प्रसादनत्वान्मनसो यथाव

त्प्रासादसंज्ञास्य मनोः प्रदिष्टा।

अन्त्यात्तृतीयः प्रतिलोमतः स्या
दनुग्रहार्धेन्दुयुतश्च मन्त्रः।।25.2।।

शूलाही टङ्कघण्टासिसृणिकुलिशपाशाग्न्यभीतीर्दधानं

दोर्भिः शीतांशुखण्डप्रतिघटितजटाभारमौलिं त्रिणेत्रम्।

नानाकल्पाभिरामापघनमभिमतार्थप्रदं सुप्रसन्नं
पद्मस्थं पञ्चवक्त्रं स्फटिकमणिनिभं पार्वतीशं नमामि।।25.4।।

ईशानस्तत्पुरुषो

ऽघोराख्यो वामदेवसंज्ञश्च।

सद्योजाताह्वय इति
मन्त्राणां देवताः क्रमात्पञ्च।।25.6।।

प्रतिपाद्य निजं शरीरमेवं

प्रजपेदिन्द्रियलक्षकं शिवात्मा।

जुहुयाच्च दशांशतस्तदन्ते
मधुराक्तैः करवीरजप्रसूनैः।।25.8।।

अष्टपत्रगुणवृत्तराशिभि

र्वीथिकल्पतरुभिः समावृतम्।

मण्डलं प्रतिविधाय शूलिनः
पीठमत्र नवशक्तिभिर्यजेत्।।25.10।।

तारादिकं नतिमपि

प्रोक्त्वा भगवत्पदं चतुर्थ्यन्तम्।

सकलगुणात्मपदान्ते
शक्तिं युक्ताय चेति संभाष्य।।25.12।।

न्यासक्रमेण देहे

मन्त्री गन्धादिकमपि पूज्य।

पूर्वोक्तदिक्षु मूर्तीर्विदिक्षु
सनिवृत्तिपूर्विकाश्च यजेत्।।25.14।।

विद्युद्वर्णोऽथ वेदाभयवरदकुठारान्दधत्पूरुषाख्यः

प्रोक्ताः सर्वे त्रिणेत्रा विधृतमुखचतुष्काश्चतुर्बाहवश्च।

मुक्तागौरोऽभयेष्टाधिककरकमलोऽघोरतः पञ्चवक्त्र
स्त्वीशो ध्येयोऽम्बुजन्मोद्भवमुररिपुरुद्रेश्वराः स्युः शिवान्ताः।।25.16।।

अनन्तसूक्ष्मौ च शिवोत्तमश्च

तथैकपूर्वावपि नेत्ररुद्रौ।

त्रिमूर्तिश्रीकण्ठशिखण्डिनश्च
प्रागादिपत्रेषु समर्चनीयाः।।25.18।।

पाटलपीतसितारुण

शितिरक्तशशिप्रभाश्च धूम्रान्ताः।

कोटीरघटितविलस
च्छशिशकलयुताश्च मूर्तयः क्रमशः।।25.20।।

कनकविडूरजविद्रुम

मरतकमुक्तासिताच्छरक्ताभाः।

पद्मासनसंस्थाश्च
क्रमादुमाद्या गुणान्तिकाः प्रोक्ताः।।25.22।।

अमुना विधिना महेशपूजां

दिनशो यः कुरुते समाहितात्मा।

स तु सम्यगवाप्य दृष्टभोगा
न्परमन्ते परिपूर्णमेति धाम।।25.24।।

ईशोऽनुष्टुब्भूरी

श्वराः स तत्पुरुषसंज्ञगायत्र्यापः।

पुनरग्न्यनुष्टुबापो वामदेवः
कतिभर्गहरस्त्वनुष्टुब्भगयुक्।।25.26।।

ज्वलितशिखिशिखेत्य

नादिबोधाय चान्वितेति शिखा।

वज्रिणे वज्रधराय

स्वाहास्वतन्त्राय वर्म नेत्रं च।

सौ सौ हौ बिन्दुयुतं
संप्रोक्त्वा लुप्तशक्तये च तथा।।25.28।।

करदेहमुखन्यासं मन्त्रैः पूर्ववदाचरेत्।
कलाः प्रविन्यसेद्देहे वक्ष्यमाणक्रमेण तु।।25.30।।

दिक्षु प्राग्याम्यवारीवसुपनिजभुवामैन्द्रवारर्किराज्ञां

हृद्ग्रीवांसद्वयीनाभ्युदरचरमवक्षःसु गुह्याङ्कयोश्च।

स्रोर्वोर्जान्वोः सजङ्घास्फिगुभयकटीपार्श्वपद्दोस्तलेषु
घ्राणे कं बाहुयुग्मेष्वतिविशदमतिर्विन्यसेदङ्गुलीभिः।।25.32।।

न्यस्यैवं पञ्चभिर्ब्रह्मभिरथ शिवमाराधयेदृग्भिराभि

र्मध्यप्राग्याम्यसौम्यापरदिशि पुनरङ्गैरनन्तादिभिश्च।

अन्यो माद्यैर्दिशापैः पुनरपि कुलिशाद्यैर्यजेदेवमुक्तं
पाञ्चब्रह्मं विधानं सकलसुखयशोभुक्तिमुक्तिप्रदं च।।25.34।।

मेषो विषो विसर्गी

मृत्युः साक्षी सवाक्षरः पवनः।

ताराद्भवति यदस्मा
त्तदादिरभिधीयते मनुप्रवरः।।।25.36।।

प्रोक्तमृष्यादिकं पूर्वमङ्गवर्णैस्तु मन्त्रकैः।
अङ्गुलीदेहवक्त्रेषु मूलमन्त्राक्षरादिकान्।।25.38।।

वक्त्रहृत्पादगुह्याख्यमूर्धस्वपि च नामभिः।
प्राग्याम्यवारुणोदीच्यव25.40क्त्रे(?)25.40ष्वपि च मूर्धसु।।25.40।।

अक्षरलक्षचतुष्कं

जप्यात्तावत्सहस्रमपि जुहुयात्।

शुद्धैस्तिलैर्घृतैर्वा
दुग्धान्नैर्दुग्धभूरुहेध्मैर्वा।।25.42।।

आवृतिराद्या मूर्तिभि

रङ्गैरन्या पराप्यनन्ताद्यैः।

अपरोमादिभिरपरे
न्द्राद्यैरपरा तदायुधैः प्रोक्ता।।25.44।।

हृन्मुखांसोरुयुग्मेषु षड्वर्णान्क्रमतो न्यसेत्।
कर्णमूले तथा नाभौ पार्श्वयुक्पृष्ठहृत्सु च।।25.46।।

त्दृ(?)दाननपरश्वेणाभीत्याख्यवरदेषु च।
मुखांसहृदयेषु त्रीन्पदान्पादोरुकुक्षिषु।।25.48।।

लालाटद्व्यंसजठरहृदयेषु क्रमान्न्यसेत्।
पुनस्तत्प्रतिपत्त्यर्थं जपेन्मन्त्रमिमं सुधीः।।25.50।।

कुर्यादनेन मन्त्रेण निजदेहे समाहितः।
मन्त्री पुष्पाञ्जलिं सम्यक्त्रिशः पञ्चश एव वा।।25.52।।

अन्या च वासवाद्यैः

पुनरुपहारैः क्रमेण भक्तिमता।

अभ्यर्चिते हुते च
स्तोतव्यः संस्तवेन पुनरीशः।।25.54।।

नमश्चतुर्धा प्रोद्भूतभूतभूतात्मने भुवः।
भूरिभारार्तिसंहर्त्रे भूतनाथाय शूलिने।।25.56।।

नमो ललाटनयनप्रोल्लसत्कृष्णवर्त्मने।
ध्वस्तस्मरनिरस्ताधियोगिध्याताय शंभवे।।25.58।।

स्थूलाय मूलभूताय शूलदारितविद्विषे।
कालहन्त्रे नमश्चन्द्रखण्डमण्डितमौलये।।25.60।।

भस्माभ्यक्ताय भक्तानां भुक्तिमुक्तिप्रदायिने।
व्यक्ताव्यक्तस्वरूपाय शंकराय नमो नमः।।25.62।।

वियन्मरुद्धुतवहवार्वसुंधरा

मखेशरव्यमृतमयूखमूर्तये।

नमः सदा नरकभयावभेदिने
भवेह नो भवभयभङ्गकृद्विभो।।25.64।।

संतर्प्य विप्रान्पुनरेवमेव

संपूजयेदिन्दुकलावतंसम्।

जपेद्यथाशक्ति शिवस्वरूपी
भूत्वा ततोऽन्ते च शिवः स भूयात्।।25.66।।

वन्दे हरं वरदशूलकपालहस्तं

साभीतिमद्रिसुतयोज्ज्वलदेहकान्तिम्।

वामोरुपीठगतया निजवामहस्त
न्यस्तारुणोत्पलरुचा परिरब्धदेहम्।।25.68।।

आप्यायिनी शशियुताप्यरुणाग्निमाया

बिन्द्वन्तिका चलकुलीभुवनेन्दुयुक्ता।

दीर्घाकलायुतशिवश्च शिवायवर्णा
स्याच्छूलिनो मनुरयं वसुवर्णयोगी।।25.70।।

पञ्चार्णोक्ताङ्गाद्यः

पञ्चब्रह्मप्रदिष्टपूजश्च।

वसुमितलक्षजपोऽयं
मन्त्रस्तावत्सहस्रहोमश्च।।25.72।।