वितयावृतत्रिकोणे।

विगतस्वरवीतमुत्तमाङ्गे
स्मृतमेतत्क्षपयेत्क्षणाद्ग्रहार्तिम्।।27.11।।

शुक्लादिः शुक्लभाः पौष्टिकशमनविधौ कृष्टिवश्येषु रक्तो

रक्तादिः क्षोभसंस्तोभनविधिषु हकारादिको हेमवर्णः।

धूम्रोऽङ्गामर्दनोच्चाटनविधिषु समीरादिकोऽदादिरुक्तः
पीताभः स्तम्भनादौ मनुरतिविमलो भुक्तिभाजामदादिः।।27.13।।

प्रालेयत्विषि च स्वरावृतमिदं नेत्रे स्मृतं तद्रुजं

योनौ वामदृशोऽस्रविस्रुतिमथो कुक्षौ च शूलं जपेत्।

विस्फोटे सविषे ज्वरे तृषि तथा रक्तामये विभ्रमे
दाहे शीर्षगदे स्मरेद्विधिमिमं संतृप्तये मन्त्रवित्।।27.15।।

पारिभद्रसुमनोदलभद्रं

वह्निबिम्बगतमक्षरमेतत्।

संस्मरेच्छिरसि यस्य स वश्यो
जायते न खलु तत्र विचारः।।27.17।।

निजशिवशिरःश्रितं त

द्बिम्बं स्मृत्वा प्रवेशयेद्योनौ।

यस्यास्तत्संपर्का
त्तां च क्षरयेत्क्षणेन वशयेच्च।।27.19।।

मधुरत्रयसंयुतेन शाली

रजसा पुत्तलिकां विधाय तेन।

मनुना जुहुयात्तया विभज्य
त्रिदिनं यस्य कृते वशो भवेत्सः।।27.21।।

कण्ठे केनावनद्धार्पितदहनयुजा मज्जया मेन वामं

दक्षं संवेष्ट्य वक्षोरुहमनलसमीरौभिरंसद्वयं च।

वक्त्रे नाभौ च दीर्घं सुमतिरथ विनिक्षिप्य बिन्दुं निशेशं
वक्षस्याधाय बद्ध्वा चिरमिव विहरेत्कन्दुकैरात्मसाध्यैः।।27.23।।

साध्याख्यागर्भमेनं लिख दहनपुरे कर्णिकायां षडश्रं

बाह्येऽश्रिष्वङ्गमन्त्रान्दलमनु परितो बीजवर्णान्विभज्य।

भूयोऽचः कादियादींस्त्रिषु वृतिषु कुगेहाश्रके नारसिंहं
तस्मिन्कार्यो यथावत्कलशविधिरयं सर्वरक्षाकरः स्यात्।।27.25।।

बिम्बद्वन्द्वे कृशानोर्विलिखतु मणिमेनं ससाध्यं तदश्रि

ष्वग्न्यादीन्व्यञ्जनार्णान्स्वरयुगलमथो संधिषट्के यथावत्।

तारावीतं च बाह्ये कुगृहपरिवृतं गोमयाब्रोचनाभ्यां
लाक्षाबद्धं निबध्याज्जपमहितमिदं साधु साध्योत्तमाङ्गे।।27.27।।

साध्याख्याकर्मयुक्तं दहनपुरयुगे मन्त्रमेनं तदश्रि

ष्वग्निज्वालाश्च बाह्ये विषतरुविटपे साग्रशाखे लिखित्वा।

जप्त्वाष्टोर्ध्वं सहस्रं नृहरिकृतधिया स्वापयेत्तत्र शत्रु
व्याघ्रादिक्रोडचोरादिभिरपि च पिशाचादयो न व्रजन्ति।।27.29।।

षष्ठस्वरो हुतवहस्तययोस्तुरीया

वाद्यस्वरो मनुरयं कथितः फडन्तः।

अस्य त्रिको निगदितो मनुरप्यनुष्टु
प्छन्दश्च चण्डसहितो मनुदेवतेशः।।27.31।।

अव्यात्कपर्दकलितेन्दुकरः करात्त

शूलाक्षसूत्रककमण्डलुटङ्क ईशः।

रक्ताभवर्णवसनोऽरुणपङ्कजस्थो
नेत्रत्रयोल्लसितवक्त्रसरोरुहो वः।।27.33।।

व्याघातसमिद्भिर्वा

मनुजापी तावतीभिरथ जुहुयात्।

पूर्वोक्तार्चापीठे
गन्धाद्यैरर्चयेच्च चण्डेशम्।।27.35।।

तन्नश्चण्ड इति प्रोक्त्वा भूयो ब्रूयात्प्रचोदयात्।
एषा तु चण्डगायत्री जपात्सांनिध्यकारिणी।।27.37।।

वदेच्चण्डेश्वरायेति बीजादिहृदयान्तिकम्।
अर्चनादिष्विमं मन्त्रं यथावत्संप्रयोजयेत्।।27.39।।

त्र्यक्षरस्य जपो यावत्तावज्जप्यात्षडक्षरम्।
ऐहिकामुष्मिकीं सिद्धिं यथा हि लभते नरः।।27.41।।

अनुदिनमष्टशतं यो

जुहुयात्पुष्पैरनेन मन्त्रेण।

सप्तदिनैः स तु लभते
वासस्तद्वर्णसंकाशम्।।27.43।।

साध्यर्क्षाङ्घ्रिपचर्मणां सुमसृणां पिष्टैश्च लोणैः समं

कृत्वा पुत्तलिकां प्रतिष्ठितचलां जप्त्वा च रात्रौ हुनेत्।

सप्ताहं पुरुषोऽङ्गना यदि चिरं वश्यं त्ववश्यं भवे
दस्मिञ्जन्मनि नात्र चोद्यविषयो देहान्तरे संशयः।।27.45।।