सलिलानलपवनधराः

क्रमेण नारायणाक्षराः प्रोक्ताः।

चरमेरस्तु विभक्ति
व्यक्त्यर्थं दर्शितस्तदर्थार्थे।।19.3।।

अथ क्रुद्धमहावीरद्युसहस्रपदादिकैः।
उल्कैर्जातियुतैः कुर्यात्पञ्चाङ्गानि मनोः क्रमात्।।19.5।।

अर्कौघाभं किरीटान्वितमकरलसत्कुण्डलं दीप्तिराज

त्केयूरं कौस्तुभाभाशबलरुचिरहारं सपीताम्बरं च।

नानारत्नांशुभिन्नाभरणशतयुजं श्रीधराश्लिष्टपार्श्वं
वन्दे दोःसक्तचक्राम्बुरुहदरगदं विश्ववन्द्यं मुकुन्दम्।।19.7।।

मध्येऽनन्ताद्यैरपि

संज्ञानात्मान्तिकैर्यजेन्मन्त्री।

पीठाख्यमन्त्रपश्चिम
मथ गन्धाद्यैश्च सम्यगुपचारैः।।19.9।।

वासुदेवाय सर्वात्मसंयोगपदमुच्चरेत्।
योगपद्मपदं प्रोक्त्वा ततः पीठात्मने नमः।।19.11।।

आधारहृद्वदनदोःपदमूलनाभौ

कण्ठे सनाभिहृदयस्तनपार्श्वपृष्ठे।

कास्येक्षणश्रवणगन्धवहे च दोःप
त्संध्यङ्गुलीषु हृदि धातुषु सानिलेषु।।19.13।।

ततोऽष्टाक्षरपूर्त्यर्थं स्मर्तव्यो द्वादशाक्षरः।
मन्त्रो द्वादशमूर्तीस्तु तत्प्रभिन्नास्तनौ न्यसेत्।।19.15।।

द्वादशानां तु संयोगो मन्त्रः स्याद्द्वादशाक्षरः।
आदित्या द्वादश प्रोक्ता युक्ता द्वादशमूर्तिभिः।।19.17।।

ललाटोदरहृत्कण्ठदक्षपार्श्वांसतद्गले।
तथा वामत्रये पृष्ठे ककुदोश्च यथाक्रमम्।।19.19।।

पुनस्तत्प्रतिपत्त्यर्थं किरीटादिमनुं जपेत्।
किरीटकेयूरहारपदान्याभाष्य मन्त्रवित्।।19.21।।

श्रीवत्साङ्कितमाभाष्य वक्षःस्थलमथो वदेत्।
श्रीभूमिसहितं स्वात्मज्योतिर्द्वयमथो वदेत्।।19.23।।

कृत्वा स्थण्डिलमस्मि

न्निक्षिप्य निजासिकां समुपविश्य।

पीठादिकं निजाङ्गे
प्रपूज्य गन्धादिभिः सुशुद्धमनाः।।19.25।।

इति दीक्षितविहितविधिः

संप्रोक्तोऽष्टाक्षरस्य मन्त्रस्य।

शुद्धानां विमलधियां
दीक्षा प्रतिवक्ष्यतेऽथ संक्षेपात्।।19.27।।

विमलोत्कर्षिणी ज्ञाना क्रिया योगेति शक्तयः।
प्रह्वी सत्या तथेशानानुग्रहा नवमी तथा।।19.29।।

अष्टाक्षराङ्गैरष्टाष्टवर्णैरष्टाक्षरान्वितैः।

दलमूले यजेद्भूयो वासुदेवादिकान्क्रमात्।
सशक्तिकांस्ततो बाह्ये संपूज्या हरिहेतयः।।19.31।।

ध्वजश्च वैनतेयश्च शङ्खपद्मौ दिगाश्रिताः।
विघ्नार्यकौ तथा दुर्गाविष्वक्सेनौ विदिग्गताः।।19.33।।

इन्द्रादयस्तद्बहिश्च पूज्या गन्धादिभिः क्रमात्।
इति विष्णोर्विधानं तु पञ्चावरणमुच्यते।।19.35।।

जुहुयादष्टभिर्द्रव्यैर्मनुनाष्टाक्षरेण तु।
पृथगष्टशतावृत्त्या हुत्वा दत्वा बलिं ततः।।19.37।।

पद्मासनः प्राग्वदनोऽप्रलापी

तन्मानसस्तर्जनिवर्जिताभिः।

अक्षस्रजो वाङ्गुलिभिर्जपेत
नातिद्रुतं नातिविलम्बितं च।।19.39।।

विप्रान्प्रतर्प्य विभवैरथ मन्त्रजापी

संह्लादयेज्जपविधिं च ततः क्रमेण।

नित्यार्चना च विहिता विधिनामुनैव
प्रोक्तक्रमेण विदधात्वथ वात्मपूजाम्।।19.41।।

अङ्गानि पूर्वं त्वथ मूर्तिशक्तीः

सकेशवादींश्च पुरंदरादीन्।

समर्चयेद्यस्तु विधानमेत
न्नरोऽचिरात्काङ्क्षितमेति कामम्।।19.43।।

स वासुदेवादिकमर्चयित्वा

भूयो ध्वजादींश्च पुरंदरादीन्।

क्रमेण विद्वान्विधिनार्चयीते
त्ययं क्रमश्च त्रिदशाभिपूज्यः।।19.45।।

अष्टाक्षराक्षराष्टक

मूर्तिविधानानि भेदभिन्नानि।

वक्ष्याम्यर्चयितृ़णां
वाञ्छितसकलार्थसाधनानि सदा।।19.47।।

अरिदरगदाब्जहस्ताः

सर्वास्तु नकारमोर्णयोर्मन्त्री।

शङ्खारिगदाब्जकरे
लक्षणमन्यत्समानरूपं स्यात्।।19.49।।

इयमेवावृतिरधिका

ध्रुवजे ध्रुवजात्पुरा समुद्दिष्टात्।

भवति विधानादिति पुन
रेषां प्रथमं विधानमुद्दिष्टम्।।19.51।।

मोकारजे रतिधृती च सकान्तितुष्टि

पुष्टिस्मृतीरपि च दीप्त्यभिधां च कीर्त्तिम्।

केत्वादिकं च सशतक्रतुपूर्वकं च
संपूजयेद्विमलधीः पुनरन्वितोऽन्ते।।19.53।।

ह्रीः श्री रतिः सपुष्टि

र्मोहनिमाये महादियोगाद्ये।

माये च तृतीयावृति
रन्यदशेषं पुरैव निर्दिष्टम्।।19.55।।

शेषो वासुकितक्षक

कार्कोटकपङ्कजमहापद्माः।

वरपालगुलिकसंज्ञा
स्तृतीयमन्यत्समं विधानेऽन्त्ये।।19.57।।

मत्स्यः कूर्मवराहौ

नृसिंहकुब्जत्रिरामकृष्णाश्च।

कल्किः सानन्तात्मा
पुनरमृतात्मा च षष्ठमहिपाद्यैः।।19.59।।