പ്രസാദനത്വാന്മനസോ യഥാവ-

ത്പ്രാസാദസംജ്ഞാസ്യ മനോഃ പ്രദിഷ്ടാ.

അന്ത്യാത്തൃതീയഃ പ്രതിലോമതഃ സ്യാ-
ദനുഗ്രഹാര്ധേന്ദുയുതശ്ച മന്ത്രഃ৷৷25.2৷৷

ശൂലാഹീ ടങ്കഘണ്ടാസിസൃണികുലിശപാശാഗ്ന്യഭീതീര്ദധാനം

ദോര്ഭിഃ ശീതാംശുഖണ്ഡപ്രതിഘടിതജടാഭാരമൌലിം ത്രിണേത്രമ്.

നാനാകല്പാഭിരാമാപഘനമഭിമതാര്ഥപ്രദം സുപ്രസന്നം
പദ്മസ്ഥം പഞ്ചവക്ത്രം സ്ഫടികമണിനിഭം പാര്വതീശം നമാമി৷৷25.4৷৷

ഈശാനസ്തത്പുരുഷോ-

ഘോരാഖ്യോ വാമദേവസംജ്ഞശ്ച.

സദ്യോജാതാഹ്വയ ഇതി
മന്ത്രാണാം ദേവതാഃ ക്രമാത്പഞ്ച৷৷25.6৷৷

പ്രതിപാദ്യ നിജം ശരീരമേവം

പ്രജപേദിന്ദ്രിയലക്ഷകം ശിവാത്മാ.

ജുഹുയാച്ച ദശാംശതസ്തദന്തേ
മധുരാക്തൈഃ കരവീരജപ്രസൂനൈഃ৷৷25.8৷৷

അഷ്ടപത്രഗുണവൃത്തരാശിഭി-

ര്വീഥികല്പതരുഭിഃ സമാവൃതമ്.

മണ്ഡലം പ്രതിവിധായ ശൂലിനഃ
പീഠമത്ര നവശക്തിഭിര്യജേത്৷৷25.10৷৷

താരാദികം നതിമപി

പ്രോക്ത്വാ ഭഗവത്പദം ചതുര്ഥ്യന്തമ്.

സകലഗുണാത്മപദാന്തേ
ശക്തിം യുക്തായ ചേതി സംഭാഷ്യ৷৷25.12৷৷

ന്യാസക്രമേണ ദേഹേ

മന്ത്രീ ഗന്ധാദികമപി പൂജ്യ.

പൂര്വോക്തദിക്ഷു മൂര്തീര്വിദിക്ഷു
സനിവൃത്തിപൂര്വികാശ്ച യജേത്৷৷25.14৷৷

വിദ്യുദ്വര്ണോഥ വേദാഭയവരദകുഠാരാന്ദധത്പൂരുഷാഖ്യഃ

പ്രോക്താഃ സര്വേ ത്രിണേത്രാ വിധൃതമുഖചതുഷ്കാശ്ചതുര്ബാഹവശ്ച.

മുക്താഗൌരോഭയേഷ്ടാധികകരകമലോഘോരതഃ പഞ്ചവക്ത്ര-
സ്ത്വീശോ ധ്യേയോമ്ബുജന്മോദ്ഭവമുരരിപുരുദ്രേശ്വരാഃ സ്യുഃ ശിവാന്താഃ৷৷25.16৷৷

അനന്തസൂക്ഷ്മൌ ച ശിവോത്തമശ്ച

തഥൈകപൂര്വാവപി നേത്രരുദ്രൌ.

ത്രിമൂര്തിശ്രീകണ്ഠശിഖണ്ഡിനശ്ച
പ്രാഗാദിപത്രേഷു സമര്ചനീയാഃ৷৷25.18৷৷

പാടലപീതസിതാരുണ-

ശിതിരക്തശശിപ്രഭാശ്ച ധൂമ്രാന്താഃ.

കോടീരഘടിതവിലസ-
ച്ഛശിശകലയുതാശ്ച മൂര്തയഃ ക്രമശഃ৷৷25.20৷৷

കനകവിഡൂരജവിദ്രുമ-

മരതകമുക്താസിതാച്ഛരക്താഭാഃ.

പദ്മാസനസംസ്ഥാശ്ച
ക്രമാദുമാദ്യാ ഗുണാന്തികാഃ പ്രോക്താഃ৷৷25.22৷৷

അമുനാ വിധിനാ മഹേശപൂജാം

ദിനശോ യഃ കുരുതേ സമാഹിതാത്മാ.

സ തു സമ്യഗവാപ്യ ദൃഷ്ടഭോഗാ-
ന്പരമന്തേ പരിപൂര്ണമേതി ധാമ৷৷25.24৷৷

ഈശോനുഷ്ടുബ്ഭൂരീ-

ശ്വരാഃ സ തത്പുരുഷസംജ്ഞഗായത്ര്യാപഃ.

പുനരഗ്ന്യനുഷ്ടുബാപോ വാമദേവഃ
കതിഭര്ഗഹരസ്ത്വനുഷ്ടുബ്ഭഗയുക്৷৷25.26৷৷

ജ്വലിതശിഖിശിഖേത്യ-

നാദിബോധായ ചാന്വിതേതി ശിഖാ.

വജ്രിണേ വജ്രധരായ

സ്വാഹാസ്വതന്ത്രായ വര്മ നേത്രം ച.

സൌ സൌ ഹൌ ബിന്ദുയുതം
സംപ്രോക്ത്വാ ലുപ്തശക്തയേ ച തഥാ৷৷25.28৷৷

കരദേഹമുഖന്യാസം മന്ത്രൈഃ പൂര്വവദാചരേത്.
കലാഃ പ്രവിന്യസേദ്ദേഹേ വക്ഷ്യമാണക്രമേണ തു৷৷25.30৷৷

ദിക്ഷു പ്രാഗ്യാമ്യവാരീവസുപനിജഭുവാമൈന്ദ്രവാരര്കിരാജ്ഞാം

ഹൃദ്ഗ്രീവാംസദ്വയീനാഭ്യുദരചരമവക്ഷഃസു ഗുഹ്യാങ്കയോശ്ച.

സ്രോര്വോര്ജാന്വോഃ സജങ്ഘാസ്ഫിഗുഭയകടീപാര്ശ്വപദ്ദോസ്തലേഷു
ഘ്രാണേ കം ബാഹുയുഗ്മേഷ്വതിവിശദമതിര്വിന്യസേദങ്ഗുലീഭിഃ৷৷25.32৷৷

ന്യസ്യൈവം പഞ്ചഭിര്ബ്രഹ്മഭിരഥ ശിവമാരാധയേദൃഗ്ഭിരാഭി-

ര്മധ്യപ്രാഗ്യാമ്യസൌമ്യാപരദിശി പുനരങ്ഗൈരനന്താദിഭിശ്ച.

അന്യോ മാദ്യൈര്ദിശാപൈഃ പുനരപി കുലിശാദ്യൈര്യജേദേവമുക്തം
പാഞ്ചബ്രഹ്മം വിധാനം സകലസുഖയശോഭുക്തിമുക്തിപ്രദം ച৷৷25.34৷৷

മേഷോ വിഷോ വിസര്ഗീ

മൃത്യുഃ സാക്ഷീ സവാക്ഷരഃ പവനഃ.

താരാദ്ഭവതി യദസ്മാ-
ത്തദാദിരഭിധീയതേ മനുപ്രവരഃ৷৷.25.36৷৷

പ്രോക്തമൃഷ്യാദികം പൂര്വമങ്ഗവര്ണൈസ്തു മന്ത്രകൈഃ.
അങ്ഗുലീദേഹവക്ത്രേഷു മൂലമന്ത്രാക്ഷരാദികാന്৷৷25.38৷৷

വക്ത്രഹൃത്പാദഗുഹ്യാഖ്യമൂര്ധസ്വപി ച നാമഭിഃ.
പ്രാഗ്യാമ്യവാരുണോദീച്യവ25.40ക്ത്രേ(?)25.40ഷ്വപി ച മൂര്ധസു৷৷25.40৷৷

അക്ഷരലക്ഷചതുഷ്കം

ജപ്യാത്താവത്സഹസ്രമപി ജുഹുയാത്.

ശുദ്ധൈസ്തിലൈര്ഘൃതൈര്വാ
ദുഗ്ധാന്നൈര്ദുഗ്ധഭൂരുഹേധ്മൈര്വാ৷৷25.42৷৷

ആവൃതിരാദ്യാ മൂര്തിഭി-

രങ്ഗൈരന്യാ പരാപ്യനന്താദ്യൈഃ.

അപരോമാദിഭിരപരേ-
ന്ദ്രാദ്യൈരപരാ തദായുധൈഃ പ്രോക്താ৷৷25.44৷৷

ഹൃന്മുഖാംസോരുയുഗ്മേഷു ഷഡ്വര്ണാന്ക്രമതോ ന്യസേത്.
കര്ണമൂലേ തഥാ നാഭൌ പാര്ശ്വയുക്പൃഷ്ഠഹൃത്സു ച৷৷25.46৷৷

ത്ദൃ(?)ദാനനപരശ്വേണാഭീത്യാഖ്യവരദേഷു ച.
മുഖാംസഹൃദയേഷു ത്രീന്പദാന്പാദോരുകുക്ഷിഷു৷৷25.48৷৷

ലാലാടദ്വ്യംസജഠരഹൃദയേഷു ക്രമാന്ന്യസേത്.
പുനസ്തത്പ്രതിപത്ത്യര്ഥം ജപേന്മന്ത്രമിമം സുധീഃ৷৷25.50৷৷

കുര്യാദനേന മന്ത്രേണ നിജദേഹേ സമാഹിതഃ.
മന്ത്രീ പുഷ്പാഞ്ജലിം സമ്യക്ത്രിശഃ പഞ്ചശ ഏവ വാ৷৷25.52৷৷

അന്യാ ച വാസവാദ്യൈഃ

പുനരുപഹാരൈഃ ക്രമേണ ഭക്തിമതാ.

അഭ്യര്ചിതേ ഹുതേ ച
സ്തോതവ്യഃ സംസ്തവേന പുനരീശഃ৷৷25.54৷৷

നമശ്ചതുര്ധാ പ്രോദ്ഭൂതഭൂതഭൂതാത്മനേ ഭുവഃ.
ഭൂരിഭാരാര്തിസംഹര്ത്രേ ഭൂതനാഥായ ശൂലിനേ৷৷25.56৷৷

നമോ ലലാടനയനപ്രോല്ലസത്കൃഷ്ണവര്ത്മനേ.
ധ്വസ്തസ്മരനിരസ്താധിയോഗിധ്യാതായ ശംഭവേ৷৷25.58৷৷

സ്ഥൂലായ മൂലഭൂതായ ശൂലദാരിതവിദ്വിഷേ.
കാലഹന്ത്രേ നമശ്ചന്ദ്രഖണ്ഡമണ്ഡിതമൌലയേ৷৷25.60৷৷

ഭസ്മാഭ്യക്തായ ഭക്താനാം ഭുക്തിമുക്തിപ്രദായിനേ.
വ്യക്താവ്യക്തസ്വരൂപായ ശംകരായ നമോ നമഃ৷৷25.62৷৷

വിയന്മരുദ്ധുതവഹവാര്വസുംധരാ-

മഖേശരവ്യമൃതമയൂഖമൂര്തയേ.

നമഃ സദാ നരകഭയാവഭേദിനേ
ഭവേഹ നോ ഭവഭയഭങ്ഗകൃദ്വിഭോ৷৷25.64৷৷

സംതര്പ്യ വിപ്രാന്പുനരേവമേവ

സംപൂജയേദിന്ദുകലാവതംസമ്.

ജപേദ്യഥാശക്തി ശിവസ്വരൂപീ
ഭൂത്വാ തതോന്തേ ച ശിവഃ സ ഭൂയാത്৷৷25.66৷৷

വന്ദേ ഹരം വരദശൂലകപാലഹസ്തം

സാഭീതിമദ്രിസുതയോജ്ജ്വലദേഹകാന്തിമ്.

വാമോരുപീഠഗതയാ നിജവാമഹസ്ത-
ന്യസ്താരുണോത്പലരുചാ പരിരബ്ധദേഹമ്৷৷25.68৷৷

ആപ്യായിനീ ശശിയുതാപ്യരുണാഗ്നിമായാ

ബിന്ദ്വന്തികാ ചലകുലീഭുവനേന്ദുയുക്താ.

ദീര്ഘാകലായുതശിവശ്ച ശിവായവര്ണാ-
സ്യാച്ഛൂലിനോ മനുരയം വസുവര്ണയോഗീ৷৷25.70৷৷

പഞ്ചാര്ണോക്താങ്ഗാദ്യഃ

പഞ്ചബ്രഹ്മപ്രദിഷ്ടപൂജശ്ച.

വസുമിതലക്ഷജപോയം
മന്ത്രസ്താവത്സഹസ്രഹോമശ്ച৷৷25.72৷৷