भृगुः ससद्यः सार्धेन्दुर्बिन्दुहीनः पुनश्च सः।
विषानन्तौ मान्तनती मन्त्रोऽयं सोमदैवतः।।15.2।।

अमलकमलसंस्थः सुप्रसन्नाननेन्दु

र्वरदकुमुदहस्तश्चारुहारादिभूषः।

स्फटिकरजतवर्णो वाञ्छितप्राप्तये वो
भवतु भवदभीष्टोद्द्योतिताङ्कः शशाङ्कः।।15.4।।

अयुतं प्रजपेन्मन्त्री सायाह्नेऽभ्यर्च्य भाधिपम्।
पयोन्नेन हुनेद्भूयः सघृतेन सहस्रकम्।।15.6।।

केसरेष्वङ्गपूजा स्याच्छक्तीस्तद्बहिरर्चयेत्।
रोहिणीं कृत्तिकाख्यां च रेवतीं भरणीं तथा।।15.8।।

सुसितैर्गन्धकुसुमैः पात्रै रूप्यमयैस्तथा।
शक्तयः फुल्लकुन्दाभास्तारहारविभूषणाः।।15.10।।

त्रिसहस्रं जपेद्रात्रौ मासान्मृत्युंजयो भवेत्।
हृदयाम्भोजसंस्थं तं भावयन्प्रजपन्मनुम्।।15.12।।

असंशयतरं तेन निधानमुपलभ्यते।
घोरा ज्वरा गराः शीर्षरोगाः कृत्याश्च कामिलाः।।15.14।।

जपेन्मनुं यथाशक्ति लक्ष्मीसौभाग्यसिद्धये।
त्रितयं मण्डलानां तु कृत्वा पाश्चात्त्यपौर्विकम्।।15.16।।

राकायामुदये राज्ञो निजकार्यं विचिन्तयेत्।
संस्थाप्य राजतं तत्र चषकं परिपूरयेत्।।15.18।।

विद्यामन्त्रेण मन्त्रज्ञो यथावत्तद्गतात्मना।
विद्याविद्यापदे प्रोक्त्वा मालिनीति च चन्द्रिणी।।15.20।।

इष्टाय दीयते कन्या कन्यां विन्देन्निजेप्सिताम्।

अमितां श्रियमाप्नोति कान्तिं पुत्रान्यशः पशून्।
सोमार्घ्यदाता लभते दीर्घमायुश्च विन्दति।।15.22।।

अथाग्निमन्त्रान्सकलार्थसिद्धि

करान्प्रवक्ष्ये जगतो हिताय।

सर्ष्यादिक्लृप्तीनपि साङ्गभेदा
न्सार्चाविशेषान्सजपादिकांश्च।।15.24।।

भृगुरपि तदृषिश्छन्दो

गायत्री देवताग्निरुद्दिष्टः।

प्राक्प्रोक्तान्यङ्गानि
विशः समुक्तैश्च मन्त्रवाक्यैर्वा।।15.26।।

जपेदिमं मनुमृतुलक्षमादरा

द्दशांशतः प्रतिजुहुयात्पयोन्धसा।

ससर्पिषाप्यसिततरैश्च षाष्टिकैः
समर्चयेदथ विधिवद्विभावसुम्।।15.28।।

पीठे तनूनपातः

प्रागङ्गैरष्टमूर्तिभिस्तदनु।

भूयश्च शतमखाद्यै
र्विधिनाथ हिरण्यरेतसं प्रयजेत्।।15.30।।

शुद्धाभिः शालीभि

र्दिनमनुजुहुयात्तथाब्दमात्रेण।

शालीशालि गृहं स्या
द्गोमहिषाद्यैश्च संकुलं तस्य।।15.32।।

जुहुयात्तिलैः सुशुद्धैः

षण्मासाज्जायते महालक्ष्मीः।

कुमुदैः कह्लारैरपि
जातीकुसुमैश्च जायते सिद्धिः।।15.34।।

तारं व्याहृतयश्चाग्निर्जातवेद इहावह।
सर्वकर्माणि चेत्युक्त्वा साधयाग्निवधूर्मनुः।।15.36।।

अथ वा शक्तिस्वस्तिक

दर्भाक्षस्रक्स्रुवस्रुगभयवरान्।

दधदमिताकल्पो यो
वसुरवतात्कनकमालिकालसितः।।15.38।।

अर्चयेदङ्गमूर्तीश्च लोकेशकुलिशादिभिः।
समिदाद्यममावास्यां परिशोध्य यथाविधि।।15.40।।

मन्त्री वटसमिद्व्रीहितिलराजिहविर्घृतैः।
अष्टोत्तरशतावृत्त्या हुनेदेकैकशः क्रमात्।।15.42।।

सुवर्णवासोधान्यानि शोणां गां च सतर्णकाम्।
पुनरष्टोत्तरं मन्त्री सहस्रं दिनशो जपेत्।।15.44।।

प्रजपदथ वा सहस्रसंख्यं

दिनशो वत्सरतो भवेन्महाश्रीः।

जुहुयात्प्रतिवासरं शताख्यं
हविषाब्देन भवेन्महासमृद्धिः।।15.46।।

उत्पूर्वात्तिष्ठशब्दात्पुरुषहरिपदे पिङ्गलान्ते निगद्य

प्रोच्याथो लोहिताक्षं पुनरपि च वदेद्देहि मेदान्क्रमेण।

भूयो ब्रूयात्तथा दापय शशियुगलार्णांश्चतुर्विशदर्णः
प्रोक्तो मन्त्रोऽखिलेष्टप्रतरणसुरसद्माङ्घ्रिपः स्यात्कृशानोः।।15.48।।

हैमाश्वत्थसुरद्रुमोदरभुवो निर्यान्तमश्वाकृतिं

वर्षन्तं धनधान्यरत्ननिचयान्रन्ध्रैः स्वकैः संततम्।

ज्वालापल्लवितस्वरोमविवरं भक्तार्तिसंभेदनं
वन्दे धर्मसुखार्थमोक्षसुखदं दिव्याकृतिं पावकम्।।15.50।।

अङ्गैर्हुतवहमूर्तिभि

राशेशैः संयजेत्तदस्रैश्च।

पावकमिति मन्त्रितमो
गन्धाद्यैरनुदिनं तदुपहारैः।।15.52।।

शालीतण्डुलकैः सितैश्च पयसा कृत्वा हविः पावकं

गन्धाद्यैः परिपूज्य तेन हविषा संवर्त्य पिण्डं महत्।

आज्यालोलितमेकमेव जुहुयाज्जप्त्वा मनुं मन्त्रवि
त्साष्टोर्ध्वं प्रतिपद्यथो शतमतः स्यादिन्दिरा वत्सरात्।।15.54।।

अष्टोर्ध्वशतं हविषा

मन्त्रेणानेन नित्यशो जुहुयात्।

षण्मासादाढ्यतमो
भवति नरो नात्र संदेहः।।15.56।।

आज्यैरयुतं जुहुया

त्प्रतिमासं प्रतिपदं समारभ्य।

अतिमहती लक्ष्मीः स्या
दस्य तु षण्मसितो न संदेहः।।15.58।।

जातीपलाशकरवीरजपाख्यबिल्व

व्याघातकेसरकुरण्डभवैः प्रसूनैः।

एकैकशः शतमथो मधुरत्रयाक्तै
र्जुह्वत्प्रतिप्रतिपदं श्रियमेति वर्षात्।।15.60।।

क्षीरद्रुमत्वगभिपक्वजलैर्यथाव

त्संपूर्य कुम्भमभिपूज्य कृशानुमत्र।

जप्त्वा मनुं पुनरमुं त्रिसहस्रमानं
सेकक्रिया ज्वरहरी ग्रहवैकृतघ्नी।।15.62।।

मनुनामुनाष्टशतजप्तमथ

प्रपिबेज्जलं ज्वलनदीपनकृत्।

गुरु भुक्तमप्युदरगं त्वमुना
परिजापितं पचति कुक्ष्यनलः।।15.64।।