विष्णुं लिखेन्मध्यगशक्तिबिन्दौ

कपोलयोः सिंहवराहबीजे।

तद्विश्वरूपाह्वयमन्त्रवीतं
प्रवेष्टयेत्षोडशमन्त्रवर्णैः।।24.3।।

द्वादशाक्षरमन्त्रान्ते भवेतां कवचास्त्रकौ।
स्वाहान्तषोडशार्णोऽयं मन्त्रः सर्वार्थसाधकः।।24.5।।

यन्त्रस्य बीजेषु चतुर्षु पूर्वं

प्राग्दक्षिणप्रत्यगुदग्गतेषु।

विद्वांस्तु चक्रं च गदां च शार्ङ्गं
खङ्गं च मन्त्रैः सहितं विलिख्यात्।।24.7।।

सप्रणवत्दृ(?)दयभगव

द्विष्णुस्वाख्यानमूर्तिधरयुक्ताः।

सेनापतिसहिता निज
मन्त्रान्ता मूर्तयोऽत्र लिखितव्याः।।24.9।।

प्रोक्तानि वर्मास्त्रान्तानि निजमन्त्राणि वै क्रमात्।
पूर्वं महापाञ्चजन्यं महाहलमनन्तरम्।।24.11।।

दण्डादीनामथाष्टानामन्ते युञ्ज्यान्नमःपदम्।
पोत्रोद्धृतधरं विद्वान्वाराहे विष्ण्वभिख्ययोः।।24.13।।

योजयित्वा नृसिंहात्प्राक् सिंहमन्त्रं समापयेत्।
विष्णोरन्ते महापक्षिराजाय च गरुत्मते।।24.15।।

स त्रिष्टुभा वह्निगृहेण पूर्वं

सानुष्टुभेन्दोर्निलयेन चापि।

गायत्रिमन्त्रोल्लसितेन भूयः
प्रवेष्टयेदर्कनिकेतनेन।।24.17।।

तद्बहिर्मण्डलं सर्वलक्षणैरभिलक्षितम्।
तस्मिन्नावाह्य विधिवद्विश्वरूपहरिं यजेत्।।24.19।।

विष्णुं भास्वत्किरीटं मणिमकुटकटीसूत्रकेयूरहार

ग्रैवेयोर्म्यादिमुख्याभरणमणिगणोल्लासिदिव्याङ्गरागम्।

विश्वाकाशावकाशप्रविततमयुतादित्यनीकाशमुद्य
द्बाह्वग्रव्यग्रनानायुधनिकरकरं विश्वरूपं नमामि।।24.21।।

चक्रं च चक्राङ्ककिरीटमौलिं

सचक्रशङ्खं सगदं सशार्ङ्गम्।

रक्ताम्बरं रक्ततनुं कराल
दंष्ट्राननं प्राग्दलकेऽर्चयीत।।24.23।।

श्यामं शार्ङ्गाङ्कितकं

शार्ङ्गं शार्ङ्गारिदरगदाहस्तम्।

रक्तांशुकानुलेपन
माल्यदिं वारुणे यजेत्पत्रे।।24.25।।

शङ्खं सशङ्खशिरसं

शङ्खारिगदाधनुष्करं सुसितम्।

सितवसनमाल्यभूषं
यजेन्महानादमग्निसंस्थदले।।24.27।।

दण्डादिकांस्तथाष्टौ

च्छिद्रदलेष्वर्चयीत रक्ताभान्।

स्वस्वायुधप्रधानां
श्चतुर्भुजाञ्शतमुखानलान्तांश्च।।24.29।।

अर्कानलोज्ज्वलमुखं नयनैस्त्रिभिश्च

वह्निं क्षरन्तमवधूतसटाकलापम्।

शुक्लाभभूषमरिशङ्खगदासिबाहुं
भूयोऽभिराधयतु खे च महानृसिंहम्।।24.31।।

भूयोऽपि केशवेन्द्रा

दिकौ समभ्यर्चयेच्च वज्रादीन्।

गन्धादिभिरुपचारैः
पञ्चभिरथ संयतात्मको मन्त्री।।24.33।।

जुहुयाच्च वामदेवा

दिकशान्त्यादींश्च रुद्रसंख्येन।

दुग्धतरूत्थाः समिधः
क्रमेण चक्रादिभिश्चतुर्मन्त्रैः।।24.35।।

त्रिष्टुबनुष्टुप्तत्पद

मन्त्रैर्मन्त्रार्णसंख्यकं हविषा।

सघृतेन केशवाद्यै

र्दिनकरसंख्यं तथेन्द्रवज्राद्यैः।।

जुहुयात्पृथगपि वसुमित
मथ च महाव्याहृतीर्हुनेन्मतिमान्।।24.37।।

छन्दस्त्वनुष्टुप् त्रिष्टुप् च मुनिभिः समुदाहृते।
विश्वरूपादिको विष्णुर्विष्णुपञ्जरदेवता।।24.39।।

विष्णुः प्राच्यादिकमथ जपेन्नारसिंहोऽम्बरान्तं

त्रिस्त्रिर्मन्त्रान्पुनरपि तथा पञ्चशस्त्वेकविंशत।

बुद्धिस्वास्थ्यप्रभृति च तथा पञ्चवारं त्रिगाधा
भूयो जप्याद्विमलशितधीश्चक्रमन्त्राभिधानम्।।24.41।।

अर्केन्दुवह्निनिलयस्फुरितत्रिमन्त्र

शक्तिप्रबन्धमहसः परमस्य विष्णोः।

पादारविन्दगलितामृतसिक्तगात्रं
साध्यं स्मरेज्जपविधावपि साधकेशः।।24.43।।

पूर्वं स्थाने हृषीकेशमन्त्रयुक्तं विधानवित्।
विश्वरूपात्मकं जप्याद्वैष्णवं मूलमन्त्रकम्।।24.45।।

पूर्णेषु षोडशेष्वेवमाद्यं पादे वराहके।
द्वितीयान्नारसिंहे च द्वितीयं गारुडे पुनः।।24.47।।

संयोज्य कृच्छ्रे महति जपेन्मन्त्री विधानवित्।
आग्नेये वक्ष्यमाणेन विधानेन समाहितः।।24.49।।

मध्ये च षोडशाशान्ते खनेदष्टादशावटान्।
अष्टादशं तु शक्रस्य विदध्यात्पुरतोऽवटम्।।24.51।।

गोमयेनोपलिप्येत नारीयस्थाप्यवस्त्वपि।
शुष्कपुष्करपत्रेषु विदध्याद्विंशतिष्वपि।।24.53।।

स्थापयेद्वैष्णवे स्थाने विश्वरूपधिया सुधीः।
ततः क्रमेण चक्रादीन्दिक्कुण्डेषु चतुर्ष्वपि।।24.55।।

मध्ये पुनरधश्चोर्ध्वं कोलकेसरिणौ यजेत्।
चक्रस्य प्राक्तने कुण्डे स्थापयेद्विनतासुतम्।।24.57।।

यज्ञे काञ्चनपत्रस्थे पूजयेत्पूर्ववत्प्रभुम्।
वादित्रघोषबहुलं निवेद्यान्तं यथाक्रमम्।।24.59।।

क्रमाच्चक्रादिमूर्तीनां पञ्चपूरान्धसा सुधीः।
तत उद्वास्य देवेशं पूजां प्रतिसमाप्य च।।24.61।।

तत्रोपसर्गा नश्यन्ति नरनारीमहीभृताम्।
ग्रहक्षुद्रपिशाचाद्या नेक्षन्ते तां दिशं भयात्।।24.63।।

धनधान्यसमृद्धिश्च वर्धते तत्कुलं क्रमात्।
दारिद्र्यरोगनिर्मुक्तं सुखमाभूतसंप्लवम्।।24.65।।