അജകലാപ്രഥമാവനിശാന്തിഭി-

ര്യുതസുധാകരഖണ്ഡവികാസിഭിഃ.

നിഗദിതോ മനുരേഷ മനോഭുവഃ
സകലധര്മയശോര്ഥസുഖാവഹഃ৷৷17.2৷৷

അരുണമരുണവാസോമാല്യദാമാങ്ഗരാഗം

സ്വകരകലിതപാശം സാങ്കുശാസ്ത്രേഷുചാപമ്.

മണിമയമകുടാദ്യൈര്ദീപ്തമാകല്പജാതൈ-
രരുണനലിനസംസ്ഥം ചിന്തയേദങ്ഗയോനിമ്৷৷17.4৷৷

മോഹിനീ ക്ഷോഭിണീ ത്രാസീ സ്തമ്ഭിന്യാകര്ഷിണീ തഥാ.
ദ്രാവിണീഹ്ലാദിനീക്ലിന്നാക്ലേദിന്യഃ സ്മരശക്തയഃ৷৷17.6৷৷

അനങ്ഗരൂപാ സാനങ്ഗമദനാനങ്ഗമന്മഥാ.
അനങ്ഗകുസുമാനങ്ഗകുസുമാതുരസംജ്ഞകാ৷৷17.8৷৷

ആലിഖ്യാത്കര്ണികായാമനലപുരപുടേ മാരബീജം സസാധ്യം

തദ്രന്ധ്രേഷ്വങ്ഗഷട്കം ബഹിരപി ഗുണശോ മാരണായ ത്രിവര്ണാന്.

മാലാമന്ത്രം ദലാഗ്രേഷ്വപി ഗുഹമുഖശഃ പാര്ഥിവാശ്രിഷ്വനങ്ഗം
കുര്യാദ്യന്ത്രം തദേതദ്ഭുവനമപി വശേ കാ കഥാ മാനവേഷു৷৷17.10৷৷

നത്യന്തേ കാമദേവായ പ്രോക്ത്വാ സര്വജനം വദേത്.
പ്രിയായേതി തഥാ സര്വജനസംമോഹനായ ച৷৷17.12৷৷

വശമുക്ത്വാ കുരും വീപ്സ്യ കഥയേദ്വഹ്നിവല്ലഭാമ്.
പ്രോക്തോ മദനമന്ത്രോഷ്ടചത്വാരിംശദ്ഭിരക്ഷരൈഃ৷৷17.14৷৷

വക്ഷ്യേ വിധാനമന്യ-

ന്മനോഭവസ്യാഥ മോഹനം ജഗതഃ.

യേനാര്ചിതഃ സ ദേവോ
വാഞ്ഛിതമഖിലം കരോതി മന്ത്രവിദാമ്৷৷17.16৷৷

അരുണതരവസനമാല്യാ-

നുലേപനാഭരണമിഷുശരാസധരമ്.

ന്യസ്തശരബീജദേഹോ
ധ്യായേദാത്മാനമങ്ഗജം രുചിരമ്৷৷17.18৷৷

സുരതാ വാരുണീ ലോലാ കാന്തിഃ സൌദാമിനീ തഥാ.
കാമച്ഛത്രാ ചന്ദ്രലേഖാ ശുകീ ച മദനാഹ്വയാ৷৷17.20৷৷

അപത്രപോ യുവാ കാമീ ചൂതപുഷ്പോ രതിപ്രിയഃ.
ഗ്രീഷ്മസ്തപാന്ത ഊര്ജശ്ച ഹേമന്തഃ ശിശിരോ മദഃ৷৷17.22৷৷

അപാങ്ഗഭ്രൂവിലാസൌ ദ്വൌ ഹാവഭാവൌ സ്മരപ്രിയാഃ.

മാധവീ മാലതീ ചൈവ ഹരിണാക്ഷീ മദോത്കടാ.
ഏതാശ്ചാമരഹസ്താഃ സ്യുഃ പൂജ്യാഃ കോണേഷു സംസ്ഥിതാഃ৷৷17.24৷৷

മദനവിധാനമിതീത്ഥം

പ്രോക്തം യോനേന പൂജയേദ്വിധിനാ.

സ തു സകലലോകപൂജ്യോ
ഭവേന്മനോജ്ഞശ്ച മന്ദിരം ലക്ഷ്മ്യാഃ৷৷17.26৷৷

ഇതി മദനയോഗരത്യാ

യോ രമയേന്നിത്യശോ നിജാം വനിതാമ്.

സ തു ഭുക്തിമുക്തികാമീ
വനിതാജനഹൃദയമോഹനോ ഭവതി৷৷17.28৷৷

സുധാമയീം ച തദ്യോനിം നവനീതമയം സ്മരേത്.
സംഗച്ഛേച്ച ശിവജ്വാലാലീഢം തദ്ധൃദയാദികമ്৷৷17.30৷৷

കുസുമാസ്ത്രധിയാ ബാഹ്യേ സ്പൃശേത്കരരുഹൈരപി.
ഹാനിം ന കുര്യാജ്ജീവസ്യ മന്ത്രീ വിശദമാനസഃ৷৷17.32৷৷

സാധ്യാഖ്യാ കാമവര്ണൈഃ പ്രതിപുടിതലസത്കര്ണികം പത്രരാജ-

ത്താരര്ത്വിക്പക്ഷജാഷ്ടാദശസമിദൃതുഗണ്ഡാന്തഗാന്താക്ഷരാഢ്യമ്.

ആശാശൂലാങ്കിതം തദ്വിപതിരിപുദലേ സമ്യഗാലിഖ്യ സേരം
മാരം ജപ്ത്വാസ്യ യാമാശയതി വശഗതാ സാ ഭവേത്സദ്യ ഏവ৷৷17.34৷৷

താരയുജാ ത്വമുനാഗ്നൌ

ഹുത്വാ സംപാതിതേന ചാജ്യേന.

സംഭോജയേത്പതിം സ്വം
വനിതാ സ നിതാന്തരഞ്ജിതോ ഭവതി৷৷17.36৷৷

അഭിനവൈഃ സുമനോഭിരശോകജൈ-

ര്ദധിതിലൈര്വിഹിതാ ഹവനക്രിയാ.

പരമവശ്യകരീ പരികാങ്ക്ഷിതാ-
മപി ലഭേദചിരാദിവ കന്യകാമ്৷৷17.38৷৷

കുങാ മധ്യഗതാഃ ഷ്ണായഗോവ്യര്ണാ യല്ലമധ്യഗാഃ.
ഗോപീജനവകാരാഃ സ്യുര്ഭായസ്വാഹാസ്മരാദികാഃ৷৷17.40৷৷

മൂലമന്ത്രചതുര്വര്ണചതുഷ്കേണ ദ്വികേന ച.
പ്രോക്താന്യങ്ഗാനി ഭൂയോമും ചിന്തയേദ്ദേവകീസുതമ്৷৷17.42৷৷

അയുതദ്വിതയാവധിര്ജപഃ സ്യാ-

ദരുണൈരമ്ബുരുഹൈര്ഹൃതോ ദശാംശൈഃ.

മുരജിദ്വിഹിതേ തു പീഠവര്യേ
ദിനശോ നന്ദസുതഃ സമര്ചനീയഃ৷৷17.44৷৷

ജുഹുയാദ്ദുഗ്ധഹവിര്ഭി-

ര്വിമലൈഃ സര്പിഃസിതോപലോപേതൈഃ.

ഇഷ്ടാം തുഷ്ടോ ലക്ഷ്മീം
സമാവഹേത്സദ്യ ഏവ ഗോവിന്ദഃ৷৷17.46৷৷

വന്ദ്യം ദേവൈര്മുകുന്ദം വികസിതകരവന്ദാഭമിന്ദീവരാക്ഷം

ഗോപീഗോബൃന്ദവീതം ജിതരിപുനിവഹം കുന്ദമന്ദാരഹാസമ്(?).

നീലഗ്രീവാഗ്രപിഞ്ഛാകലനസുവിലസത്കുന്തലം ഭാനുമന്തം
ദേവം പീതാമ്ബരാഢ്യം യജതു ച ദിനശോ മധ്യമേഹ്നോ രമായൈ৷৷17.48৷৷

ത്രികാലമേവം പ്രവിചിന്ത്യ ശാര്ങ്ഗിണം

പ്രപൂജയേദ്യോ മനുജോ മഹാമനാഃ.

സ ധര്മമര്ഥം സുസുഖം ശ്രിയം പരാ-
മവാപ്യ ദേഹാപദി മുക്തിമാപ്നുയാത്৷৷17.50৷৷

ഭിക്ഷാവൃത്തിര്ദിനമനു തമേവം വിചിന്ത്യാത്മരൂപം

ഗോപീസ്ത്രീഭ്യോ മുഹുരപഹരന്തം മനോഭിഃ സഹൈവ.

ലീലാവൃത്ത്യാ ലലിതലലിതൈശ്ചേഷ്ടിതൈര്ദുഗ്ധസര്പി-
ര്ദധ്യാദ്യം വാ സ പുനരമിതാമേതി ഭിക്ഷാം ഗൃഹേഭ്യഃ৷৷17.52৷৷