ബ്രഹ്മാ പ്രജാപതിര്വാ

പ്രോക്ത ഋഷിര്നാരദശ്ച വിദ്വദ്ഭിഃ.

ഛന്ദോനുഷ്ടുബുദാഹൃത-
മഥ വിഷ്ണുര്ദേവതാ നൃസിംഹാഖ്യഃ৷৷23.3৷৷

സശിരോലലാടദൃഗ്യുഗ-

മുഖകരപദസംധികേഷു സാഗ്രേഷു.

ഉദരഹൃദോര്ഗലപാര്ശ്വേ-
ഷ്വപരേ കകുദി ക്രമാന്ന്യസേദ്വര്ണാന്৷৷23.5৷৷

ജാന്വോരാസക്തതീക്ഷ്ണസ്വനഖരുചിലസദ്ബാഹുസംസ്പൃഷ്ടകേശ-

ശ്ചക്രം ശങ്ഖം ച ദോര്ഭ്യാം ദധദനലസമജ്യോതിഷാ ഭഗ്നദൈത്യഃ.

ജ്വാലാമാലാപരീതം രവിശശിദഹനത്രീക്ഷണം ദീപ്തജിഹ്വം
ദംഷ്ട്രോഗ്രം ധൂതകേശം വദനമപി വഹന്പാതു വോ നാരസിംഹഃ৷৷23.7৷৷

നരസിംഹമമും ധിയൈവ പൂര്വം

പ്രണിപത്യാര്ഘ്യകപാദ്യസാചമാദ്യൈഃ.

പ്രയജേത്സഹഗന്ധപുഷ്പധൂപാ-
ദിഭിരേവം പ്രവരൈശ്ച നൃത്തഗീതൈഃ৷৷23.9৷৷

അങ്ഗൈഃ പ്രഥമാവൃതിരപി

പക്ഷീന്ദ്രാനന്തശര്വകമലഭവൈഃ.

സശ്രീഹ്രീധൃതിപുഷ്ടിഭി-
രപരോക്താ ലോകപാലകൈരന്യാ৷৷23.11৷৷

ദ്വാത്രിംശകേ സഹസ്രൈ-

രധികൃതിരയുതൈര്ഭവേത്പുരശ്ചരണമ്.

താവദ്ഭിസ്താവദ്ഭി-
ര്ലക്ഷൈഃ സിദ്ധിഃ സമീരിതാസ്യ മനോഃ৷৷23.13৷৷

വിധായ തദ്ബീജവിശിഷ്ടകര്ണികം

ചതുശ്ചതുര്വര്ണലസദ്ദലാഷ്ടകമ്.

സുലക്ഷിതം മണ്ഡലമന്യലക്ഷണൈ-
ര്നിധായ തസ്മിന്കലശം പ്രപൂര്യ ച৷৷23.15৷৷

വര്ണാന്താനലഭുവനാ-

ര്ധേന്ദുഭിരുക്തം നൃസിംഹബീജമിദമ്.

തന്നാസ്തി സമ്യഗമുനാ
മന്ത്രവിദാ സാധിതേന യദസാധ്യമ്৷৷23.17৷৷

സംപ്രീണയിത്വാ ഗുരുമാത്മശക്ത്യാ

സംഭോജയേദ്വിപ്രവരാന്യഥാവത്.

സ ത്വൈഹികീം സിദ്ധിമവാപ്യ ശുദ്ധം
പരം പരത്രാപി പദം സമേതി৷৷23.19৷৷

ഉത്പാതേ മഹതി സതി ഹ്യുപദ്രവാണാം

ഹോമോയം ഭവതി ച ശാന്തിദോ നരാണാമ്.

യദ്വാന്യന്നിജമനസേപ്സിതം ച കാമം
തച്ചാപ്നോത്യഖിലനൃണാം പ്രിയശ്ച ഭൂയാത്৷৷23.21৷৷

ചരന്വനേ ദുഷ്ടമൃഗാഹിചോര-

വ്യാലാകുലേ മന്ത്രമമും ജപേദ്യഃ.

അസാധിതം സാധിതമേവ തസ്യ
ന വിദ്യതേ ഭീര്ബഹുരൂപജാതാ৷৷23.23৷৷

മൂഷികലൂതാവൃശ്ചിക-

ബഹുപാദാദ്യുത്ഥിതം വിഷം ശമയേത്.

അഷ്ടോത്തരശതജാപാ-
ന്മനുരയമഭിമന്ത്രിതം ച ഭസ്മാദ്യമ്৷৷23.25৷৷

നരഹരിവപുഷാത്മനാ ഗൃഹീതം

ഹരിണശിശും നിജവൈരിണം വിചിന്ത്യ.

ക്ഷിപതു ഗഗനതഃ ക്ഷിതൌ സുദൂരം
യമനുദിനം പ്രതിചാട്യതേ സമാസാത്৷৷23.27৷৷

നരഹരിവപുഷാത്മനാ നിജാരിം

നഖരഖരാഗ്രസമഗ്രഭിന്നദേഹമ്.

ക്ഷണമിവ നിഹതം വിചിന്ത്യ ഖാദ-
ന്നിവ ജപതാം മനുമേഷ നാശമേതി৷৷23.29৷৷

ദിനശോഷ്ടോര്ധ്വസഹസ്രം

മ്രിയതേ രിപുരസ്യ നാത്ര സംദേഹഃ.

മാരണകര്മ ന ശസ്തം
ക്രിയതേ യദ്യയുതമഥ ജപേച്ഛാന്ത്യൈ৷৷23.31৷৷

ദിനമനു ദിനനാഥം പൂജയിത്വാ ദിനാദൌ

നരഹരിമപി സമ്യക്പ്രോക്തമാര്ഗേണ മന്ത്രീ.

തദനു തദനുമത്യാ ഭസ്മനാ മന്ത്രിതേന
പ്രതിരചയതു രാജ്ഞേ വാപ്യഭീഷ്ടായ രക്ഷാമ്৷৷23.33৷৷

അഥ പരരാഷ്ട്രജയേച്ഛോ

രാജ്ഞഃ കുര്യാത്പ്രയോഗവിധിമേവമ്.

നരഹരിമപി വിധിനാ തം
ഹിരണ്യകശിപുദ്വിഷം സമഭ്യര്ച്യ৷৷23.35৷৷

ഹുത്വാ പരരാഷ്ട്രേഭ്യഃ

പൃതനാം സംനാഹ്യ ച പുരസ്തസ്യാഃ.

നിഘ്നന്തം രിപുസേനാം
സ്മരന്നൃസിംഹം പുരേവ ദിതിതനയാത്৷৷23.37৷৷

ശ്രീകാമഃ ശ്രീപ്രസൂനൈര്ദശകമഥ ശതാനാം ഹുനേദ്ബില്വകാഷ്ഠൈ-

സ്തത്പത്രൈര്വാ പ്രസൂനൈഃ സുമതിരഥ സമിദ്ഭിഃ ഫലൈര്വാ തദീയൈഃ.

പുത്രേപ്സുഃ പുത്രജീവേന്ധനചിതദഹനേ തത്ഫലൈര്വാ സഹസ്രം
ദൂര്വാഭിസ്ത്വായുഷേബ്ദാദഭിമതമഖിലം പ്രാപ്നുയാന്മന്ത്രജാപീ৷৷23.39৷৷

ഉക്തൈഃ കിമത്ര ബഹുഭിര്മനുനാമുനൈവ

സംപ്രാര്ഥിതം സകലമേവ ലഭേദ്വിധിജ്ഞഃ.

തസ്മാദമും ഭജത തത്പ്രതിപന്നചിത്താഃ
സംസാരസാഗരസമുത്തരണാര്ഥിനോ യേ৷৷23.41৷৷

അവ്യാന്നിര്വ്യാജരൌദ്രാകൃതിരഭിവിവൃതാസ്യാല്ലേസത്തീക്ഷ്ണദംഷ്ട്ര-

ശ്ചക്രം ശങ്ഖം ച പാശാങ്കുശകുലിശഗദാദാരണാഖ്യാന്ദഘാനഃ.

രക്താകാരശ്ച നാഭേരധ ഉപരി സിതോ ദിവ്യഭൂഷാവിശേഷോ
ദേവോര്കാഗ്നീന്ദുനേത്രോ നിഖിലസുഖകരോ നാരസിംഹശ്ചിരം വഃ৷৷23.43৷৷

ഇതി വിരചിതയന്ത്രപ്രോജ്ജ്വലേ മണ്ഡലേ പ്രാ-

ക്സമഭിഹിതകഷായാമ്ഭോഭിരാപൂര്യ കുമ്ഭമ്.

പ്രതിയജതു തദങ്ഗൈരസ്ത്രഭേദൈസ്തദീയൈ-
സ്തദനു മഖശതാദ്യൈഃ സാധുവജ്രാദികൈശ്ച৷৷23.45৷৷

ഇതി കൃതദീക്ഷഃ പ്രജപേ-

ദക്ഷരലക്ഷപ്രമാണകം മന്ത്രമ്.

ജുഹുയാച്ച ഷട്സഹസ്രം
ജപാവസാനേ ഘൃതേന ശുദ്ധേന৷৷23.47৷৷

ഛിന്നരുഹാം സമിധാം ത്രിസഹസ്രം

യശ്ച ജുഹോതി ചതുര്ദിനമാത്രമ്.

ദുഗ്ധയുജം നചിരാന്മനുജാനാം
ഹോമവിധിര്ജ്വരശാന്തികരഃ സ്യാത്৷৷23.49৷৷

രക്തോത്പലൈഃ പ്രതിദിനം മധുരത്രയാക്തൈ-

ര്യോ വാ ജുഹോതി നിയമേന സഹസ്രസംഖ്യൈഃ.

മാസേന വാഞ്ഛിതമവാപ്സ്യതി മന്ത്രജാപീ
സ്യാദ്വത്സരേണ ധനധാന്യസമൃദ്ധഗേഹഃ৷৷23.51৷৷

ലാജാഭിസ്ത്രിമധുരസംയുതാഭിരഹ്നോ

മാസാര്ധം പ്രതിജുഹുയാന്മുഖേ സഹസ്രമ്.

കന്യാര്ഥീ പ്രതിലഭതേ വരോഥ കന്യാം
കന്യാ വാ ഭവതി വരാര്ഥിനീ വരാഢ്യാ৷৷23.53৷৷

ദശാധികശതൈഃ പയോഘൃതയുതൈശ്ച ദൂര്വാത്രയൈ-

ര്ഹുനേദ്ദിനമുഖേപി യോ നരഹരിം വിചിന്ത്യാനലേ.

അവാപ്യ സ തു ദീര്ഘമായുരഖിലൈര്വിയുക്തോ ഗദൈഃ
സുഖീ ഭവതി മാനവോ നിജകലത്രപുത്രാദിഭിഃ৷৷23.55৷৷