ऋषिरपि गणकोऽस्य स्या

च्छन्दोनिचृदन्विता च गायत्री।

सकलसुरासुरवन्दित
चरणयुगो देवता महागणपः।।16.3।।

मन्दाराद्यैः कल्पक

वृक्षविशेषैर्विशिष्टतरफलदैः।

शिशिरितचतुराशेऽन्त
र्बालातपचन्द्रिकाकुले च तले।।16.5।।

रत्नमये मणिवज्र

प्रवालफलपुष्पपल्लवस्य सतः।

महतोऽधस्तादृतुभि
र्युगपत्संसेवितस्य कल्पतरोः।।16.7।।

बीजापूरगदेक्षुकार्मुकरुजाचक्राब्जपाशोत्पल

व्रीह्यग्रस्वविषाणरत्नकलशप्रोद्यत्कराम्भोरुहः।

ध्येयो वल्लभया सपद्मकरयाश्लिष्टो ज्वलद्भूषया
विश्वोत्पत्तिविपत्तिसंस्थितिकरो विघ्नो विशिष्टार्थदः।।16.9।।

मदजललोलुपमधुकर

मालां निजकर्णतालताडनया।

निर्वासयन्मुहुर्मुहु
रमरैरसुरैश्च सेवितो युगपत्।।16.11।।

ध्येयौ च पद्मयुगचक्रदरैः पुरोक्तौ

पाशाङ्कुशाख्यपरशुत्रिखैरथान्यौ।

युग्मोत्पलेक्षुमयचापधरौ तृतीया
वन्यौ शुकाह्वकलमाग्रगदारथाङ्गैः।।16.13।।

अग्राश्रावामोदः

प्रमोदसुमुखौ च तदभितोऽश्रियुगे।

पृष्ठे च दुर्मुखाख्य
स्त्वमुमभितो विघ्नविघ्नकर्तारौ।।16.15।।

सिद्धिसमृद्धी चान्या

कान्तिर्मदनावती मदद्रवया।

द्राविणिवसुधाराख्ये
वसुमत्यपि विघ्ननिधियुगप्रमदाः।।16.17।।

दिनशः स चतुश्चत्वा

रिंशत्संख्यं प्रतर्पयेद्विघ्नम्।

उक्तजपान्ते मन्त्री
जुहुयाच्च दशांशतोऽष्टभिर्द्रव्यैः।।16.19।।

अनुदिनमर्चयितव्यो

जपता मनुमपि च मन्त्रिणा गणपः।

प्राक्प्रोक्तपद्मपीठे
सशक्तिके साधिका मनौ विधिना।।16.21।।

सर्वयुतं शक्तिपदं

प्रोक्त्वा कमलासनाय नम इति च।

आसनमन्त्रः प्रोक्तो
नवशक्त्यन्ते समर्चयेदमुना।।16.23।।

दीक्षाभिषेकयुक्तः

प्रजपेत्संपूजयेदिति गणेशम्।

अभिधीयतेऽस्य च पुन
र्गुर्वादेशेन मन्त्रिणो दीक्षा।।16.25।

संपूजयेद्यथाव

त्क्रमात्समावाह्य गणपमिथुनानि।

अभ्यर्च्य चोपचारै
र्हुत्वा विधिवत्पुनः समभिषिञ्चेत्।।16.27।।

स्वर्णाप्त्यै मधुना च गव्यपयसा गोसिद्धये सर्पिषा

लक्ष्म्यै शर्करया जुहोतु यशसे दध्ना च सर्वर्द्धये।

अन्नैरन्नसमृद्धये च सतिलैर्द्रव्याप्तये तण्डुलै
र्लाजाभिर्यशसे कुसुम्भकुसुमैः साश्वारिजैर्वाससे।।16.29।।

मन्त्रेणाथ पुरामुनैव चतुरावृत्त्या समातर्प्य च

श्रीशक्तिस्मरभूविनायकरतीर्नाम्नैव बीजादिकम्।

आमोदादिनिधिद्वयं च सचतुःपूर्वं चतुर्वारकं
मन्त्री तर्पणतत्परोऽभिलषितं संप्राप्नुयान्मण्डलात्।।16.31।।

परिवीतदृढावरणं

तच्च चतुर्द्वारतोरणोल्लसितम्।

तस्मिन्मण्डपवर्ये
चतुरश्रामुन्नतां स्थलीं कृत्वा।।16.33।।

ऊर्ध्वादिमेखलासु

क्रमेण विलिखेन्निजेष्टसमवाप्त्यै।

संप्रोक्तलक्षणयुतं
प्रविरचयेन्मण्डलं स्थलीमध्ये।।16.35।।

आधाय वैश्वानरमत्र कुण्डे

समर्च्य मन्त्रैः क्रमशः कृशानोः।

तैरेव पूर्वं जुहुयाद्धृतेन
मन्त्री समृद्ध्या च ततस्त्रिवारम्।।16.37।।

पुनः समस्तेन च मन्त्रवर्ण

संख्यं प्रजुह्वन्नपि सर्पिषैव।

पूर्वप्रदिष्टैर्जुहुयादथाष्ट
द्रव्यैः प्रसिक्तैर्मधुरत्रयेण।।16.39।।

करिकलभाः करिणीभिः

संपात्यन्तेऽवटेऽत्र गणपतिना।

प्रतिदिनमभ्यवहार्य च
विप्रान्संवर्धितस्तदाशीर्भिः।।16.41।।

मिथुनानां गणपानां

निध्योश्च तथाङ्गमातृलोकेशानाम्।

मन्त्री घृतेन हुत्वा
भ्यर्च्य च होमं समापयेत्सम्यक्।।16.43।।

प्रोक्तस्त्वेवं दशभुजमनुः संग्रहेणात्र भक्तो

दीक्षां प्राप्तो विधिवदभिजप्त्वाथ हुत्वार्चयित्वा।

नुत्वा नत्वा दिनमनु तथा तर्पयित्वा स्वकामा
ल्लँब्ध्वा चान्ते व्रजति मुनिभिः प्रार्थनीयं पदं तत्।।16.45।।

चतुरीयो विलोमेन तारादिर्बिन्दुसंयुतः।
वैघ्नो मन्त्रो हृदन्तोऽर्चाविधौ होमे द्विठान्तकः।।16.47।।

रक्तो रक्ताङ्गरागांशुककुसुमयुतस्तुन्दिलश्चन्द्रमौलि

र्नेत्रैर्युक्तस्त्रिभिर्वामनकरचरणो बीजपूरात्तनासः।

हस्ताग्राक्लृप्तपाशाङ्कुशरदवरदो नागयज्ञाभिभूषो
देवः पद्मासनो वो भवतु नतसुरो भूतये विघ्नराजः।।16.49।।

पीठे तीव्रादिभिः पद्मकर्णिकायां विनायकम्।
आवाह्य पूजयेद्दिक्षु चतुर्ष्वपि यजेत्पुनः।।16.51।।

वक्रतुण्डैकदंष्ट्रौ च महोदरगजाननौ।
लम्बोदरश्च विकटो विघ्नराड्धूमवर्णकौ।16.53।।

नालिकेरान्वितैर्मन्त्री सक्तुलाजतिलैर्हुनेत्।
आरभ्याच्छां प्रतिपदं चतुर्थ्यन्तं चतुःशतम्।।16.55।।

मधुरत्रयसिक्ताभिर्लाजाभिः सप्तवासरम्।
जुहुयात्कन्यकार्थी वा कन्यका वा वरार्थिनी।।16.57।।

दध्यन्नलोणमुद्राभिहुनेन्निशि चतुर्दिनम्।
इष्टार्थसिद्ध्यै मतिमान्सद्यः संवादसिद्धये।।16.59।।

चत्वारिंशच्चतुःपूर्वं तत्पूर्वं वा चतुःशतम्।
चत्वारिंशद्दिनात्तस्य काङ्क्षिता सिद्धिरेष्यति।।16.61।।

समीरणं प्रतिष्ठाप्य जप्त्वाष्टशतसंख्यकम्।
तूष्णीं प्रभक्षयेदेतत्सप्तरात्राद्वशीकरम्।।16.63।।

ऋषिदेवते तु पूर्वे

च्छन्दस्तु विराडमुष्य संप्रोक्ता।

बीजेन दीर्घभाजा
कथितोऽङ्गविधिः क्रमेण बिन्दुमता।।16.65।।

भासुरभूषणदीप्तो

बृहदुदरः पद्मविष्टरो ललितः।

ध्येयोऽनायतदोःपद
सरसिरुहः संपदे सदा मनुजैः।।16.67।।

विघ्नविनायकवीराः

सशूलवरदेभवक्त्रकैकरदाः।

लम्बोदरश्च मात
ङ्गावृत्योरन्तरा च लोकेशाः।।16.69।।

एकमपि नालिकेरं

सचर्मलोष्टेन्धनं हुनेन्मन्त्री।

दिनशश्चत्वारिंश
द्दिनतः स तु वाञ्छितार्थमभ्येति।।16.71।।

अष्टभिरेतैर्विहितो

होमः सर्वार्थसाधको भवति।

दिनशः सघृतान्नहुतो
गृहयात्रायापको गृहस्थानाम्।।16.73।।

समहागणपतियुक्तै

र्विघ्नाद्यैर्दशभिराह्वयैर्दिनशः।

तर्पणपूजाहुतविधि
रपि वाञ्छितसिद्धिदायको भवति।।16.75।।

प्राग्भाषितानपि विधीन्विधिवद्विदध्या

न्मन्त्री विशेषविदथान्वहमादरेण।

एकत्र वा गणपतौ मनुजाः स्वरुच्या
नामानुरूपमनुमेनममी भजन्तु।।16.77।।