മേഷാദികം യച്ച ചതുഷ്കമാദൌ

മാസേഷു തദ്വായുഗൃഹാവൃതം സ്യാത്.

സിംഹാദികം ഭൂഗൃഹസംവൃതം ച
ചാപാദികം പാര്ഥിവയുഗ്മവീതമ്৷৷20.3৷৷

താനി ത്രിഷഡ്ദ്വാദശകാത്മകോക്തൈഃ

സ്യുര്ലക്ഷണൈരപ്യഭിലക്ഷിതാനി.

സ്വൈഃ സ്വൈശ്ച നാമപ്രവിഭക്തരൂപ-
ഭേദൈര്ബഹിര്വേഷ്ടിതബിമ്ബകാനി৷৷20.5৷৷

പദ്മം ചരോഭസ്ഥിരസംജ്ഞകേഷു

രക്തപ്രപീതാച്ഛദലാദിവര്ണമ്.

മാസേഷു യന്ത്രോദരക്ലൃപ്തതത്ത-
ന്മാസാഭിധാമൂര്ത്യഭിധാക്ഷരാഢ്യമ്৷৷20.7৷৷

സുവര്ണഗോക്ഷീരജപാശിലാല-

പീതേന്ദ്രനീലാരുണകൈരവാഭാഃ.

കാശ്മീരമേഘാഞ്ജനരോചിഷശ്ച
ക്രമേണ വര്ണൈരപി കേശവാദ്യാഃ৷৷20.9৷৷

ധാത്രര്യമമിത്രത്രാഖ്യാ

വരുണാംശഭഗാ വിവസ്വദിന്ദുയുതാഃ.

പൂഷാഹ്വയപര്ജന്യൌ
ത്വഷ്ടാ വിഷ്ണുശ്ച ഭാനവഃ പ്രോക്താഃ৷৷20.11৷৷

പഞ്ചമമപി വിഷ്ണ്വശം

മധുസൂദനഭഗവപഞ്ച ഷഷ്ഠമപി.

ത്രിവിക്രമവിവസ്വദാഖ്യം
സപ്തമമന്യച്ച വാമനൈന്ദ്രമപി৷৷20.13৷৷

ആദൌ വിധാനേഷു സമേതമൂര്തി-

ശക്തീശ്ചതസ്രോഭിയജേദ്യഥാവത്.

രാശിഷ്വഥോ ഭാനുയുതാശ്ച മൂര്തീഃ
പ്രവക്ഷ്യമാണം ച നിരൂപ്യ മന്ത്രീ৷৷20.15৷৷

പ്രാനുപ്രോദ്യത്സ്വരാഷ്ടദ്വിതയവൃതമഹാബീജകം ശക്തിലക്ഷ്മീ-

കാമൈരാത്താഗ്നികോണം ബഹിരഭിവൃതസിംഹാന്വിതക്രോഡമന്ത്രമ്.

ബിന്ദൂനാമന്തരാലേഷ്വപി ച വിലിഖിതൈഃ കാദിവര്ഗൈശ്ച യുക്തം
ഷഡ്ഭിര്വായവ്യഗേഹാവൃതമഭിമതകാമപ്രദം മേഷയന്ത്രമ്৷৷20.17৷৷

ഹയരഥഗജഭൃത്യാദീ-

നരിഭവശൌര്യാദിസിദ്ധിം ച.

തേജോ യശശ്ച വിപുലം
പൂജയിതുര്വിതനുതേ വിധാനമിദമ്৷৷20.19৷৷

നിത്യാനന്ദാ വ്യാപിനീ വ്യോമരൂപാ

ശാന്തിര്വിദ്യാരൂപിണീ ച പ്രതിഷ്ഠാ.

കല്യാമോഘാ ചണ്ഡികാ ദീപ്തജിഹ്വേ-
ത്യേവം പ്രോക്താഥാവൃതിഃ സ്യാത്തൃതീയാ৷৷20.21৷৷

പ്രാഗച്ഛന്മാത്രഭിഖ്യാലിപിപരിവൃതബീജം സ്വരാവീതവൃത്തം

ശാദ്യൈഃ ക്ഷാന്തൈസ്തദാദ്യൈരപി പരിവൃതഗണ്ഡം തദശ്രാത്തജുംസമ്.

ഭാദ്യൈഃ കാന്തൈഃ പ്രവീതം മയരലവഹയുഗ്ബിന്ദുകം വായുഗേഹാ-
വീതം വാഞ്ഛാപ്രദാനപ്രസവഗുണയുതം യുഗ്മജം യന്ത്രമേതത്৷৷20.23৷৷

പാശാദ്യഷ്ടാക്ഷരാര്ണപ്രതിപുടിതമഹാഷ്ടാക്ഷരാവേഷ്ടിതാന്ത-

ര്ബീജം ശാഖാന്തരൂഢേ ഗഗനനൃഹരിബീജാത്തകോണം ബഹിശ്ച.

കാമിന്യഷ്ടാക്ഷരാദ്യന്തഗഹരിഹരബീജാവൃതം പ്രത്യനൂദ്യ
ദ്വര്ണാഢ്യം വായുഗേഹസ്ഥിതമിതി ഗദിതം കര്കടോത്ഥം ച യന്ത്രമ്৷৷20.25৷৷

ഭൂതിര്വിഭൂതിരുന്നതി-

നതിധൃതിരതയശ്ച സംയതിദ്യുതയഃ.

ആവൃതിരേകാ പ്രോക്താ
ശ്രീവശ്യകരം വിധാനമിതി കഥിതമ്৷৷20.27৷৷

പുഷ്ടിസ്തുഷ്ടിര്ധൃതിരപി കൃതിഃ ശാന്തികാന്തിപ്രമോദാ

മേധാ ഹര്ഷാ സ്മൃതിരഭിമതാ കാന്തികാ സ്യാത്തൃതീയാ.

കൃഷ്ണഃ സത്യോ നൃഹരിവരദൌ വിശ്വമൂര്തിര്വരേണ്യഃ
ശൌരിഃ ശൂരോ നരമുരജിതൌ വിഷ്ണുജിഷ്ണൂ ചതുര്ഥീ৷৷20.29৷৷

സര്ഗാദ്യാന്താദ്യമന്തൈരഭിവൃതഹൃദയം ദണ്ഡിഭിശ്ചാപി ഹാഹീ-

ഹൂഹൈഹൌഹോഭിരാത്താശ്രികമഥ തു ശിഖാദ്യോതിവര്ഗാന്ത്യവര്ണമ്.

വര്ണൈഃ പ്രത്യന്വിതൈഃ പ്രാവൃതമവനിപുരാശ്രോല്ലസത്കാമബീജം
ക്ലിന്നേ സ്വാഹാര്ണയുക്തം മഹിതതരഫലം കന്യകോത്ഥം ച യന്ത്രമ്৷৷20.31৷৷

ആദ്യൈരാവീതബീജം ഗ്രഹവലയയുതം ഹുംഫഡായുക്തകോണം

ബാഹ്യേ പാശാങ്കുശാര്ണാവൃതമഥ യുഗഷണ്മൂര്തിനാമാര്ണമര്ണൈഃ.

പ്രത്യന്വേഷ്യദ്ഭിരുദ്യദ്ധരിയുതഹരവര്ണൈശ്ച വീതം ധരായാഃ
കോണേഷൂദ്യന്നൃസിംഹാക്ഷരമിതി കഥിതം സ്യാത്തുലായന്ത്രമേതത്৷৷20.33৷৷

അക്ലീബദ്വാദശാജ്ദ്വാദശലിപിവൃതഹൃല്ലേഖമശ്രിദ്വിഷട്ക-

പ്രോല്ലാസ്യഷ്ടാക്ഷരോഷ്മാര്ണകമപി ലിപിഭിഃ കാദിഭിശ്ചാഭിവീതമ്৷৷

തദ്ബാഹ്യേ ചന്ദ്രബിമ്ബപ്രപുടിതവസുധാമണ്ഡലാശ്രിപ്രരാജ-
ത്ക്ലീബാര്ണം വൃശ്ചികോത്ഥം പ്രവരതരഫലപ്രാപ്തിദം യന്ത്രമേതത്৷৷20.35৷৷

ദ്രാവിണീ മോഹിനീ ചേതി തൃതീയേയം സമാവൃതിഃ.
അന്വയാപ്തിം ധര്മരതിം പ്രാപ്നുയാദസ്യ ചാര്ചനാത്৷৷20.37৷৷

ഹര്ഷാഹ്വാ സുനദാരുണാ സഗഗനാ ഘോരാ രമാ ദ്രാവിണീ

വീരാ വീരിണിഹാരിണീ സഹരിണീ മന്ദാരികാ ദ്വാദശ.

പ്രോക്തേയം ച സമാവൃതിഃ പുനരിദം സംപൂജയന്പ്രാപ്നുയാ-
ല്ലക്ഷ്മീസംതതിബുദ്ധിവശ്യപടുതാകാന്തീശ്ച ഭക്തിം ശുഭാമ്৷৷20.39৷৷

മേധാ ഹര്ഷാ ശ്രദ്ധാ

കൃപാ രതിര്വാ സരസ്വതീ പ്രീതിഃ.

വാണീ ചേതി തൃതീയാ
വൃതിരുക്താ മകരജേ വിധാനേസ്മിന്৷৷20.41৷৷

ശക്തിശ്രീകാമബീജൈഃ പുടിതഹരിഹരബ്രഹ്മഭിശ്ചാവൃതാന്ത-

ര്ബീജം കോണദ്വിഷട്കസ്ഫുരിതനൃഹരിബീജപ്രതിദ്യോതിതം ച.

ആദിക്ഷാന്തൈശ്ച വര്ണൈര്വൃതമവനിപുരദ്വന്ദ്വകോണാന്തകാമ-
ശ്രീശക്തിക്ഷ്മാര്ണചിന്താമണിമനു തദിദം ശ്രീകരം കുമ്ഭയന്ത്രമ്৷৷20.43৷৷

അവനിപശുപുത്രസംപദ-

മപി പിതൃസൌഖ്യം ച ഹൃത്പ്രബോധം ച.

കുരുതേ വിധാനമേത-
ത്പ്രയോക്തുരന്തേ ച നിര്വൃതിം പരമാമ്৷৷20.45৷৷

ഹൃഷ്ടിര്വൃഷ്ടിസ്തുഷ്ടിരിഷ്ടാ സുപുഷ്ടിഃ

കാന്തിര്മേധാ മങ്ഗലാ വാമസംജ്ഞാ.

ദുര്ഗാ പ്രജ്ഞാ ഭാരതീ മധ്യസംസ്ഥാ
വാക്സാമര്ഥ്യം ശ്രീകരം സ്യാദ്വിധാനമ്৷৷20.47৷৷

ദീര്ഘായുഷോ മുഖ്യതരേന്ദിരാശ്ച

മഹാപ്രഭാവാഃ സ്വസമാനവീര്യാഃ.

കലേബരാന്തേ വിഗതാധയസ്തേ
വിഷ്ണോരനന്യം പദമാപ്നുവന്തി৷৷20.49৷৷

കര്ഷോന്മിതേ ച ഹാടക-

പട്ടേ പത്രം വിലിഖ്യ ചതുരശ്രേ.

തദ്ദ്വിത്ര്യംശകൃതേ വാ
കലശേഷു വിനിക്ഷിപേച്ച ദീക്ഷാസു৷৷20.51৷৷

ഏഷാം യാഗവിധീനാ-

മേകേന തു പൂജയംസ്തദവസാനേ.

തത്തന്മൂര്തിപ്രീത്യൈ
സംസ്തോതവ്യോനയാ ഹരിഃ സ്തുത്യാ৷৷20.53৷৷

അജ പ്രസീദ ഭഗവന്നമിതദ്യുതിപഞ്ജര.
അപ്രമേയ പ്രസീദാസ്മദ്ദുഃഖഹന്പുരുഷോത്തമ৷৷20.55৷৷

പ്രസീദ തുങഗ തുങ്ഗാനാം പ്രസീദ ശിവ ശോഭന.
പ്രസീദ സ്പഷ്ട ഗമ്ഭീര ഗമ്ഭീരാണാം മഹാദ്യുതേ৷৷20.57৷৷

ഗുരോര്ഗരീയഃ സര്വേശ പ്രസീദാനന്യ ദേഹിനാമ്.
ജയ മാധവ മായാത്മഞ്ജയ കേശവ കേശിഹന്৷৷20.59৷৷

ജയ ചക്രഗദാപാണേ ജയാജയ്യ ജനാര്ദന.
ജയ രത്നാകരാബന്ധ കിരീടാക്രാന്തമസ്തക৷৷20.61৷৷

നമസ്തേ നലിനാപാങ്ഗ നമസ്തേ നയനാഞ്ജന.
നമഃ പാപഹരേശാന നമഃ സര്വഭയാപഹ৷৷20.63৷৷

നമോ വിഭിന്നജ്ഞേയാംശ നമഃ സ്മൃതിപഥാതിഗ.
നമസ്ത്രിമൂര്തിഭേദേന സര്ഗസ്ഥിത്യന്തഹേതവേ৷৷20.65৷৷

വിശ്വായ വിശ്വവന്ദ്യായ വിശ്വഭൂതാത്മനേ നമഃ.
നമോസ്തു യോഗിധ്യേയായ നമോസ്ത്വധ്യാത്മരൂപിണേ৷৷20.67৷৷

ദേവേശ കര്മ സര്വം മേ ഭവേദാരാധനം തവ.
വിഷയേഷ്വപി സങ്ഗോ മേ ഹുതം വിഷ്ണോ തവാച്യുത৷৷20.69৷৷