ब्रह्मा प्रजापतिर्वा

प्रोक्त ऋषिर्नारदश्च विद्वद्भिः।

छन्दोऽनुष्टुबुदाहृत
मथ विष्णुर्देवता नृसिंहाख्यः।।23.3।।

सशिरोललाटदृग्युग

मुखकरपदसंधिकेषु साग्रेषु।

उदरहृदोर्गलपार्श्वे
ष्वपरे ककुदि क्रमान्न्यसेद्वर्णान्।।23.5।।

जान्वोरासक्ततीक्ष्णस्वनखरुचिलसद्बाहुसंस्पृष्टकेश

श्चक्रं शङ्खं च दोर्भ्यां दधदनलसमज्योतिषा भग्नदैत्यः।

ज्वालामालापरीतं रविशशिदहनत्रीक्षणं दीप्तजिह्वं
दंष्ट्रोग्रं धूतकेशं वदनमपि वहन्पातु वो नारसिंहः।।23.7।।

नरसिंहममुं धियैव पूर्वं

प्रणिपत्यार्घ्यकपाद्यसाचमाद्यैः।

प्रयजेत्सहगन्धपुष्पधूपा
दिभिरेवं प्रवरैश्च नृत्तगीतैः।।23.9।।

अङ्गैः प्रथमावृतिरपि

पक्षीन्द्रानन्तशर्वकमलभवैः।

सश्रीह्रीधृतिपुष्टिभि
रपरोक्ता लोकपालकैरन्या।।23.11।।

द्वात्रिंशके सहस्रै

रधिकृतिरयुतैर्भवेत्पुरश्चरणम्।

तावद्भिस्तावद्भि
र्लक्षैः सिद्धिः समीरितास्य मनोः।।23.13।।

विधाय तद्बीजविशिष्टकर्णिकं

चतुश्चतुर्वर्णलसद्दलाष्टकम्।

सुलक्षितं मण्डलमन्यलक्षणै
र्निधाय तस्मिन्कलशं प्रपूर्य च।।23.15।।

वर्णान्तानलभुवना

र्धेन्दुभिरुक्तं नृसिंहबीजमिदम्।

तन्नास्ति सम्यगमुना
मन्त्रविदा साधितेन यदसाध्यम्।।23.17।।

संप्रीणयित्वा गुरुमात्मशक्त्या

संभोजयेद्विप्रवरान्यथावत्।

स त्वैहिकीं सिद्धिमवाप्य शुद्धं
परं परत्रापि पदं समेति।।23.19।।

उत्पाते महति सति ह्युपद्रवाणां

होमोऽयं भवति च शान्तिदो नराणाम्।

यद्वान्यन्निजमनसेप्सितं च कामं
तच्चाप्नोत्यखिलनृणां प्रियश्च भूयात्।।23.21।।

चरन्वने दुष्टमृगाहिचोर

व्यालाकुले मन्त्रममुं जपेद्यः।

असाधितं साधितमेव तस्य
न विद्यते भीर्बहुरूपजाता।।23.23।।

मूषिकलूतावृश्चिक

बहुपादाद्युत्थितं विषं शमयेत्।

अष्टोत्तरशतजापा
न्मनुरयमभिमन्त्रितं च भस्माद्यम्।।23.25।।

नरहरिवपुषात्मना गृहीतं

हरिणशिशुं निजवैरिणं विचिन्त्य।

क्षिपतु गगनतः क्षितौ सुदूरं
यमनुदिनं प्रतिचाट्यते समासात्।।23.27।।

नरहरिवपुषात्मना निजारिं

नखरखराग्रसमग्रभिन्नदेहम्।

क्षणमिव निहतं विचिन्त्य खाद
न्निव जपतां मनुमेष नाशमेति।।23.29।।

दिनशोऽष्टोर्ध्वसहस्रं

म्रियते रिपुरस्य नात्र संदेहः।

मारणकर्म न शस्तं
क्रियते यद्ययुतमथ जपेच्छान्त्यै।।23.31।।

दिनमनु दिननाथं पूजयित्वा दिनादौ

नरहरिमपि सम्यक्प्रोक्तमार्गेण मन्त्री।

तदनु तदनुमत्या भस्मना मन्त्रितेन
प्रतिरचयतु राज्ञे वाप्यभीष्टाय रक्षाम्।।23.33।।

अथ परराष्ट्रजयेच्छो

राज्ञः कुर्यात्प्रयोगविधिमेवम्।

नरहरिमपि विधिना तं
हिरण्यकशिपुद्विषं समभ्यर्च्य।।23.35।।

हुत्वा परराष्ट्रेभ्यः

पृतनां संनाह्य च पुरस्तस्याः।

निघ्नन्तं रिपुसेनां
स्मरन्नृसिंहं पुरेव दितितनयात्।।23.37।।

श्रीकामः श्रीप्रसूनैर्दशकमथ शतानां हुनेद्बिल्वकाष्ठै

स्तत्पत्रैर्वा प्रसूनैः सुमतिरथ समिद्भिः फलैर्वा तदीयैः।

पुत्रेप्सुः पुत्रजीवेन्धनचितदहने तत्फलैर्वा सहस्रं
दूर्वाभिस्त्वायुषेऽब्दादभिमतमखिलं प्राप्नुयान्मन्त्रजापी।।23.39।।

उक्तैः किमत्र बहुभिर्मनुनामुनैव

संप्रार्थितं सकलमेव लभेद्विधिज्ञः।

तस्मादमुं भजत तत्प्रतिपन्नचित्ताः
संसारसागरसमुत्तरणार्थिनो ये।।23.41।।

अव्यान्निर्व्याजरौद्राकृतिरभिविवृतास्याल्लेसत्तीक्ष्णदंष्ट्र

श्चक्रं शङ्खं च पाशाङ्कुशकुलिशगदादारणाख्यान्दघानः।

रक्ताकारश्च नाभेरध उपरि सितो दिव्यभूषाविशेषो
देवोऽर्काग्नीन्दुनेत्रो निखिलसुखकरो नारसिंहश्चिरं वः।।23.43।।

इति विरचितयन्त्रप्रोज्ज्वले मण्डले प्रा

क्समभिहितकषायाम्भोभिरापूर्य कुम्भम्।

प्रतियजतु तदङ्गैरस्त्रभेदैस्तदीयै
स्तदनु मखशताद्यैः साधुवज्रादिकैश्च।।23.45।।

इति कृतदीक्षः प्रजपे

दक्षरलक्षप्रमाणकं मन्त्रम्।

जुहुयाच्च षट्सहस्रं
जपावसाने घृतेन शुद्धेन।।23.47।।

छिन्नरुहां समिधां त्रिसहस्रं

यश्च जुहोति चतुर्दिनमात्रम्।

दुग्धयुजं नचिरान्मनुजानां
होमविधिर्ज्वरशान्तिकरः स्यात्।।23.49।।

रक्तोत्पलैः प्रतिदिनं मधुरत्रयाक्तै

र्यो वा जुहोति नियमेन सहस्रसंख्यैः।

मासेन वाञ्छितमवाप्स्यति मन्त्रजापी
स्याद्वत्सरेण धनधान्यसमृद्धगेहः।।23.51।।

लाजाभिस्त्रिमधुरसंयुताभिरह्नो

मासार्धं प्रतिजुहुयान्मुखे सहस्रम्।

कन्यार्थी प्रतिलभते वरोऽथ कन्यां
कन्या वा भवति वरार्थिनी वराढ्या।।23.53।।

दशाधिकशतैः पयोघृतयुतैश्च दूर्वात्रयै

र्हुनेद्दिनमुखेऽपि यो नरहरिं विचिन्त्यानले।

अवाप्य स तु दीर्घमायुरखिलैर्वियुक्तो गदैः
सुखी भवति मानवो निजकलत्रपुत्रादिभिः।।23.55।।