വിഷ്ണും ലിഖേന്മധ്യഗശക്തിബിന്ദൌ

കപോലയോഃ സിംഹവരാഹബീജേ.

തദ്വിശ്വരൂപാഹ്വയമന്ത്രവീതം
പ്രവേഷ്ടയേത്ഷോഡശമന്ത്രവര്ണൈഃ৷৷24.3৷৷

ദ്വാദശാക്ഷരമന്ത്രാന്തേ ഭവേതാം കവചാസ്ത്രകൌ.
സ്വാഹാന്തഷോഡശാര്ണോയം മന്ത്രഃ സര്വാര്ഥസാധകഃ৷৷24.5৷৷

യന്ത്രസ്യ ബീജേഷു ചതുര്ഷു പൂര്വം

പ്രാഗ്ദക്ഷിണപ്രത്യഗുദഗ്ഗതേഷു.

വിദ്വാംസ്തു ചക്രം ച ഗദാം ച ശാര്ങ്ഗം
ഖങ്ഗം ച മന്ത്രൈഃ സഹിതം വിലിഖ്യാത്৷৷24.7৷৷

സപ്രണവത്ദൃ(?)ദയഭഗവ-

ദ്വിഷ്ണുസ്വാഖ്യാനമൂര്തിധരയുക്താഃ.

സേനാപതിസഹിതാ നിജ-
മന്ത്രാന്താ മൂര്തയോത്ര ലിഖിതവ്യാഃ৷৷24.9৷৷

പ്രോക്താനി വര്മാസ്ത്രാന്താനി നിജമന്ത്രാണി വൈ ക്രമാത്.
പൂര്വം മഹാപാഞ്ചജന്യം മഹാഹലമനന്തരമ്৷৷24.11৷৷

ദണ്ഡാദീനാമഥാഷ്ടാനാമന്തേ യുഞ്ജ്യാന്നമഃപദമ്.
പോത്രോദ്ധൃതധരം വിദ്വാന്വാരാഹേ വിഷ്ണ്വഭിഖ്യയോഃ৷৷24.13৷৷

യോജയിത്വാ നൃസിംഹാത്പ്രാക് സിംഹമന്ത്രം സമാപയേത്.
വിഷ്ണോരന്തേ മഹാപക്ഷിരാജായ ച ഗരുത്മതേ৷৷24.15৷৷

സ ത്രിഷ്ടുഭാ വഹ്നിഗൃഹേണ പൂര്വം

സാനുഷ്ടുഭേന്ദോര്നിലയേന ചാപി.

ഗായത്രിമന്ത്രോല്ലസിതേന ഭൂയഃ
പ്രവേഷ്ടയേദര്കനികേതനേന৷৷24.17৷৷

തദ്ബഹിര്മണ്ഡലം സര്വലക്ഷണൈരഭിലക്ഷിതമ്.
തസ്മിന്നാവാഹ്യ വിധിവദ്വിശ്വരൂപഹരിം യജേത്৷৷24.19৷৷

വിഷ്ണും ഭാസ്വത്കിരീടം മണിമകുടകടീസൂത്രകേയൂരഹാര-

ഗ്രൈവേയോര്മ്യാദിമുഖ്യാഭരണമണിഗണോല്ലാസിദിവ്യാങ്ഗരാഗമ്.

വിശ്വാകാശാവകാശപ്രവിതതമയുതാദിത്യനീകാശമുദ്യ-
ദ്ബാഹ്വഗ്രവ്യഗ്രനാനായുധനികരകരം വിശ്വരൂപം നമാമി৷৷24.21৷৷

ചക്രം ച ചക്രാങ്കകിരീടമൌലിം

സചക്രശങ്ഖം സഗദം സശാര്ങ്ഗമ്.

രക്താമ്ബരം രക്തതനും കരാല-
ദംഷ്ട്രാനനം പ്രാഗ്ദലകേര്ചയീത৷৷24.23৷৷

ശ്യാമം ശാര്ങ്ഗാങ്കിതകം

ശാര്ങ്ഗം ശാര്ങ്ഗാരിദരഗദാഹസ്തമ്.

രക്താംശുകാനുലേപന-
മാല്യദിം വാരുണേ യജേത്പത്രേ৷৷24.25৷৷

ശങ്ഖം സശങ്ഖശിരസം

ശങ്ഖാരിഗദാധനുഷ്കരം സുസിതമ്.

സിതവസനമാല്യഭൂഷം
യജേന്മഹാനാദമഗ്നിസംസ്ഥദലേ৷৷24.27৷৷

ദണ്ഡാദികാംസ്തഥാഷ്ടൌ

ച്ഛിദ്രദലേഷ്വര്ചയീത രക്താഭാന്.

സ്വസ്വായുധപ്രധാനാം-
ശ്ചതുര്ഭുജാഞ്ശതമുഖാനലാന്താംശ്ച৷৷24.29৷৷

അര്കാനലോജ്ജ്വലമുഖം നയനൈസ്ത്രിഭിശ്ച

വഹ്നിം ക്ഷരന്തമവധൂതസടാകലാപമ്.

ശുക്ലാഭഭൂഷമരിശങ്ഖഗദാസിബാഹും
ഭൂയോഭിരാധയതു ഖേ ച മഹാനൃസിംഹമ്৷৷24.31৷৷

ഭൂയോപി കേശവേന്ദ്രാ-

ദികൌ സമഭ്യര്ചയേച്ച വജ്രാദീന്.

ഗന്ധാദിഭിരുപചാരൈഃ
പഞ്ചഭിരഥ സംയതാത്മകോ മന്ത്രീ৷৷24.33৷৷

ജുഹുയാച്ച വാമദേവാ-

ദികശാന്ത്യാദീംശ്ച രുദ്രസംഖ്യേന.

ദുഗ്ധതരൂത്ഥാഃ സമിധഃ
ക്രമേണ ചക്രാദിഭിശ്ചതുര്മന്ത്രൈഃ৷৷24.35৷৷

ത്രിഷ്ടുബനുഷ്ടുപ്തത്പദ-

മന്ത്രൈര്മന്ത്രാര്ണസംഖ്യകം ഹവിഷാ.

സഘൃതേന കേശവാദ്യൈ-

ര്ദിനകരസംഖ്യം തഥേന്ദ്രവജ്രാദ്യൈഃ৷৷

ജുഹുയാത്പൃഥഗപി വസുമിത-
മഥ ച മഹാവ്യാഹൃതീര്ഹുനേന്മതിമാന്৷৷24.37৷৷

ഛന്ദസ്ത്വനുഷ്ടുപ് ത്രിഷ്ടുപ് ച മുനിഭിഃ സമുദാഹൃതേ.
വിശ്വരൂപാദികോ വിഷ്ണുര്വിഷ്ണുപഞ്ജരദേവതാ৷৷24.39৷৷

വിഷ്ണുഃ പ്രാച്യാദികമഥ ജപേന്നാരസിംഹോമ്ബരാന്തം

ത്രിസ്ത്രിര്മന്ത്രാന്പുനരപി തഥാ പഞ്ചശസ്ത്വേകവിംശത.

ബുദ്ധിസ്വാസ്ഥ്യപ്രഭൃതി ച തഥാ പഞ്ചവാരം ത്രിഗാധാ
ഭൂയോ ജപ്യാദ്വിമലശിതധീശ്ചക്രമന്ത്രാഭിധാനമ്৷৷24.41৷৷

അര്കേന്ദുവഹ്നിനിലയസ്ഫുരിതത്രിമന്ത്ര-

ശക്തിപ്രബന്ധമഹസഃ പരമസ്യ വിഷ്ണോഃ.

പാദാരവിന്ദഗലിതാമൃതസിക്തഗാത്രം
സാധ്യം സ്മരേജ്ജപവിധാവപി സാധകേശഃ৷৷24.43৷৷

പൂര്വം സ്ഥാനേ ഹൃഷീകേശമന്ത്രയുക്തം വിധാനവിത്.
വിശ്വരൂപാത്മകം ജപ്യാദ്വൈഷ്ണവം മൂലമന്ത്രകമ്৷৷24.45৷৷

പൂര്ണേഷു ഷോഡശേഷ്വേവമാദ്യം പാദേ വരാഹകേ.
ദ്വിതീയാന്നാരസിംഹേ ച ദ്വിതീയം ഗാരുഡേ പുനഃ৷৷24.47৷৷

സംയോജ്യ കൃച്ഛ്രേ മഹതി ജപേന്മന്ത്രീ വിധാനവിത്.
ആഗ്നേയേ വക്ഷ്യമാണേന വിധാനേന സമാഹിതഃ৷৷24.49৷৷

മധ്യേ ച ഷോഡശാശാന്തേ ഖനേദഷ്ടാദശാവടാന്.
അഷ്ടാദശം തു ശക്രസ്യ വിദധ്യാത്പുരതോവടമ്৷৷24.51৷৷

ഗോമയേനോപലിപ്യേത നാരീയസ്ഥാപ്യവസ്ത്വപി.
ശുഷ്കപുഷ്കരപത്രേഷു വിദധ്യാദ്വിംശതിഷ്വപി৷৷24.53৷৷

സ്ഥാപയേദ്വൈഷ്ണവേ സ്ഥാനേ വിശ്വരൂപധിയാ സുധീഃ.
തതഃ ക്രമേണ ചക്രാദീന്ദിക്കുണ്ഡേഷു ചതുര്ഷ്വപി৷৷24.55৷৷

മധ്യേ പുനരധശ്ചോര്ധ്വം കോലകേസരിണൌ യജേത്.
ചക്രസ്യ പ്രാക്തനേ കുണ്ഡേ സ്ഥാപയേദ്വിനതാസുതമ്৷৷24.57৷৷

യജ്ഞേ കാഞ്ചനപത്രസ്ഥേ പൂജയേത്പൂര്വവത്പ്രഭുമ്.
വാദിത്രഘോഷബഹുലം നിവേദ്യാന്തം യഥാക്രമമ്৷৷24.59৷৷

ക്രമാച്ചക്രാദിമൂര്തീനാം പഞ്ചപൂരാന്ധസാ സുധീഃ.
തത ഉദ്വാസ്യ ദേവേശം പൂജാം പ്രതിസമാപ്യ ച৷৷24.61৷৷

തത്രോപസര്ഗാ നശ്യന്തി നരനാരീമഹീഭൃതാമ്.
ഗ്രഹക്ഷുദ്രപിശാചാദ്യാ നേക്ഷന്തേ താം ദിശം ഭയാത്৷৷24.63৷৷

ധനധാന്യസമൃദ്ധിശ്ച വര്ധതേ തത്കുലം ക്രമാത്.
ദാരിദ്ര്യരോഗനിര്മുക്തം സുഖമാഭൂതസംപ്ലവമ്৷৷24.65৷৷